Aisaya 64:2 - Yennu Gbouŋ Mɔɔr

² Bi bo sii jekir nan nyun nba tuu yaak muu paak ki daan nae. Baat ki tan fiit a yiikoo ki wann a datai, ki te digbana n jekir a numm ni.

Aisaya 64:2 ပူးပေါင်းရင်းမြစ်များ

Yaŋ 106:8

ŋaan u din tinnibe nan waa senn mɔsonn na, a lin wann u panchiɔŋ.

Yaŋ 46:10

ki yet a, “Nyikin kɔnn man, ki bann nan mine tee Yennu, ki saa la dontir digbana kur ni, ki bia saa la dontir tingbouŋ kur po.”

Yaŋ 79:10

Bee teen ki boorganu na boit a, “I Yennu na be lee?” Yennu, ŋaant ki tin la nan ti ninbina, ki a dat binba kpii a niib na tuba.

Yaŋ 83:13

Yennu, ŋaant ki bii tee nan tangbiruŋ na, kii biaki tee nan fouŋ nba ki wouŋ tuu pebir na.

Yaŋ 9:20

Ŋaant ki bin tin jaŋmaanii. Ŋaant ki bin bann nan bi tee niibe ki tan saa kpowa.

Yaŋ 99:1

Yennu-e tee kpanbar; ŋaant nisaarii gbanant n jek. U kar bonninnant paak, ŋaant tingbouŋ na n damm.

Nyinu 14:4

N saa teenɔ tubkangbatir ki u saa wei beri, ki maa saa nyann kpanbar na nan u lanjimanba na, li saa turin baakir. Ŋanne saa te Ijipt teeb na n bann nan mine tee Yennu.” Ki Israel teeb tun nan Yennu nba wannib biaŋinba na.

Aisaya 28:21

Yennu saa kɔn nan waa din kɔn biaŋinba Perisim kunkonn boor, nan Gibeonn baauk ni, a wun tun linba ki u lor na; u toona sii tee nan bonsaann nae. U saa tont u toonn nawa, u yaarlituk toonn maŋ.

Aisaya 37:20

Ti Yomdaanɔ Yennu, nyintit Asiria teeb na nuu ni, ki te tingbouŋ na digbana kur niib n bann nan fin kɔɔe tee Yennu.”

Aisaya 63:12

Yennu nba din jii u paŋ ki tun toonjaana ki li nyii Moses ni, ki u bɔkit mɔkgbeŋir nyun, ki tɔkin nan u niib li sunsuŋ ni, a wun la sangbeŋir nba sii yɔɔ be na, ji be lia?” Yennu-e din gar bi tɔɔnn, ki bi somm nan taanii na, ŋaan ki ki gbiat.

Jeremaya 33:9

Jerusalem sii tee kpinkpammuk nan baakir nan yugontir boore ki turin, ki durinya ŋaak na digbann kur yan saa put, bi-i gbat bonŋana nba ki n tun ki tur Jerusalem teeb, nan maa baar nan nyɔɔt nba ki tur doo maŋ na po.”

Jeremaya 5:22

n tee Yennu-e. I kan tinin jaŋmaanii-i? I bo kii baantir kaa n boori-i? Mine nan tanbiiuŋ ki li kɔr mɔkgbeŋir, ki tee kɔru nba ki li kan ban yakir li paak yaayoo siiyoo. Nyunpana sii labin ki mɔk fuut, ŋaan kan fit do li paak.

Amos 4:12

Yimm Israel teeb, li paak, ki n yaa n dat i tuba. Ki maa yaa n dat i tuba na, teent siir ki min Yennu n bu i buut.”

Maika 1:4

Ki jɔjaana na saa nann u yaaka ni, nan sagbouŋ nba tuu baa muu ni ki nann biaŋinba na. Jɔɔt na saa kpaar sik baat, nan nyun nba tuu nyi kunkonn paak ki kpaar sik biaŋinba na.

Sekaria 14:4

Li yoo na ki u saa set Olif Tiinii kunkonn nba be Jerusalem yondo po na paak, ki Olif Tiinii kunkonn maŋ saa bɔkit taar munlee, ki nyi yondo po ki saan sik yonbaa po, ki baauk n dɔɔr li sinsuuk ni. Kunkonn na bɔkyenn saa saan niigaŋ po, ki bɔkleer n saan niidiitu po.

Sennu 2:25

Laa nyii dinna ki saa, n saa te ki niib-ii tiini siar kur po, ki sɔɔ kur nba gbat i sann, jaŋmaanii saa kɔɔu.’