Barbuura 2:18 - Yennu Gbouŋ Mɔɔr

¹⁸ Yennu din tuu tur Israel teeb na saakɔɔe, ki bia din tuu somm saakɔɔ maŋ, ki bia tinn u niib bi datai nuu ni, yoo nba ki saakɔɔ na daa be u manfoor ni. Yennu din tuu mɔk ninbatinu namm, yoo nba ki bi fabin nanɔ, bi mukisuk nba ki bi datai tuu mukisib na po.

Barbuura 2:18 ပူးပေါင်းရင်းမြစ်များ

Pinpiik 6:6

ki li biir u par, ki u mɔ kɔɔ nan waa nan nisaarik tingbouŋ na ni na.

2 Kpanbara 13:4

Ki Jehoahas miar Yennu, ki Yennu nba la Siria kpanbara dia Israel teeb nan biak na, ki u gbat u miaru.

Yaŋ 12:5

Ŋaan Yennu yeen a, “N saa baar mɔtana, kimaan talas damm di biake, ki binba be mabir ni na kurii nan gbananyekitir. N saa turib yandɔɔnn binbeŋ nba ki bi tuu daan nawa.”

Yaŋ 90:13

A wutoor saa do ki wei nlee? Yennu, tinin timm a daaba ninbaauk.

Nyinu 2:24

ki u gbat bi fabinii, ki tiar u mɔsonn nba ki u din senn ki tur Abraham nan Aisak nan Jakɔb na.

Nyinu 3:12

Ki Yennu yetɔ a, “N sii be nana, ki fi-i nyinn niib maŋ Ijipt tiŋ ni yoo nba, i saa jiantin jɔɔr na paak. Ŋanne sii tee nyinn ki wann nan mine set tuma.”

Nyinu 32:14

Ŋanne ki Yennu lebit u dudukit, ki ji ki baar nan bonbiir u niib paak, nan waa bo yaa wun tun na.

Hosea 11:8

“Israel teeb, nlee ki n saa ŋaaini? Nlee ki n saa nyikini? N bo kan fit biiri nan maa tun biaŋinba ki tur Adma, koo ki bo dia-i nan maa tun biaŋinba ki tur Seboyim na. N par kan chabin ki min tun nna, kimaan n mɔk lomm nani bonchiann.

Jona 3:10

Yennu din la linba ki bi tun na. U din la nan bi lu bi yanbɔntoonawa. Ki u lebit u dudukit, ki nyik bi tubdatu.

Nikant 10:9

“Li-i tuu kii tee ki i be i tiŋ ni, ki i datai leki, ki kɔn nani, yin tuu peb naatuna na, ki lii tee nyinn nan i be tɔb ni, ki min i Yomdaanɔ Yennu saa sommi ki nyinni i datai maŋ nuu ni.

Sennu 32:36

Yennu saa fat u niib, yoo nba ki u la ki bi paŋ gbenn. U sii mɔk ninbatinu nan damm nba jiantirɔ na, yoo nba ki u la baa chɔk biaŋinba.

Joosua 1:5

Joosua, sɔɔ kan ban nyanna. N sii be nana nan maa din be nan Moses biaŋinba na. N sii be nanae yoo kur, ki kan ban nyika.

Barbuura 10:16

Ki bi lu tingbana nba kur ki bi jiantir na, ŋaan jiant Yennu. Li din daamii Yennu nan Israel teeb nba be parbiir ni na.

Barbuura 11:32

Tɔn, ki Jefta fiir ki poot mɔkir na a wun kɔn nan Amonn teeb, ki Yennu turɔ nyannu.

Barbuura 2:19

Li-i tee ki Israel teeb maŋ saakɔɔ kpo, bi ji din tuu ŋmat binbenkperik na nie. Ki bi marima bi, ki gar bi baanba marima. Bi din tuu waa jiantir tingbanae, ki tee tubkangbata, ki tuun bi dudukbiit nba wantib linba.

Barbuura 3:9

Yoo nba ki Israel teeb na tan bui fabin ki tur Yennu na, ki Yennu nyinn sɔɔ ki u tee bi tinntɔɔ, ki u tinnib. Daanɔ maŋe din tee Otniel, ki tee Kaleb waarɔ Kenas bija.

Barbuura 6:12

Ki Yennu malaka na dɔkit Gideonn paak leŋ ki yet a, “Yennu be nana, fin parcheenn daanɔ nba tee nijaann na.”

Barbuura 6:16

Ki Yennu yetɔ a, “A saa fit tuma, kimaan n saa somma, ki a saa biir Midiann teeb yian, ki li sii tee nan niyenɔkɔɔe na.”