Barbuura 3:9 - Yennu Gbouŋ Mɔɔr

⁹ Yoo nba ki Israel teeb na tan bui fabin ki tur Yennu na, ki Yennu nyinn sɔɔ ki u tee bi tinntɔɔ, ki u tinnib. Daanɔ maŋe din tee Otniel, ki tee Kaleb waarɔ Kenas bija.

Barbuura 3:9 ပူးပေါင်းရင်းမြစ်များ

Nehemaya 9:27

Li paak ki a te ki bi datai nyannib, ki ji diab. Baa be wahala ni na, ki bi boia sommir po, ki a be sanpaapo ki gat turib. A ninbatinu nba yab na paak, ki a turib tɔɔndamm nba fatib bi datai boor.

Yaŋ 22:5

Bi din yi a sann, ki laat tinnu, ki teena yada ki ki kɔŋit a sommir.

Yaŋ 78:34

Yoo nba kur ki u kpii bi siabi, leeb nba biar na tuu mɔ kɔɔbiae, ki lebit bi binbeŋ ki miar ŋɔɔ Yennu nan ninbinmɔnii.

Joosua 15:17

Ki Otniel, wunba tee Kaleb ninja Kenas bija na, kɔn nyann doo na, ki Kaleb jii u bipoo Aksa ki turɔ, ki u kɔɔnɔ.

Barbuura 1:13

Ki Otniel, wunba tee Kaleb waarɔ Kenas bija na, kɔn nyann doo na, ki Kaleb jii u bipoo Aksa ki turɔ, ki u kɔɔnɔ.

Barbuura 10:10

Ki Israel teeb maŋ din fabin ki tur Yennu, ki yet a, “Ti tun biirawa, ki nyik fin Yennu jiantii, ŋaan jiantir tingbana nba tee Baal.”

Barbuura 2:16

Yennu din tur Israel teeb na saakab, binba din nyinnib fat-teeb nuu ni.

Barbuura 2:18

Yennu din tuu tur Israel teeb na saakɔɔe, ki bia din tuu somm saakɔɔ maŋ, ki bia tinn u niib bi datai nuu ni, yoo nba ki saakɔɔ na daa be u manfoor ni. Yennu din tuu mɔk ninbatinu namm, yoo nba ki bi fabin nanɔ, bi mukisuk nba ki bi datai tuu mukisib na po.

Barbuura 3:15

Ki Israel teeb bui fabin ki tur Yennu. Ki u turib tinntɔɔ. Daanɔ maŋe din tee Ehud, ki u tee gaŋ, ki tee Gera bija, ki nyii Benjaminn booru ni. Ki Israel teeb din tumɔ nan piinii a wun tur Moab bat nba tee Eglonn na.

Barbuura 3:8

Ki Yennu wutoor di nan muu na, Israel teeb paak. Ki u te ki Mesopotamia teeb bat nba sann tee Kusann Risataim na kɔn ki nyannib, ki diab, ki bi tuun u toona ki saa tuu bina ŋanniin.

Barbuura 4:3

Jabinn din mɔk taantorit kobii ŋanyia, ki dia Israel teeb ki ŋmaŋitib, ki saa tuu bina piinlee, ki Israel teeb ji bui fabin ki boi Yennu sommir po.

Barbuura 6:7

Yoo nba ki Israel teeb din bui ki fabin ki tur Yennu a wun fatib Midiann teeb nuu ni na,

1 Samuel 12:10

Ki bi din bui fabin ki tur Yennu ki boi sommir po, ki yet a, ‘Ti tun yanbɔmma, kimaan ti nyik fin Yennu-wa, ŋaan ŋmat jiantir tingbana nba tee Baal nan Astarte nae. Mɔtana, fi-i fatit ki ti nyii ti datai nii ni, ti saa jiantawa.’