Amos 9:7 - Yennu Gbouŋ Mɔɔr

⁷ Yennu yet a, “Israel teeb, n loon Sudann teeb nan maa looni biaŋinba nae. N jii Filistia teeb ki nyii namm Kret tiŋ ni, ki bia jii Siria teeb ki nyii namm Kir tiŋ ni, nan maa jii-i ki nyii nani Ijipt biaŋinba na.

Amos 9:7 ပူးပေါင်းရင်းမြစ်များ

2 Kpanbara 16:9

Tiglaf Pileser din tun Ahas loomm na, ki jii kunkɔnkɔnna ki lek Damaskus, ki nyannir, ki kpii kpanbar Resinn, ki soor u niib ki teemm yommii, ki saan namm Kir.

2 Barkperii 14:12

Yoo nba ki Asa nan Juda kunkɔnkɔnna din took Sudann kunkɔnkɔnna na, Yennu din kɔn nyann Sudann kunkɔnkɔnna, ki bi chiar,

2 Barkperii 14:9

Sudann nirɔ nba ki bi yiu Sera na din mɔk kunkɔnkɔnna tusaa tusir, nan taantorit kobii ŋantaa, ki lek Juda teeb ki weib, ki bi saa baar Maresa.

Nyinu 12:51

Li daar ki Yennu nyinn Israel teeb booru kur Ijipt tiŋ ni.

Aisaya 20:4

Asiria kpanbar saa jii yommii nba ki u nyann digbana ŋanlee maŋ ni, ki yaat namm gbananbirae. Saakab nan waas kur saa somm gbananbirae, nan taayana, nan payana, ki li tee fei ki teen Ijipt.

Aisaya 22:6

Ki kunkɔnkɔnna nyii Elam tiŋ ni, ki jak taanii, ki dia tɔrbana nan peenii, ki leeb nyii Kir tiŋ ni, ki bi naagbankɔŋa teen siira.

Aisaya 43:3

Kimaan mine tee i Yomdaanɔ Yennu, Israel teeb kasii Yennu, wunba tinti na. N saa jii Ijipt nan Sudann nan Seba-e, ki lin teen i tinnu paatii.

Jeremaya 13:23

Nibɔŋ saa fit lebit u gbananta-a? koo naamuuk saa fit boon u pɔriuwa-a? Li-i tee ki bi saa fit tun nna, ŋann ŋarin, fin nba ki tuun siar ki pukin toonbiit po na bo saa fit tumii ŋant tumuwa.

Jeremaya 47:4

Yoo baar nan bin biir Filistia-wa, ki pot sommir nba ki u tuu laat Taya nan Sidonn boor na. Min Yennu-e saa biir Filistia teeb na; ŋamme tee binba kur nyii Kret mɔkgbiɔŋ po na.

Hosea 12:13

Yennu din tun u sɔkiniie Ijipt tiŋ ni, a wun tinn Israel teeb daabisin ni, ki bia kii goriib.

Amos 1:5

N saa faa kɔnn kutlaana nba dia Damaskus tammɔkɔɔkir, ki nyinn niib nba kɔɔ Afenn baauk ni na, nan Bef Edenn doo diatɔɔ na. Ki bi saa soor Siria teeb ki teemm yommii, ki saan namm Kir tiŋ ni.”

Amos 2:10

Mine din nyinni Ijipt, ki ŋmakitiri ki i somm kunkoouk paak bina piinna, ki tan turi Amor teeb tiŋ, a lii tee i yar,

Sennu 2:23

Niib nba din kar Kret mɔkgbeŋir kunkonn paak na, ŋamme ji kɔɔ tiŋ nba kook Sinsuuk ni mɔkgbeŋir na. Bi din boont Af teeb nba din kar leŋ sinsinn nae, ki bia fat yent maŋ ki saa tuu Gasa doo.)