Amos 4:13 - Yennu Gbouŋ Mɔɔr

¹³ Yennu-e tee daanɔ nba nan jɔfɔkit, ki bia nan wouŋ, ki fiitir u dudukit ki teen nisaarik, ki te yonnu baa ki nyiɔk bɔnt, ki somm tingbouŋ na siaminba dokii paak, ki u sann tee: Yomdaanɔ Yabint Yennu.

Amos 4:13 ပူးပေါင်းရင်းမြစ်များ

JOB labaar 9:7

U saa fit gɔɔr yonnu ki u kan do, ki bia gɔɔr ŋmaabira ki bi kan yent nyiɔk.

Yaŋ 135:7

Ŋɔɔe te ki sayuŋ nyi durinya kpiŋ po ki tikii, ki te ki sanyikintii be sayuŋ ni, ki te wouŋ nyi u boor ki da.

Yaŋ 139:2

A mi linba kur ki n tuun; fi-i lekii be banfɔkira, ŋaan a bant n dudukit.

Yaŋ 147:18

Ŋaan wuu yet mɔmaan, nyuntana na tuu nanne, u tuu tun wouŋo ki te ki nyun puub.

Yaŋ 65:6

Fine bir jɔjaana nan a paŋ, ki wann a yabint paŋ nba tee biaŋinba.

Nyinu 10:22

Ki Moses donn u nuu ki tokin sanpaak, ki bunbɔnchiɔŋ baar Ijipt, daa ŋantaa.

Nyinu 14:20

Israel teeb nan Ijipt teeb na sinsuuk ni. Sanpagbouŋ na din teen bunbɔnne Ijipt teeb na po, ŋaan tur yentu Israel teeb na po, ki lanjimanba na ji ki fit nakin leeb, nyamunn.

Aisaya 40:12

Sɔɔ saa fit jii mɔkgbeŋir ki bikin u niipant niwa-a? koo sɔɔ saa fit jii u nii ki bikin sanpaaka-a? Sɔɔ saa fit jii tingbouŋ na tant kur ki bikin ŋmanbaŋ niwa-a? koo sɔɔ saa fit jii jɔjaana nan kunkona ki bikin churu paaka-a?

Aisaya 45:7

Mine nan yentu nan bunbɔnn kura; mine baat nan piisin nan biiru kur. Min Yennu-e tuun linba na kur.

Aisaya 47:4

Israel teeb kasii Yennu-e nyinnit. U sanne tee Yabint Daanɔ Yennu.

Aisaya 48:2

ŋaan bia faa parbia ki yeen a i tee kasii doo na niibe, ki gaa Israel teeb Yennu nba sann tee Yabint daanɔ Yennu na paak.

Aisaya 5:30

Li daar-i baar, bi saa gaar jat Israel paak nan kunkɔsaakar nan mɔkgbeŋir fuur nae. Gotir tingbouŋ na. Bunbɔnn nan parbiir be li kur po. Bunbɔnn nak yentu nawa.

Jeremaya 10:13

U tur mɔbe, ki nyun nba be sanpagbouŋ liik po na fu. Ŋɔɔe te ki sanpagbant nyi siar kur po ki lakii. Ŋɔɔe te ki sanyikintii nyikintir, ki wonpaaruk nyi u boore ki da.

Jeremaya 10:16

Israel teeb Yennu na ki tee nan pata maŋ na kaa, ŋɔɔe nan bona kur, ki gann Israel teeb a bii tee u tiɔŋ niib; u sanne tee Yabint Yennu.

Jeremaya 13:16

Ii baakit i Yomdaanɔ Yennu yoo nba ki u daa ki baar nan bunbɔnn nba saa te yin gbiat kunkona ni na, ki sɔɔ ki u daa ki kpint yentu nba ki i daan na, ki teenir bunbɔnchiɔŋu.

Jeremaya 46:18

Min Yabint Yennu-e tee kpanbar. Mine tee Yennu nba fo na. Tabor kunkonn nba fɔk ki gar kunkonn kur, ki Kamel kunkonn nba kpia mɔkgbeŋir ki fɔk biaŋinba na, nnae ki wunba saa leka na paŋ sii tee.

Jeremaya 51:16

U sennue te ki nyun nba be sanpagbant paapo na fu, ki nyi nan sanpagbant lokir kur po ki tikiir. Ŋɔɔe te ki sanyikintii nyikintir saak ni, ki te wouŋ nyi u boor ki da.

