Amos 7:4 - Yennu Gbouŋ Mɔɔr

⁴ Ki n bia la yirintu ki li nyii Yabint Yennu boor. Yirintu maŋ ni, ki n la ki u tee siir a wun dat u niib tuba nan muu, ki muu na dii boont mɔkgbeŋir nba be tinpɔɔr ni na, ki ji piin di tingbouŋ.

Amos 7:4 ပူးပေါင်းရင်းမြစ်များ

Aisaya 27:4

N wutoor ji ki do n kpaab maŋ paak. Li-i bonni tee ki kunkonii nan jagotuk be leŋ ki daamir, n bo saa joo kunkonii nan jagotuk maŋ muue faba.

Jeremaya 4:4

Ii dia yimm nan min Yennu mɔsonn na man, ki jii i mɔŋ ki turin, yimm Juda nan Jerusalem teeb. Yi-i kii teen nna, n wutoor sii di nan muu nae, kimaan biit nba ki i tun na paak. Li sii die, ki sɔɔ kaa ki saa kpeen muu maŋi.”

Esekiel 21:3

nan min Yennu-e yeen na: N tee i dataake. N saa saat n jukbanjiak ki kpi i kura, li niŋamm nan nibiit kur.

Joel 1:19

Ki n fabin tur fin Yennu, kimaan bonkobit kpinkpaar boa nan tiinii kur koora, ki tee nan muue diir na.

Joel 2:30

“Ki daa maŋ ni, n tan saa tun bakitnauŋ toona sanpaapo nan tingbouŋ na ni; ki sɔn nan muu nan munyuuk tan sii be.

Liifai teeb 10:2

Ki li taakpaak ni ki Yennu te ki muu sik ki dii kpiib ŋɔɔ Yennu tɔɔnn po.

Amos 1:4

Li paak n saa te muu n sik kpanbar Hasael ŋaak paak, ki li saa di ŋajaann nba ki kpanbar Ben-hadad maa na.

Amos 1:7

Li paak n saa te muue n baa Gasa doo joona paak ki di li ŋajaana.

Amos 2:5

Li paak, n saa te muue n baa Juda tiŋ paak, ki di Jerusalem ŋajaana na.”

Amos 4:11

“Ki n biir i yenn nba nan maa din biir Sodom nan Gomora teeb biaŋinba na. Ki i siab nba biar ki be i manfoor ni na tee nan datar na, ŋaan ki i lek ki jen n boor. Min Yennu-e pak na.

Amos 5:6

Saant Yennu boor, ki i saa la manfoor. Li-i tee ki i ki saan u boori, u saa sik yimm Israel teeb paak nan muu nae, ki bia di Betel teeb, ki sɔɔ sii kaa ki saa kpeeniri.

Amos 7:1

N la yirintu ki li nyii Yabint Yennu boor, ki u nan naasuut ki bi yaba, baa chɔɔ kpanbar tammɔɔt ki gbenn ki mɔpaauŋ piin bintir na poor po.

Amos 7:7

Ki n bia ŋamm la yirintu, ki Yennu see kpia joonn nba ki bi din jii ŋmibikinkar ki bikin maa na, ki dia ŋmibikinkar u nuu ni.

Maika 1:4

Ki jɔjaana na saa nann u yaaka ni, nan sagbouŋ nba tuu baa muu ni ki nann biaŋinba na. Jɔɔt na saa kpaar sik baat, nan nyun nba tuu nyi kunkonn paak ki kpaar sik biaŋinba na.

Nahum 1:6

U wutoor-i doo yoo nba, ŋmee saa tinni? Ŋmee saa fit nyi u wutochiɔŋ na ni? U tuu mɔɔn u wutoor nba di nan mupeenu nae, ki tanpiit yakitir, ki kpantir tant u tɔɔnn.

Nikant 16:35

Ki Yennu bia tun muu ki li sik ki tan dii jab kobii ŋanlee nan piinŋmu nba bo dia bi bonnunubit ki teen ŋɔɔ Yennu na.

Sennu 32:22

N wutoor saa doe nan muyeruk na, ki di linba kur be tiŋ na paak. Li saa di ki baar tinpɔɔr ni, ki bia di kunkona nba fɔk fiaka.

Hiibru teeb 1:7

Ŋaan malakanba na po ŋarin ŋɔɔ Yennu din yet a: “U te ki u malakanba tee sei, ki bia teemm ki bi tee mupeenu.”

Fiitu 4:1

Li poorpo ki n bia la Yendɔuŋ gann loot, ki n gbat kunkɔr nba ki n mi gbat na, ki li bia piak ki teenin, ki naan naatunn nba tuu mɔ biaŋinba na; ki kunkɔr maŋ betin a, “Domin nna, ki n saa wanna linba na poorpo linba saa tun.”