Aisaya 66:23 - Yennu Gbouŋ Mɔɔr

²³ Ki ŋmaapaaŋ jaamm kur, nan foon daar kur, digbana kur niib saa baar Jerusalem na ki tan jiantin.” Yennu-e pak na.

Aisaya 66:23 ပူးပေါင်းရင်းမြစ်များ

2 Kpanbara 4:23

Ki u sɔrɔ boiɔ a, “Bee teen ki a loon fan saan dinna? Li ki tee foon daar, li bia ki tee ŋmaapaaŋ jaamm daari.” Ki u jiin a, “Daa te ki li daamiia.”

Yaŋ 22:28

Yennu-e tee kpanbar, ki dia digbana kur.

Yaŋ 65:2

kimaan fine gat miaru, ki niib nba be lokir kur po saa baar a boor.

Yaŋ 65:3

Taa bo be yanbɔmm ni na, ki a bo nyik chab ti biit.

Yaŋ 86:9

Yennu, digbana nba kur ki a nan na tan saa baar ki gbaan a tɔɔnn, ki jianta; bi tan saa tur a sann baakir.

Aisaya 19:21

Yennu saa fiit u mɔŋ ki wann Ijipt teeb, ki bi saa gaarɔ ki jiantɔ, ki turɔ maruŋ nan piinii. Bi saa senn mɔsonjaana ki turɔ, ki bia gbeen bi mɔsona maŋ.

Aisaya 19:23

Li yoo-i baar, sɔnjar sii be ki nyi Ijipt ki saa Asiria. Li digbana ŋanlee niib sii somm kɔɔ bi leeb doi ni, ki digbana ŋanlee maŋ niib saa lakin jiant Yabint Yennu.

Aisaya 2:2

Daa baate ki kunkonn nba ki Yenjiantu ŋasaakak tɔɔ li paak na tan sii fɔk gar kunkona kur, ki be sanpaapo ki gar jɔjaana kur. Digbana bonchiann saa tut baar leŋ.

Aisaya 27:13

Li daar-i baar, bi saa pebir naatunne ki yiin Israel teeb nba tee yommii ki be Asiria nan Ijipt tinii ni na. Bi saa baar ki tan jiant Yennu, u kasii kunkonn nba be Jerusalem na paak.

Aisaya 49:7

Israel teeb kasii Yennu nba tee bi tinntɔɔ na, yeen wunba ki digbana yisimɔ bonchiann, ki bia namɔ, ŋaan ki u tee doo diara toontunnɔ na a, “Kpanbara saa la ki bi ŋaa-a, ki bi saa fiir ki tura jirima, ki tɔɔndamm mun bia saa lar, ki gbaan jianta.” Linba na saa tun, kimaan Yennu gann u toontunnɔwa, Israel teeb kasii Yennu na dia u mɔsona.

Esekiel 20:40

Ki tiŋ na ni, n kasii kunkonn nba fɔk na paake, ki yimm Israel teeb kur tan saa jiantin, ki li tan saa maŋin, ki n sii loon yin baar nan i marint nan i piinii nba ŋan, nan i kasii piinii.

Esekiel 45:17

Li sii tee u toonne nan wun tur bonkobit, ki bin joor muu munn, nan jeet piinii, nan daan piinii, ki lii tee Israel teeb kur paak, ŋmaapaaŋ jaamm ni, nan foon daar paak, nan jaanlia nba be paak. U tuu saa teen yanbɔmm piiniie nan jeet piinii paak, nan piinii nba jokit munn, nan weinanleeb piinii, ki lin nyinn Israel teeb yanbɔmm.”

Esekiel 46:1

Yabint Yennu yeen a, “Yondo po tammɔkɔɔkir nba gaar kɔɔ dindouŋ ni na, li sii kpan looe toontundaa ŋanloob na ni, ŋaan ii tuu lootir foon daar, nan ŋmaapaaŋ jaamm daar na ni.

Esekiel 46:6

Ki ŋmaapaaŋ jaamm ni, wun tur naajapaŋ nan pegana banloob nan pejak, ki bi kur daa mɔk daŋ bi gbanant paak.

Sekaria 14:14

Ki Juda jab na saa kɔn ki somm Jerusalem jab. Bi saa fat mɔkint bonchiann digbana kur ni, ki li tee salimmɔna nan salimpeena nan tiat bonchiann.

Sekaria 14:16

Tɔn, ki binba kur biar be bi manfoa ni, ki nyii digbangana nba daan lek Jerusalem na, tuu saa saan leŋ binn kur, ki jiant Yabint Yennu nba tee kpanbar na, ki bia di lanbont jaamm.

Sekaria 14:18

Li-i tee ki Ijipt teeb na yêt lanbont jaamm na dinue, Yennu saa te ki yiarbiiuk nba ki u yaa lin baar digbanlia nba yêt lanbont jaamm dinu na, lin mun baarib.

Sekaria 14:19

Linba nae sii tee tubdatu nba saa baar Ijipt, nan digbanlia nba saa yêt lanbont jaamm na dinu.

Malakai 1:11

Niib kur nba be durinya na ni, laa nyii kpiŋ ki saa tuu kpinleek po, bi teenin baakir. Lokir kur po, bi jokit bonnunubit ki teenin, ki bia piinin maruŋ bona nba ŋan. Bi kura baakitin.

Jɔɔnn 4:23

Ŋaan yoo baat, ki poŋ set baara, ki binba jiantir ti Baa Yennu nan barmɔnii na sii jiantirɔ u Seyeeŋ paŋ nie ki mi waa tee wunba, kimaan li niboorue ki Yennu loon bii jiantirɔ nna.

Fiitu 15:4

Ti Yomdaanɔ, ŋmee be ki kan tina ki bia kan dont a sanni? Kimaan fin kɔɔe tee popeendaanɔ. Nibooru kur tan saa baar ki jianta, kimaan a barmɔnii toona nyii paanuwa.”