Aisaya 65:18 - Yennu Gbouŋ Mɔɔr

¹⁸ Ii mɔk parpeenn kii kpamm, linba ki n nan na paak yaayoo siiyoo. Jerusalem paann nba ki n naan na saa gbee nan kpinkpammuko, ki u niib sii mɔk parpeenn.

Aisaya 65:18 ပူးပေါင်းရင်းမြစ်များ

2 Barkperii 6:41

N Yomdaanɔ Yennu, fiit mɔtana nan a mɔlor lakir nba see a paŋ taar ni na, ki kɔɔ ŋasaakak na ni, kii be leŋ mɔkmɔk nan mɔkmɔk. Teent piisin a mannteeb paak, nan toonn nba kur ki bi tuun, ki te ki a niib kur-ii mɔk parpeenn, kimaan faa ŋan ki turib na paak.

Aisaya 12:1

Yoo baat ki niib saa yin yaŋ a, “N dontira, Yennu. A wutoor bo doo n paake, ŋaan mɔtana a maan n para, ki a wutoor bia ji ki do.

Aisaya 12:2

Yennu-e tee n tinntɔɔ, n saa teen ŋɔɔe yada, ki kan tin jaŋmaanii. Yennu-e teenin yiikoo nan paŋ, ŋɔɔe tee n tinntɔɔ.

Aisaya 25:9

Li-i tun nna yoo nba, sɔɔ kur saa yet a, “Ŋɔɔe tee ti Yennu. Ti teen ti dindann u nie, ki u fatit. Ŋɔɔ-i tee ti Yomdaanɔ. Ti teen ti dindann u nie, ki mɔtana ti mɔk parpeenn nan kpinkpammuk, kimaan u tinnita.”

Aisaya 35:10

Bi saa baar Jerusalem nan kpinkpammuko, ki yiin ki hoot nan parpeenn. Bi sii yɔɔ be parpeenn nie, ki nyi parbiir nan yanyêtuk ni yaayoo siiyoo.

Aisaya 41:16

I saa faa donnib sanpaapo, ki wouŋ n pebirib ki yaat, ki wonpaaruk saa yatib. Ki i ji sii mɔk parpeenn, kimaan mine tee i Yennu; ki i saa dont min nba tee yimm Israel teeb kasii Yennu na sann.

Aisaya 44:23

Sanpaak, ii hoot nan kpinkpammuk. Tingbouŋ, ii hoot. Kunkona nan fɔɔr ni tiik kur n hoot nan kpinkpammuk. Yennu tinn u niib Israel teebe, ki li wann u yiikoo nba tee.

Aisaya 49:13

Sanpaak, ii yiin yaŋ. Tingbouŋ, ii hoot kii kpamm, ŋaant kunkona-ii yiin yanii. Yennu saa maan u niib para, u sii mɔk ninbatinu nan u niib nba di biak na.

Aisaya 51:11

Faa tinn binba na saa baar Jerusalem nan parpeenne, kii yiin kii hoot nan kpinkpammuk. Bi sii yɔɔ mɔk parpeenne, ki saa nyi parbiir nan yanyêtuk ni.

Aisaya 51:3

“N saa wann Jerusalem nan binba be langbent ni na, n ninkpabauŋ. U tiŋ nba lek tee tinkokirik na, ŋaan n saa teenir tinkpiasir, nan kpaab nba ki n din teen Edenn ni na. Parpeenn nan manu sii be leŋ, ki dontir nan niipoturu yanii sii yiin leŋ ki teenin.

Aisaya 60:15

“Bi ji kan yêta ki bia namani, a ji kan biar dɔɔ yanni. N saa teena digbanjaann, ki bia faŋa. Ki a sii tee siaminba ki kpinkpammuk yɔɔ be.

Aisaya 61:10

Jerusalem kpamm linba ki Yennu tun na paake. U tee nan pooyookir nba tuu lia tiat ki teen siir nan chiann nae. Yennu-e turɔ tinnu nan nyannu.

Aisaya 9:3

Yennu, a turib kpinkpamjaanna, ki te ki bi mɔk parpeenn. Bi kpamm faa tun linba na paake, nan niib nba tuu jaan bi jeet ki kpamm, koo ki chentir mɔkint nba ki bi fat ki kpamm biaŋinba na,

Sefania 3:14

Israel niib, ii yiin yanii man, kii yikin nan kpinkpammuk. Jerusalem teeb, ii mɔk kpinkpammuk man nan i para kura.

Sekaria 2:10

Yennu yet a, “Ii yiin yanii nan parpeenn man, Jerusalem teeb. N baate a mii be i boor ni.”

Sekaria 9:9

Sayɔnn teeb, ii mɔk kpinkpammuk man. Jerusalem teeb, ii yikin man nan parmaasir. Gotir man, i kpanbar nae baat i boor na. U tee yiikoo daanɔe ki mɔk nyannu, ŋaan u tee wunba sikint u mɔŋe, ki jak boŋ nba set tee bonpaaŋ.

1 Tesalonika teeb 5:16

Ii mɔk parpeenn yoo kur man,