Aisaya 66:15 - Yennu Gbouŋ Mɔɔr

¹⁵ Yennu saa baar nan muue, ki baar nan sajaperinn na, ki dat binba ki u wutoor doo bi paak na tuba.

Aisaya 66:15 ပူးပေါင်းရင်းမြစ်များ

Yaŋ 11:6

U sikint mupeenu nan sarwuuta nitont paak. U daar bi tuba nan wartouŋ nba koot bona nae.

Yaŋ 18:9

Ŋanne ki u pat sanpagbouŋ ki nyii sik; ki sanpagbounbɔŋ be u taa po.

Yaŋ 21:9

Ki u tan saa lekit bi boor ki dib, ki boontib nan muyeruk nba saa di siar na. Yennu saa donn u wutoor bi paak, ki di boontib.

Yaŋ 50:3

Ti Yennu baate, ŋaan u kan baar soon nna, muu sii die ki be u tɔɔnn, ki wonpaaruk da ki lintirɔ.

Yaŋ 68:17

Yennu saa jii taantorit tusbamm, ki nyi Sainai jɔɔr paak, ki kɔɔ u kasii binbeboor.

Yaŋ 97:3

Muu gaar u tɔɔnne ki di u datai nba ŋaa lintɔ na.

Aisaya 10:17

Yennu nba tee Israel yentu nae saa kpant muu. Israel teeb kasii Yennu na saa kpant muyeruk nba saa jii dayenn ki di bont kur, halii kunkonii nan jagotuk kur.

Aisaya 26:11

A datai ki mi nan a saa dat bi tuba. Yennu, kɔɔntib fei ki ŋaan bin di biak. Ŋaant bin di biak nba ki a teen li siir na. Wantib faa loon a niib biaŋinba.

Aisaya 30:30

Yennu saa te ki sɔɔ kur n gbat u yiikoo kunkɔr, ki bann u wutoor paŋ nba tee. Muyeruk nan sanpagbouŋ lootu, nan sakaana, nan sajakpera sii be.

Aisaya 30:33

Sian yooewa ki bi din ŋamm siaminba ki muchiɔŋ tan saa di Asiria kpanbar na. Leŋ maŋ sumii, ki yarin, ki daat bia gbee. Yennu-e saa foont muyeruk ki lin joor.

Aisaya 31:9

Jijeet saa te ki bi kpanbar n chiar, ki jaŋmaanchiɔŋ saa te ki u jab saakab n lu bi tɔb farimii.” Yennu nba ki bi jiantirɔ Jerusalem, ki u maruŋ muu yɔɔ di leŋ na, ŋɔɔe pak na.

Aisaya 5:25

Yennu wutoor doo u niib paak, ki u tant u nuu a wun dat bi tuba. Kunkona nba fɔk na saa damm, ki binba kpo na gbanant saa biar dɔɔ sɔnii ni nan mɔɔt na. Ŋaan Yennu wutoor lek kan maaki, ki u nuu sii tian a lin dat niib tuba.

Aisaya 5:28

Bi peenii porime, ki bi tɔrbana teen siir nan tɔnu. Bi taanii taawoka wakii nan tann nae, ki bi taantorit fiia lintir nan sajaperinn na.

Aisaya 51:20

Sɔngɔnt boor kur, gbananchɔkinte tuu te ki a niib n baa, bi tee nan waarɔ baruk nba tuu soor piarɔ nae. Yennu wutoor paŋ na gbatiba.

Jeremaya 4:13

Gotir, datai nae baat ki yat nan sanpagbant na, ki bi tɔb torit tee nan sajaperinn na, ki bi taanii kakii ki gar baakawa. Ti ki mɔk dindann. Ti boonta.

Jeremaya 4:3

Ki Yennu pak tur Juda nan Jerusalem teeb a, “Kon i tinii nba ki koo na, i daa buur i bonboorii kunkonii ni.

Jeremaya 46:15

Bee ki i tingbanjaann nba tee Apis na baa? Yennu-e faau lu.’

Esekiel 38:17

Fine tee wunba ki n din tuu piak a po sianyoowa na. N din pak tur n sɔkiniinba nba tee n toontunna ki be Israel tiŋ ni na, a yoo baate, ki n saa te sɔɔ n baar ki tan lek Israel teeb. Min Yabint Yennu-e pak na.”

Esekiel 5:15

“Ki mi-i donn wutoor ki mɔk parbiir nani yoo nba, n saa dat i tubae, ki digbana nba kur kpia-i na, jaŋmaanii saa soorib; ki bi saa goti nan yanyêtuk, ki laai.

Daniel 11:40

“Siria kpanbar naan gbennu-i nakin yoo nba, Ijipt kpanbar saa lekɔ, ki Siria kpanbar maŋ saa kɔn tookɔ nan u paŋ kur, ki sii dia taantorit nan taanii nan ŋarint bonchiann, ki saa lek digbana bonchiann nan nyunmɔnn nba tuu pubir na.

Daniel 7:10

ki mupeenu puub nan kpenu na, ki nyi leŋ; ki niib tusaa tusaa be u boor ki tuun, ki niib tusaa piik taar tusaa piik set u tɔɔnn. Ki buut na piin, ki bi pɔbitir gbant na.

Hosea 8:7

Ki li-i tee ki bi bur wouŋu, bi tan saa jaan sajaperinne. Kinkakir nba ki mɔk fouŋ, li kan fit nan jeet. Li-i lekii namie, ŋaan boorganue saa dir.

Amos 7:4

Ki n bia la yirintu ki li nyii Yabint Yennu boor. Yirintu maŋ ni, ki n la ki u tee siir a wun dat u niib tuba nan muu, ki muu na dii boont mɔkgbeŋir nba be tinpɔɔr ni na, ki ji piin di tingbouŋ.

Nahum 1:6

U wutoor-i doo yoo nba, ŋmee saa tinni? Ŋmee saa fit nyi u wutochiɔŋ na ni? U tuu mɔɔn u wutoor nba di nan mupeenu nae, ki tanpiit yakitir, ki kpantir tant u tɔɔnn.

Habakuk 3:8

Yennu, li mɔka nae te ki a wutoor doo-o? Mɔkgbeŋir nae mantik donn a wutoori-i? Fine jaak sanpagbant na paak, ki wonpaaruk nba be sanpagbouŋ ni na tee a taantoruk, yoo nba ki a tur a niib nyannu na.

Sekaria 6:1

N din la yirintleer, ki yirintu maŋ ni, taantorit ŋanna nyii kutmɔnt jɔfɔkit ŋanlee sinsuuk ni, ki baat.

Matiu 22:7

Ŋanne ki bat na wutoor doo bonchiann; ki u tun u kunkɔnkɔnna, ki bi saan ki saa kpii nikpiira maŋ, ŋaan joo bi doo muu.

Sennu 28:20

“Li-i tee ki i tuun bonbiir ŋaan yêt Yennu sennu, u saa baar nan parbiir i paak, nan kpikpiruk nan daamuk linba ki i tuun kur ni tee-e nan i kur nba tan saa boont.

2 Piita 3:7

Ŋaan ŋɔɔ Yennu mɔmaame bia lek sii dia sanpaak nan tiŋ nba be mɔtana na mɔkmɔk nan yoo nba ki u tan saa te ki li kura n di muu, ki biir biitdamm, kimaan li daar u tan saa bu bi buut ki biiriba.