Barbuura 1:2 - Yennu Gbouŋ Mɔɔr

² Ki Yennu jiin a, “Juda boorue saa liit. N jikit tiŋ na ki kubint bi nuu ni.”

Barbuura 1:2 ပူးပေါင်းရင်းမြစ်များ

Nikant 2:3

Li yondo po, binba tee Juda booru na, bii be nan bi fariŋ, kii be kaann kaann nan bi saakab. Baa sii kaar biaŋinbae na: Juda booru ni saakɔɔ tee Nasonn, ki u tee Aminadab bija, ki bi kann tee jab tusaa piinlore nan ŋanna nan kobii ŋanloob. Ki Isakar booru ni saakɔɔ tee Netanel, ki u tee Suar bija, ki bi kann tee jab tusaa piinŋmu na ŋanna nan kobii ŋanna. Ki Sebulunn booru ni saakɔɔ tee Eliab, ki u tee Helonn bija, ki bi kann tee jab tusaa piinŋmu nan ŋanlore nan kobii ŋanna. Ki bi kur taan ki tee jab tusaa kobik nan piinniin nan ŋanloob nan kobii ŋanna. Juda booru paabue sii be liik.

Nikant 7:12

Baa din tur bi Yenpiinii ki wei leeb paak daar daar biaŋinbae na: Sinsinn daar, Juda booru, ki bi saakɔɔ tee Nasonn, ki u tee Aminadab bija. Daaŋanlee daar, Isakar booru, ki bi saakɔɔ tee Netanel, ki u tee Suar bija. Daaŋantaa daar, Sebulunn booru, ki bi saakɔɔ tee Eliab, ki u tee Helonn bija. Daaŋanna daar, Rubenn booru, ki bi saakɔɔ tee Elisur, ki u tee Sedeur bija. Daaŋanŋmu daar, Simeonn booru, ki bi saakɔɔ tee Selumiel, ki u tee Surisadai bija. Daaŋanloob daar, Gaad booru, ki bi saakɔɔ tee Eliasaf, ki u tee Dewel bija. Daaŋanlore daar, Efraim booru, ki bi saakɔɔ tee Elisama, ki u tee Amihud bija. Daaŋanniin daar, Manase booru, ki bi saakɔɔ tee Gamaliel, ki u tee Pedasur bija. Daaŋanyia daar, Benjaminn booru, ki bi saakɔɔ tee Abidann, ki u tee Gideoni bija. Daapiik daar, Dann booru, ki bi saakɔɔ tee Ahieser, ki u tee Amisadai bija. Daapiik nan yenn daar, Aser booru, ki bi saakɔɔ tee Pagiel, ki u tee Okrann bija. Daapiik nan ŋanlee daar, Naftali booru, ki bi saakɔɔ tee Ahira, ki u tee Enann bija. Saakab na kur nba din tur bi piinii biaŋinbae na: Salimpeena kut sɔnt, ki li kpaiu tee nan simpeenii bɔrik-gbinn na, nan salimpeena tatilabik, ki li kpaiu tee nan simpeenii bɔrik-gbinjinn na, ki tee biaŋinba ki bi senn; ki li kur gbee nan yon ki ŋmat kpama, ki tee jeet Yenpiinii; nan salima senii, ki li kpiau tee nan janii bɔrik-gbinjinn na, ki bonnunubit gbee li ni; nan naajabir nan pejak nan pegann nba dii binn, ki li tee mujoonu Yenpiinii; nan buuk, ki li tee yanbɔmm Yenpiinii; nan naajai banlee nan pejai banŋmu nan buunii banŋmu nan pei banŋmu, binba dii binn binn, ki li tee weinanleeb Yenpiinii.

Hiibru teeb 7:14

Sɔɔ kur poŋ mi nan ŋɔɔ Yiisa nyii Juda booru nie, booru nba ki Moses din ki mi pak siar bi po ki jiin mannteeb po.

Joosua 2:24

ki bia yet a, “Ti mi nan Yennu jii tiŋ na kur ki turita. Niib nba kur be leŋ na tiinit jaŋmaaniie.”

Fiitu 5:5

Ŋanne ki saakab na yenɔ yetin a n daa bui, a n got wunba nyii Juda maaru ni, ki u sann tee Juda Yanbɔr na, wunba tee Defid Yaaboonjaann ki nyann bonsiar kur na, ŋɔɔe saa fit tabit yiit ŋanlore na ki pɔbit gbanpɔɔbir maŋ.

Barbuura 1:3

Ki Juda booru na yet bi ninjamm Simeonn booru a, “Ŋaant ki timm nan yimm n saan ki kɔn nan Keenann teeb nba ki Yennu jii bi tiŋ ki turit na. Ki ti mun n tan saan kɔn taani tiŋ nba ki bi jii ki turi na ni.” Tɔn, ki Simeonn

Barbuura 20:18

Ki Israel jab saan Betel, doo nba ki bi tuu jiantir Yennu na ni. Leŋe ki bi saa boi Yennu a, “Naakulanne saa liit ki kɔn nan Benjaminn teebi?” Ki Yennu jiin a, “Juda teebe saa liit.”