Amos 9:15 - Yennu Gbouŋ Mɔɔr

¹⁵ N saa kaan n niib tiŋ nba ki n turib na niŋe, ki sɔɔ ji kan ban fiimmi.” I Yomdaanɔ Yennu-e pak na.

Amos 9:15 ပူးပေါင်းရင်းမြစ်များ

Yaŋ 44:2

A din ber nyinn binba ki jiantira na bi tiŋ ni, ki dat bi tuba, ŋaan kaan a niib leŋ, ki te ki bi mɔkit.

Yaŋ 80:8

A nyii nan tiik nyakir Ijipt tiŋ nie, ki ber digbanlia, ki nyinnib, ŋaan bur nyakir maŋ bi tiŋ ni.

Aisaya 60:21

A niib kur sii tuun linba ŋan, ki saa yent tiŋ na yaayoo siiyoo. Mine namm ki kaamm a man fiit n yabint ki wann sɔɔ kur.

Jeremaya 16:15

Ŋaan bi sii poor n sann ni, a Yennu nba fo, ki nyinn Israel teeb gaŋ po tiŋ na ni, ki nyinnib digbanlia nba ki n din yat kɔɔmm na ni. N saa jen namm bi tiɔŋ digbann ni, tiŋ nba ki n tur bi yeejamm na ni. Min Yennu-e pak na.”

Jeremaya 23:8

ŋaan bi tan saa por n sann ni, a Yennu nba fo ki nyinn Israel teeb gaŋ po tiŋ na ni, nan digbana kur nba be ki n din yatib ki kɔɔmm na ni. Ki bi sii be bi dantiŋ ni.”

Jeremaya 24:6

N sii guub ki tan jen namm tiŋ na ni. N saa te ki bin doe; n kan te bin baa kaa. N saa buribe; n kan ŋabirib kaa.

Jeremaya 3:18

Yimm Israel teeb saa lakin nan Juda teeb, ki saa nyi yommisin ni, gaŋ po tiŋ na ni, ki jen tiŋ nba ki n tur i yeejamm, a lii yɔɔ kii tee i yent na ni.”

Jeremaya 32:15

Yabint Daanɔ nba tee Israel teeb Yennu na yet a bi saa ŋamm daa ŋei nan tinii nan daan tiinii kpaant, tiŋ na ni.”

Jeremaya 32:37

N saa tikir niib maŋ ki nyi namm digbana nba ni ki n wutoor din doo ki n par biir, ki n yatib ki saan namm na, ki jen namm nna, ki te bii be bi yamani.

Jeremaya 32:41

Li sii manin nan mii tuun toonŋana kii teemm, ki n saa kaanib fanu, tiŋ na ni.

Jeremaya 33:7

N saa te Juda nan Israel teeb n mɔkit, ki ŋamm maab, nan baa din tee na.

Esekiel 34:28

Ki niib nba ki waa min Yennu na ji kan ban lekib ki fatibi. Ki bonkob-susoot na ji kan kpib ki ŋmami. Ki bi sii be bi yamani, ki sɔɔ ji kan jeemm ki kɔɔmm jaŋmaanii.

Esekiel 37:21

ki a ji yetib nan min Yabint Yennu-e yaa man nyinn n niib digbana nba ki bi saan be li ni na, ki taamm, ki te bin ŋmat jen bi tiɔŋ tiŋ ni.

Esekiel 37:25

Ki bi saa kar tiŋ nba ki n tur n toontunnɔ Jakɔb, ki li tee tiŋ nba ki bi yeejamm din kar na ni. Ki bi saa kar leŋ nan yoo nba kaa paak. Nnae mun ki bi waas nan bi yaaboona kur saa kar. Ki bi kpanbar sii tee nan n toontunnɔ Defid na, ki diab nan yoo nba kaa gbennu.

Joel 3:20

N saa kɔn binba ki bi kpiib na paaka. N kan nyik biirteeb na yanni, ŋaan niib sii be Juda tiŋ nan Jerusalem doo ni mɔkmɔk nan mɔkmɔk, ki min Yennu sii be Sayɔnn kunkonn paake.”

Maika 4:4

Ki sɔɔ kur sii be nan parmaasir, ki kar u tiɔŋ tilontii nyaka, ki sɔɔ ji kan kɔɔmm jaŋmaanii. Yabint Yennu-e senn mɔsonn na.