Aisaya 64:4 - Yennu Gbouŋ Mɔɔr

⁴ Sɔɔ ki ban la, koo ki gbat yensau po ki u tee nan fin na, ki tuun li toonbooru ki teen binba teen bi dindann u ni na.

Aisaya 64:4 ပူးပေါင်းရင်းမြစ်များ

Pinpiik 49:18

“Yennu, n guu a fatu.

Esra 9:7

Laa nyii ti yeejamm yoo ki tan tuu mɔtana, timm nba tee a niib na tun yanbɔmm bonchiann. Ti yanbɔmm na paak, ki timm nan ti kpanbara nan mannteeb na kɔɔ boorganu batnba nuu ni, ki bi kpiit, ki fatit ki soorit ki teent yommii. Ti mantik dii fei halii nan dinna.

Yaŋ 103:18

binba dia u mɔlor, ki bia saak u sennu fanu na.

Yaŋ 130:5

N guu Yennu sommire nan n par kur, ki bia teen u maan yada.

Yaŋ 31:19

A ŋant yab bonchiann ki a jii guun binba baakita. Sɔɔ kur mi faa ŋan biaŋinba, ki a guu binba teena yada,

Yaŋ 62:1

N tee soonnae ki guu maa Yennu n tinnin, u niŋe ki n tinnu saa nyi.

Aisaya 25:9

Li-i tun nna yoo nba, sɔɔ kur saa yet a, “Ŋɔɔe tee ti Yennu. Ti teen ti dindann u nie, ki u fatit. Ŋɔɔ-i tee ti Yomdaanɔ. Ti teen ti dindann u nie, ki mɔtana ti mɔk parpeenn nan kpinkpammuk, kimaan u tinnita.”

Aisaya 30:18

Ŋaan Yennu lek guue a wun tini ninbaauk. U teen siir a wun tini ninbaauk, kimaan u yɔɔ tuun linba tooke. Parpeenn be daansiab nba teen Yennu yada na paak.

Aisaya 40:31

ŋaan binba teen bi dindann Yennu ni ki loon sommir na, ŋɔɔ Yennu-e saa ŋamm pant bi paŋ. Bi sii mɔk paŋ nan baakaa nae, ki do sanpaapo. Bi saa tin, ŋaan kan bakii, ki sii somm, ki ki baŋit.

Aisaya 59:12

“Yennu, biit nba ki ti tun biira na yabita. Ti biit na wantit nan ti biira. Ki ti mi ti biit maŋ kur po fanu.

Aisaya 66:8

Sɔɔ mi la koo ki gbat li bonbooru-u? Bi ban maa digbann dayennkɔɔ-ɔ? Sayɔnn digbann kan di fara ki lin wei kaawa nan li maanu.

Daniel 9:15

“Ti Yomdaanɔ Yennu, fine jii a yiikoo ki nyinn a niib Ijipt tiŋ ni, ki li te ki a sann be nan dinna. Ti tun yanbɔmma, ti tun kpeta.

Daniel 9:5

“Ti tun biira, ti tee tondamme, ti tun yanbɔmma. Ti yêt faa wannit linba a ti tuma, ki yêt tin tun linba ŋan.

Daniel 9:8

Ti kpanbara nan ti doo diara nan ti yeejamm tun fei toonn ki biir fin Yennu-wa.

Hosea 7:7

“Bi wutoa nba doo ki mɔnn nae, ki bi kpii bi saakab; bi kpii bi kpanbara yenɔ yenɔ, ŋaan bi sɔɔ ki miarin ki boi sommir po.”

Sekaria 10:9

Mine lek yatib ki kɔɔmm digbangana ni, ki bi be banfɔkir, ŋaan bi sii tian n po. Ŋamm nan bi waas saa foor ki tɔk jen.

Matiu 25:34

Ki min Bat saa yet binba see n niidiitu po na a ‘Yimm nba ki n Baa Yennu teen piisin i paak na, ii saana man ki tan kɔɔ naan nba ki Yennu ŋamm ki guuni durinya piinu niwa na,

Barŋanii nba ki LUK din sɔb nae na 2:25

Li yoo na ki jasɔɔ nna be Jerusalem, ki u sann tee Simeonn. U din tee burchimɔ nan yentinnɔe, ki Yennu Seyeeŋ be u ni, ki u guu yoo nba ki Yennu tan saa tinn Israel teeb.

Jɔɔnn 14:3

Ki mi-i kun ki saa teen diit na siir ki gbenn, n bia saa jenna ki tan jii-i, ki i tan sii be siaminba ki n be na.

Rom Teeb 8:19

Linba ki Yennu nan na guu nan ninmɔnne nan yoo nba ki Yennu tan saa nyinn u waas yeenin ni,

1 Korint teeb 1:7

Li paak, i ki pɔt Yennu Seyeeŋ piinii na yenn gbaa, nan yaa guu daar nba ki ti Yomdaanɔ Yiisa Masia tan saa jen na.

1 Tesalonika teeb 1:10

ki guu u Bija Yiisa, wunba tan saa nyi Yendɔuŋ ni ki baar na; wunba ki Yennu din fiinɔ kuun ni, ki u fatit ŋɔɔ Yennu wutoor nba baat na ni na.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru booru, ki bi teenɔ yada tingbouŋ na ni, ki Yennu tan donnɔ sanpaapo ki u la dontir.

Hiibru teeb 11:16

Ŋaan bi baka din be siaminba chee ki tee yendɔuŋ na poe. Li paak, Yennu mɔk yuugontir nan bin yiinɔ bi Yennu, kimaan u poŋ din ŋamm dosaue ki guumm.

Jeems 5:7

N naa waas, ii mɔk sukuru man, kii guu ti Yomdaanɔ baaru daar maŋ. Gotir man kpaarɔ nba tuu mɔk sukuru, ki guu kpafusaak mɔkmɔk nan sajoontik ki u jeet n ji tan nan bonŋann na.

1 Jɔɔnn 4:10

Lomm nba set tee lomm nan barmɔnii ki tee timm kaa loon ŋɔɔ Yennu, ŋaan li tee ŋɔɔ Yennu-e din loont, ki sikin u Bija tingbouŋ na ni ki u gaar ti paak ki kpo, ki teen ti maruŋ ŋɔɔ Yennu boor, a tin la nyikinchab ti biit paak.