Amos 9:8 - Yennu Gbouŋ Mɔɔr

⁸ Min Yabint Yennu gorii Israel nigbouŋ nba tee toonbiit damm nae, ki saa boontib tingbouŋ na paak, ŋaan n kan boont bi maaru kuri.

Amos 9:8 ပူးပေါင်းရင်းမြစ်များ

Pinpiik 6:7

Ŋanne ki u yet a, “N saa biir nisaarik nba ki n namɔ tingbouŋ na niŋ nawa, li niib nan bonkobit nan bonbubɔkit nan bon-yuyukit, kimaan n mɔ kɔɔ nan maa namm nawa.”

Pinpiik 7:4

Daa ŋanlore poorpoe ki n saa te ki saak n baa tingbouŋ na paak, yonnu ni piinna, nan nyiɔk piinna, ki li saa biir bonfoor kur nba ki n din nan na.”

1 Kpanbara 13:34

U tiɔŋ biit nae din baar nan u naan yiikoo biiru chain chain.

Barjokit 15:3

Yennu laat linba tuun lokir kur po, u gorii linba ki ti tuun kur, laa ŋan koo laa bi.

Barjokit 5:21

Yennu laat faa tuun linba kur. Siaminba kur ki a saan, ŋaan Yennu goriiae.

Jeremaya 30:11

N saa baar i boor ki tan tinni. N saa biir digbana nba ki n yati ki saan nani na, ŋaan n kan biir yimmi. N saa dat i tubawa, ŋaan n saa dat i tuba nan lomme. Min Yennu-e pak na.”

Jeremaya 44:27

N saa te ki i kan mɔkit, ŋaan n saa biirie. I kur saa kpoe tɔb ni, koo yiarii ni, ki nan i yenɔkɔɔwa tan kan tenni.

Jeremaya 46:28

N saa baar i boor ki tan tinni. N saa biir digbana nba kur ki n yati ki i saan leŋ na, ŋaan n kan biir i mɔŋi. N saa dat i tubawa, ŋaan mi-i daar yoo nba, n sii daar nan lommo. Min Yennu-e pak na.”

Jeremaya 5:10

Saant bi daan tiinii kpaant ni ki biirib, ŋaan i daa biirib chainchain. Ii chɔɔ yiinii maŋ, kimaan bi ki tee min Yennu yab kaa.

Hosea 1:4

Ki Yennu yet Hosea a, “Purin bik na sann Jesreel, kimaan li kan yukiri nan maa saa dat Israel kpanbar tubir, u yeeja Jehu nba kpii niib Jesreel na paak. N yaa man pot Jehu maaru naame,

Hosea 1:6

Ki Gomer ŋamm soor poor, ki mar bonpook, ki Yennu yet Hosea a, “Purin u sann Lo-Ruhama, kimaan n ji kan ban wann Israel teeb n lommi, koo ki nyik chabibi.”

Joel 2:32

Ŋaan binba kur tan boin sommir po saa la tinnu. Niib nba be Jerusalem, bi siab saa la fatu, ki binba ki n gannib na sii mɔk manfoor nan min Yennu nba yet biaŋinba.”

Amos 3:12

Yennu ŋamm yet a, “Li-i tee ki yanbɔr soor peeuk, pekpaarik tuu tan la taa ŋanlee koo tubire. Nnae mun ki Samaria teeb nba daa di manu na, bi waaminnae tan saa tinn.”

Amos 7:17

Li paak, Amasia, Yennu beera a, ‘A ŋaapoo sii tee bonchonchonne ki be doo ni, ki bi saa kpi a waas tɔbii ni, ki bia saa jii a tiŋ na ki biit siab, ŋaan ki a mɔŋ saa kpo binba ki jiantir Yennu na tiŋ ni. Ki bi tan saa soor Israel teeb na bi tiŋ ni, ki yaat saan namm tingaŋ ni.’ ”

Amos 9:10

Yanbɔndamm nba kur be n niib ni na, bi saa kpib tɔbii ni, binba yaa, ‘Yennu kan te bonbiir n baarit na.’ ”

Amos 9:4

Ki li-i tee ki bi datai soorib ki yaat nammi, n saa te ki bin kpib. N lor man biiribe, n ki yaa n sommib kaa.”

Sennu 4:31

U tee ninbatinu Yennu-e. U kan nyiki yann, koo ki biirini. U bia kan tamm mɔlor nba ki u mɔŋ lor nan i yeejamm na.

Sennu 6:15

Li-i tee ki i jiantir yensau, Yennu wutoor saa baar i paak nan muu nae, ki saa di-i ki boonti yiama, kimaan i Yomdaanɔ Yennu, wunba be nani na, tee funfunn Yennu-e.