Aisaya 63:7 - Yennu Gbouŋ Mɔɔr

⁷ N saa pak Yennu lomm nba ki gbent na poe. N dontirɔ nan waa tun linba kur ki turit. U teen piisin bonchiann timm Israel teeb paak, kimaan u ninkpabauŋ nan u lonchiɔŋ na paak.

Aisaya 63:7 ပူးပေါင်းရင်းမြစ်များ

1 Kpanbara 8:66

Daaŋanniin daar ki Solomonn kunn niib na, ki bi kur dontir Yennu ki kun, kimaan piisin nba ki Yennu teen u toontunnɔ Defid nan u niib Israel teeb paak na.

2 Barkperii 7:10

Ki ŋmaarii ŋanlore ni, li daapiinlee nan ŋantaa daare, ki Solomonn kunn niib na. Bi din mɔk parpeenn nan piisin nba kur ki Yennu tur ŋamm, u niib Israel teeb, nan Defid, nan Solomonn na paak.

Nehemaya 9:25

A niib na din nyann digbana nba mɔk joonpaara, nan tinkpiasa, ki li ŋei gbee nan mɔkint, ki bunbuna poŋ gbiira ki be li ni, nan kpan tiinii nan daan tilontii kpaant nan tilontilia, ki bi di baa loon biaŋinba ki gbeŋit, ki laat bonŋana nba kur ki a teemm, ki bi di nan parpeenn.

Nehemaya 9:27

Li paak ki a te ki bi datai nyannib, ki ji diab. Baa be wahala ni na, ki bi boia sommir po, ki a be sanpaapo ki gat turib. A ninbatinu nba yab na paak, ki a turib tɔɔndamm nba fatib bi datai boor.

Nehemaya 9:31

Ŋaan a ninbatinu nba yab na paak, ki a ki nyɔr nyikib, koo ki boontibi. A tee parmaasir nan ninbatinu Yennu-e.

Nehemaya 9:35

Fine tee piisin kpanbara paak, ki bi dia a niib. Ki a turib tiŋ nba yarin ki bia kpai, ki bi be leŋ, ŋaan ki bi yêt bin nyik bi yanbɔmm ki jianta.

Yaŋ 103:2

N seek, pakin Yennu, ki daa tammit u ŋamm po.

Yaŋ 107:15

Bin tur Yennu niipoouk, kimaan u lonchiɔŋ nan u yaarlituk toona nba ki u tun ki turib na paak.

Yaŋ 107:21

Bin tur Yennu niipoouk, kimaan u lonchiɔŋ nan u yaarlituk toona nba ki u tun ki turib na paak.

Yaŋ 107:31

Bin tur Yennu niipoouk, kimaan u lonchiɔŋ nan u yaarlituk toona nba ki u tun ki turib na paak.

Yaŋ 107:8

Bin tur Yennu niipoouk, kimaan u lonchiɔŋ nan u yaarlituk toona nba ki u tun ki turib na paak.

Yaŋ 145:7

Bi saa pak a ŋamm kur po, ki yin yanii ki jiin a popeensin po.

Yaŋ 25:6

Yennu, tiat a ninbatinu nan a lonjaann na po, linba ki a din tur yaayoo niwa na.

Yaŋ 51:1

Yennu, tinimin ninbaauk, kimaan a lomm nba yɔɔ be na paak. A wuur n yanbɔmm nan biit kur, kimaan a ninbatinchiɔŋ na paak.

Yaŋ 63:3

A lomm nba mɔk nyɔɔt ki gar manfoor na, li paak ki n saa dont a sann.

Yaŋ 86:15

Ŋaan fin n Yomdaanɔ, fine tee ninbatinu nan lomm Yennu, ki mɔk sukuru nan barmɔnii nan burchint.

Yaŋ 86:5

Yennu, a mɔk nyikinchab, ki ŋan turit, ki a lomm gbee nan wunba kur miara.

Yaŋ 92:2

ki mɔɔnt a lomm nba kaa gbennu na, sanyiɔk kur; nan a mamɔmm na, nyiɔk kur,

Nyinu 18:9

Jetro nba gbat linba na kur, ki li maŋɔ bonchiann,

Aisaya 26:13

Ti Yomdaanɔ Yennu, siabe tuu diat, ŋaan fin kuukɔɔe tee ti Yomdaanɔ.

Aisaya 51:2

Ii dukin i yeeja Abraham po, ki bia dukin i yaa Sara po. Maa din yiin Abraham yoo nba na, u din ki mɔk biki, ŋaan ki n teen piisin u paak, ki turɔ waas. Ki n te ki u yaaboona yabit ki kaa kann.

Aisaya 54:10

Jɔɔt nan kunkona-i lekii but but, ŋaan n lomm nba be a ni na kan ban gbenn; n sii yɔɔ dia mɔsonn nba ki n senn nan n saa tura parmaasir nae.” Yennu nba loona nae pak linba na.

Aisaya 54:7

“Yoo waaminnae ki n nyika, ŋaan n saa ŋamm gaara nan lonchiɔŋo.

Aisaya 54:8

Yoo waaminnae ki n donn wutoor ki nyika, ŋaan n saa wanna n lomm yaayoo siiyoo.” Yennu nba tinta nae pak linba na.

Aisaya 55:7

Nitont n nyik binbeŋ nba ki bi be na, ki bia lebit dudukit nba ki bi dukii na. Ŋaant ki bin jen ti Yomdaanɔ Yennu boor. U mɔk ninbatinu, ki nyik chabit yian yian.

Aisaya 64:5

A tuu gaar binba para mei toonŋana tumu paake, binba tian faa loon bii be biaŋinba. A wutoor bo doo ti paake, ŋaan ki ti tukin ki tuun linba bi; nan faa lek be a wutochiɔŋ na kur ni, ŋaan ti tuun biite, laa nyii sianyoowa.

Fabinii 3:32

U saa fit te ki parbiir n baarit, ŋaan u lomm nba ki u be nant na tee barmɔniie, ki mɔk paŋ.

Hosea 2:19

Israel digbann, n saa teena n poo, ki sii tee barmɔndaanɔ nan burchimɔ. N saa wanna n lomm nba yɔɔ be nana, ki sii mɔk ninbatinu; ki a sii tee n yɔɔ nan yoo nba kaa paak.

Sekaria 9:17

Tiŋ na sii ŋan ki bia kpai bonchiann, ki nipaauŋ na saa di tiŋ na jeet, ki nyu li daan, ki kpaat nan paŋ.

Matiu 7:11

Ki li-i tee yimm nba tee biitdamm na mi biaŋinba ki i saa tur i waas bonŋana, i Baa Yennu nba be sanpaapo nae mantik saa tur binba meiɔ na bonŋana.

Rom Teeb 2:4

Koo a yisin loonchiɔŋ nan sukuru bonchiann nba ki Yennu mɔk nant nae-e? A ki mi nan Yennu mɔk burchint nana a wun te ki a nyik a biit na ŋaan kii be fanue-e?

Rom Teeb 5:20

Sennu na baar a lin ŋamm fiit wann toonbiit nba yab biaŋinbae; ki toonbiit nba yab na, Yennu ninbatinu mun yab ki gar nnawa.

Efesus teeb 2:4

Ŋaan Yennu lomm nan u ninbatinu yab bonchiann ki kaa bikinu,

1 Timoti 1:14

Ki ti Yomdaanɔ Yiisa Masia tan tinin ninbaauk nba yab ki kaa bikinu, ki te ki n teenɔ yada ki loonɔ.