Aisaya 66:1 - Yennu Gbouŋ Mɔɔr

¹ Ki Yennu yet a, “Sanpaak tee n naangbouŋo, ki tingbouŋ na mun tee n taakpakitir. Ŋaboorbee ki i saa maa turimi? Binbebolanne ki n sii be leŋi?

Aisaya 66:1 ပူးပေါင်းရင်းမြစ်များ

1 Kpanbara 8:27

“Ŋaan Yennu, a set saa fit kii be tingbouŋ na paaka-a? Sanpaak na kur gbaa ki yarin ki jaŋ nan fii be leŋi, ki nlee ŋasaakak nba ki n maa na sii yarin ki jaŋani?

1 Barkperii 28:2

Kpanbar Defid din fiir set bi tɔɔnne ki yet a, “N naa waas nan n niib, gbiintir ki turin. N loon ki n maa ŋaake ki lii tee ti Yomdaanɔ Yennu mɔlor lakir nba tee u taakpakitir na dindɔɔboor. N teen siir nan min maa ŋaak ki baakɔwa,

2 Barkperii 2:5

Ŋaak nba ki n yaa man maa na, li sii yab bonchiann, kimaan Yennu tee Yenjaann ki gar yennii nba be.

2 Barkperii 6:18

“Ŋaan Yennu, a saa fit kii be nisaarii sinsuuk ni, tingbouŋ na paaka-a? Sanpaak na kur gbaa ki yarin jaŋ nan fii be leŋi, ki nlee ŋasaakak nba ki n maa na sii yarin ki jaŋani?

Yaŋ 11:4

Yennu be u kasii jiantu ŋasaakak ni. U naangbouŋ be yendɔuŋ ni, ki u gorii niib siar kur po, ki mi linba kur ki niib tuun.

Yaŋ 132:7

ki ti yet a, “Ŋaant ki tin saan Yennu ŋasaakak ni; ŋaant ti jiantɔ, u naangbouŋ boor.”

Yaŋ 99:9

Ii dont ti Yomdaanɔ Yennu man, ki jiantɔ, u kasii kunkonn na paak, kimaan ti Yomdaanɔ Yennu tee kasiie.

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Aisaya 60:13

“Ki bi saa baar nan daat nba tee foi nan naagbasukirii, nan kɔɔnsaant nba tee Lebanonn fɔɔr ni tiŋanii na, ki tan ŋamm maa fin Jerusalem, ki faŋ n jiantu ŋasaakak na, ki bia faŋ n doo maŋ.

Jeremaya 23:24

Sɔɔ kan fit bɔr siar boor ki n kan lau. I ki mi nan n be siar kur boore sanpaapo nan tiŋ na ni-i?

Malakai 1:11

Niib kur nba be durinya na ni, laa nyii kpiŋ ki saa tuu kpinleek po, bi teenin baakir. Lokir kur po, bi jokit bonnunubit ki teenin, ki bia piinin maruŋ bona nba ŋan. Bi kura baakitin.

Matiu 12:6

Ŋaan n beerie, wunba chee Yenjiantu ŋasaakak na be nna.

Matiu 24:2

Ŋanne ki u boib a “I la linba na nba kura-a? Barmɔniie ki n beeri na, bi tan saa tut li kur ki lu tiŋ niwa, ki li tann yennkɔɔ tan kan biar ki paa leer paaki.”

Toona 17:24

Yennu maŋe din nan durinya nan bont kur nba be li ni. Ŋɔɔe tee sanpaak nan tiŋ Yomdaanɔ; u ki be poochianfei ni kaa.