Jeremaya 51:19

Jakɔb Yennu na ki tee nan ŋamm na kaa. Ŋɔɔe tee wunba nan bont kur, ki gann Israel teeb a bii tee u tiɔŋ niib. U sanne tee Yabint Yennu.

Daniel 2:28

ŋaan Yennu nba be Yendɔuŋ ni na, ŋɔɔe fiitir woonin ni maan. Chanbaa, ŋɔɔe wanna linba tan saa tun. Mɔtana, n saa wanna bona nba ki a la damiit ni na paaka.

Daniel 2:30

Tɔn, Yennu fiit woonin ni maan na ki wannima, li ki tee a n mɔk yan ki gar sɔɔ kur kaa, ŋaan li tee a fin kpanbare n bann a damiit na paak, ki bia bann a dudukit nba ki a dukii na paak.

Hosea 12:6

Li paak, yimm Jakɔb yaaboona, teent Yennu yada man, ki jen u boor. Ii mɔk lomm, kii tuun ŋant, kii guu Yennu nan sukuru ki wun sommi.

Joel 2:2

Li daar tan sii tee bunbɔnne, ki tee bunbɔnchiɔŋ, ki tee sanpagbounbouŋ, ki yentu kaa, ki naasuut nba yab ki tee nan kunkɔnkɔnna na saa lat piin kunkona na kur po. Ki li booru daa ki ban teeni, ki bia ji kan ban teeni.

Amos 3:13

Yomdaanɔ Yabint Yennu ŋamm yet a, “Gbiintir mɔtana man, ki kpaan Jakɔb yaaboona.

Amos 5:27

yoo nba ki n tan saa saan nani yommisin ni, tiŋ nba fɔk gar Damaskus na. Min i Yomdaanɔ, wunba tee Yabint Yennu nae pak na.”

Amos 5:8

Yennu-e nan ŋmaabira, ki sennib bi sinsetboa, ki te nyiɔk bɔnt, ki sanyiɔk yentir. U yi nyun nba be mɔka ni, ki li koon tingbouŋ na paak. U sanne tee Yennu.

Amos 6:8

Yomdaanɔ Yabint Yennu-e por u mɔŋ, ki yet a, “N ki loon Israel teeb dont-n-mɔŋ na; n yisin bi ŋaŋanii nba ki bi maa na. N saa jii bi digbansaakar na ki tur bi datai.”

Amos 8:9

Min Yabint Yennu-e yet a yoo baate ki n tan saa te yonnu n kpir baa yonsuuk ni, ki bia te lin bɔnn yonsupeeuŋ ni.

Amos 9:6

Yennu maa u ŋaak yendɔuŋ ni, ki senn li fiakir tingbouŋ na paak. U tuu yiin nyume ki lin nyi mɔkgbeŋa ni, ki koon tingbouŋ na paak. U sanne Yennu.

Maika 1:3

Yennu saa nyi u kasii binbeboor ki baar. U saa sik ki somm jɔfɔkit yura paak.

Habakuk 3:19

Yabint Yennu-e teenin paŋ. Ŋɔɔe te ki n somm fanu nan piarɔ nba tuu somm biaŋinba na, ki u guun fanu jɔfɔkit paak.

Sekaria 12:1

Mɔmaan nba na nyii Yennu nba nan sanpaak nan tingbouŋ ki tur nisaarik manfoor na boore, ki teen Israel teeb. U yet a,

Matiu 9:4

Yiisa ŋarin din bann bi dudukit maŋa, ki boib a “Bee teen ki i dukii dudukbiit na i para ni?

Jɔɔnn 2:25

U din mi niib dudukit bonŋann. Li paak, li din ki kpaa talas ki sɔɔ n wannɔ nisaarik binbeŋi.

Jɔɔnn 3:8

Wouŋ da ki saa laa loon siaminbae, ki a ki mi laa nyi sian ki da. A bia ki mi laa saa siami, ŋaan a gbia ki li dae. Li mun bia tee nnae ki tur sɔɔ kur nba ki Yennu Seyeeŋ marɔ.”

Sennu 32:13

“U te ki bi gorii tingbouŋ na, ki di linba kur pia kpaant ni, ki laat siat tanfiat ni, ki bi kpan tilontii pia tansakirii ni.

Sennu 33:29

Israel teeb, i mɔk parpeenne. Sɔɔ ki be ki tee nan yimm na. I tee digbann nba ki Yennu tinnie. Ŋɔɔe tee i naagbankɔŋir nan jukbanjiak, ki guu-i ki bia saa turi nyannu. Ki i datai tan saa baar i boor ni ki barimi a yin nyikib, ki i tan saa ŋmaatib tiŋ ni.