Amos 9:5 - Yennu Gbouŋ Mɔɔr

⁵ Yomdaanɔ Yabint Yennu tuu sii tingbouŋ nae ki lin jekir, ki binba kur be li ni na bui fabin. Ki durinya na kur saa do ki tan ŋmat sik nan Ijipt mɔkir na.

Amos 9:5 ပူးပေါင်းရင်းမြစ်များ

Yaŋ 104:32

Wuu got tingbouŋ, li jekire, wuu sii jɔjaana ki li nyi munyuut.

Yaŋ 144:5

Yennu, bɔkitir sanpagbouŋ ki sik; a sii jɔjaana na ki munyuut n nyi bi ni.

Yaŋ 32:6

Li paak, wunba be fanu nana, wun miara, yoo nba ki u be mukir ni; wahala maŋ-i lekii pir nan nyunpana na ŋaan li kan teenɔ siar.

Yaŋ 46:6

Yennu kunkɔr tant, ki tingbouŋ nann, ki jaŋmaanii soor niib na, ki digbana baa.

Yaŋ 97:5

Jɔfɔkit tuu nanne nan kpan na, Yennu nba tee tingbouŋ na kur Yomdaanɔ na tɔɔnn.

Aisaya 64:1

Bee ki a kan pat sanpagbouŋ ki siki? Kunkona bo saa la-a, ki jaŋmaanii n jekib.

Jeremaya 12:4

Li saa wei nlee ki ti tiŋ bia daa tee tinkooŋ, ki siar kur boor mɔɔt n koori? Bonkobit nan nɔɔnii kpenne, kimaan ti niib toonbiit paak, niib nba yeen a, “Yennu ki laat linba ki ti tuun na.”

Hosea 4:3

Linba na saa te ki tiŋ n koor, ki linba kur be li paak saa kpo. Li bonkobit nan li nɔɔnii, nan janii nba be nyun ni, bi kur saa kpo.”

Amos 8:8

ki li saa te tiŋ n damm, ki wunba kur be tiŋ na paak saa di wahala, ki tiŋ na kur saa jekir, ki li saa pukir do ki tan maak, nan Ijipt mɔkir nba tuu pukir ki maakit biaŋinba na.

Nahum 1:5

Ki jɔfɔkit jekir Yennu tɔɔnn, ki kunkona tuu nann u numm ni. Yennu-i lekit yoo nba, tiŋ tuu jekire; ki durinya na nan li niib kur jekir nan jaŋmaanii.

Nahum 1:6

U wutoor-i doo yoo nba, ŋmee saa tinni? Ŋmee saa fit nyi u wutochiɔŋ na ni? U tuu mɔɔn u wutoor nba di nan mupeenu nae, ki tanpiit yakitir, ki kpantir tant u tɔɔnn.

Habakuk 3:10

Yoo nba ki jɔfɔkit na got ki la-a na, ki bi jekir, ki nyun nyii sanpagbouŋ ni ki baa. Ki nyun nba be tingbouŋ na lɔŋ ni na fu fuut, ki li nyunpana kpaatir do.

Matiu 7:27

ki saak tan baa, ki nyun gbee yat nan doo, ki wouŋ da, ki nyunpana koon ki liat ŋaak maŋ dikpina, ki li bet baa wamm, ho, baa biiuk jiakii!”

Fiitu 20:11

Ki n bia la naangboungbeŋir nba peen bonchiann, nan wunba kar li paak na; ki tingbouŋ nan sanpaak mir bot u tɔɔnn, ki sɔɔ ji kan mi lar.