Barbuura 3:11 - Yennu Gbouŋ Mɔɔr

¹¹ Ki parmaasir ji be tiŋ na paak bina piinna, nan Otniel nba tan kpo.

Barbuura 3:11 ပူးပေါင်းရင်းမြစ်များ

1 Barkperii 4:13

Kenas din mar bonjai banlee: ŋamme tee Otniel nan Seraya. Otniel mun din mar bonjai banlee: ŋamme tee Hataf nan Meonotai.

Nehemaya 9:28

Parmaasir nba din tan be yoo nba na, ki niib na bia ŋamm tun yanbɔmm, ki a bia te ki bi datai na nyannib; ŋaan baa tan kat bi yanbɔmm ki lebit bi binbeŋ ki boia sommir po yoo nba, ki a be sanpaapo ki gbiint, ki teenib gatu, ki tintib yoo nan yoo, a ninbatinu nba yab na paak.

Estaa 9:22

Daa nba na niŋe ki Juu teeb din fat bi mɔŋ bi datai boor; ŋmaarik na nie din tee parbiir nan dindann kɔŋir sakir, ki ji tan kpant kpinkpammuk nan parpeenn sakir. Bi din betib a bin ji daa maŋ ki di jaamm, kii piin leeb jeet piinii, kii biaki teen talas damm piinii.

Joosua 11:23

Joosua din nyann yent na kur, nan Yennu nba wann Moses biaŋinba na. Ki Joosua jii yent maŋ ki tur Israel teeb, ki li tee bi yar, ki chentib booru kur nan bi yent. Ki niib na ji foi nan tɔb.

Joosua 15:17

Ki Otniel, wunba tee Kaleb ninja Kenas bija na, kɔn nyann doo na, ki Kaleb jii u bipoo Aksa ki turɔ, ki u kɔɔnɔ.

Barbuura 3:10

Yennu Seek din sik u paak, ki u teen Israel teeb saakɔɔ, ki saan tɔb, ki Yennu te ki u kɔn nyann Mesopotamia bat.

Barbuura 3:12

Ki Israel teeb bia tun ki biir Yennu. Baa din tun ki biir na paake teen ki Yennu tur Moab bat Eglonn paŋ ki gar Israel teeb.

Barbuura 3:30

Israel teeb din nyann Moab teeb daar maŋ ni. Ki parmaasir ji be tiŋ maŋ paak ki saa tuu bina piinniin.

Barbuura 3:9

Yoo nba ki Israel teeb na tan bui fabin ki tur Yennu na, ki Yennu nyinn sɔɔ ki u tee bi tinntɔɔ, ki u tinnib. Daanɔ maŋe din tee Otniel, ki tee Kaleb waarɔ Kenas bija.

Barbuura 5:31

“Yennu, ŋaant ki a datai kur n kpakin yann, ki ŋaan binba loona na, bii nyirii nan yonkpana na.” Li poor po parmaasir ji din be tiŋ na paak, bina piinna.

Barbuura 8:28

Israel jab nba din kɔn nyann Midiann jab na, bi ji din ki daamiib. Ki tiŋ na be parmaasir ni, ki saa tuu bina piinna, nan yoo nba ki Gideonn din tan kpo.