Amos 9:12 - Yennu Gbouŋ Mɔɔr

¹² ki te Israel teeb n kɔn ki nyann Edom tiŋ nba biar na, nan digbanlia nba kur din tee n yar na. Min Yennu nba saa te linba na kur n tun nae pak na.”

Amos 9:12 ပူးပေါင်းရင်းမြစ်များ

Pinpiik 27:29

Nibooru bonchiann sii tee a jiamm, ki niib sii gbaant a tɔɔnn ki jiantira. Fine tan sii tee a nikpiimm kpanbar, ki a naa yaaboona tan saa gbaan ki jianta. Mɔpor sii be daansiab nba waanta mɔi paak; ki piisin mun sii be daansiab nba waanta piisin na paak.”

Pinpiik 27:37

Ki Aisak pakɔ a, “N teenɔ a chanbaawa, ki teenɔ u nikpiimm kur yudaanɔwa. N turɔ dii nan tilɔɔna daama. N bija, siar ji kaa ki n saa tun turani.”

Yaŋ 60:8

N saa jii Moab teebe ki bii tee tatilaauk nba ki n sii sokii bona li ni, ki sii birin n taasaat Edom yent ni, ki li sii tee nyinn nan mine yen yent maŋ, ki hoot man nyann Filistia teeb na paak.”

Aisaya 11:14

Bi saa taan ki lek Filistia teeb nba be yonbaa po, ki fat niib nba kar yondo po na bona. Bi saa nyann Edom nan Moab teeb, ki Amonn teeb saa sak bi mɔb.

Aisaya 43:7

Bi tee n tiɔŋ niibe, ki n namm a bii baakitin.”

Aisaya 63:19

A diat nan a ki ban teen ti kpanbar nae, ki tee nan ti ki ban teen a niib na.

Aisaya 65:1

Yennu yet a, “N bo teen siir maa n gbat n niib miarue, ŋaan ki bi ki miarin; n teen siir maa bin lame, ŋaan ki bi ki lomin. Digbann na ki miarin, ŋaan ki n bo teen siir maa n gatib a, ‘Mine na, n saa sommiwa.’

Jeremaya 14:9

Bee ki a tee nan jɔɔ nba ki bi kpirɔ na? Bee ki a tee nan kunkɔnkɔnnɔ nba kaa yiikoo ki saa tinn nirɔ na? Yennu, a setik be nant, ti tee a niibe. Daa nyikititi.’ ”

Jeremaya 15:16

A pak nanime, ki n gbiint mɔbonn kur. Yabint Yennu nba tee yiikoo daanɔ, n tee a yɔɔe, a mɔmaame gbeen n par nan kpinkpammuk nan parpeenn.

Joel 3:8

N saa te ki bin kɔi i bonjai nan i bonpoi ki tur Juda teeb, ki bi mun saa kɔib ki tur Sabea teeb nba kɔɔ banfɔka na. Min Yennu-e pak na.

Malakai 1:4

Li-i tee ki Esɔɔ yaaboona nba tee Edom teeb na yet a, “Ti doi nba ki bi bit na, ŋaan ti saa ŋamm maa doi maŋa,” Yennu saa jiin a, “Ŋaant ki bin ŋamm maa, ŋaan n bia saa bit doi maŋa. Niib sii yib a ‘Digbanbiiuk,’ nan ‘Booru nba ki Yennu wutoor kan ban maak bi paaki.’ ”

Toona 15:17

li paak, niib kur nba be tingbouŋ na ni ki ki tee Israel teebi, ŋaan ki n gannib a bin nakin min nba tee bi Yomdaanɔ.

Toona 15:18

Nnae ki Yennu, wunba te ki bi bann linba na yaayoo niwa na din yet.’ ”