Aisaya 63:5 - Yennu Gbouŋ Mɔɔr

⁵ Li bakitime, yoo nba ki n got ki la nan sɔɔ kaa ki saa sommin na. Ŋaan n wutoor na turin paŋe, ki n mɔŋ kɔn ki nyann.

Aisaya 63:5 ပူးပေါင်းရင်းမြစ်များ

Yaŋ 107:12

Bi din tun toonpaarae ki tan baŋ, ki tuu baa tiŋ ni, ŋaan sɔɔ kaa ki saa sommib.

Yaŋ 22:11

A daa fɔkitir nanin; wahala baara, ki sɔɔ kaa ki saa sommin.

Yaŋ 44:3

Li din ki tee a niib na jatiat paak kaa ki bi kɔn ki nyann tiŋ na, bi din ki nyann nan bi mɔŋ paŋ kaa, li din tee a yiikoo nan a paŋ nie, nan a mɔŋ benu paak, ki li wann nan a loomm.

Yaŋ 69:20

Sukit biir n pare, ki te ki n biar yann. Ki n kpaan wunba saa maan n par, ŋaan n ki la sɔɔ; ki kpaan wunba saa korimin, ki bia ki la sɔɔ.

Yaŋ 94:16

Ŋmee set n poor ki took biit damm na? Ŋmee gaar n paak ki took toonbiit damm na?

Yaŋ 98:1

Yinin yanpaanii ki tur Yennu, kimaan u tun bakitnauŋ toonawa. U jii u tiɔŋ yiikoo nan kasii paŋe ki nyann nyannu na.

Aisaya 40:10

Yabint Yennu baat a wun dia durinya na nan yiikoo. U baat ki dia niib nba ki u tinnib na.

Aisaya 41:28

Maa got tingbana na, bi sɔɔ ki mɔk siar ki saa pak, nan bi yenɔkɔɔwa ki fit jiin buboit nba ki n boi na.

Aisaya 50:2

“Bee ki n niib yêt bin gbiint, yoo nba ki n baar bi boor maa n tinnib na? Bee ki bi yêt gatu, yoo nba ki n yiinib na? N ki mɔk paŋ nba saa tinnibe-e? N saa fit yet maan ki mɔkgbeŋir n fɔɔr, ki mɔka n kpant kunkoot, ki li janii na n kpo nyunkon.

Aisaya 51:5

N saa baar yiame ki tinnib, n nyannu yoo na pera. N mɔŋe sii dia digbana. Digbanbanfɔka guu n baarue, ki guu nan dindann a man tinnib.

Aisaya 51:9

Yennu, fiit ki sommit. Jiin a yiikoo na ki tinnit, ki tun a yiikoo toonn nan faa din tun yaayoo ni biaŋinba na. Fine din gbat Ijipt nba tuu naan mɔkir ni bonkob-paaruk na burii burii.

Aisaya 52:10

Yennu saa jii u kasii paŋ na ki tinn u niib, ki durinya niib kur saa lar.

Aisaya 63:3

Ki Yennu jiin a, “N ŋmaa digbana na nan daan tilɔɔna nae, ki sɔɔ ki nyii sommin. N ŋmaab nan wutoor, ki bi sɔn nyii tat n liant.

Esekiel 22:30

N gote maa n laan n saa la sɔɔ ki wun guur doo na, ki daa te ki n wutoor do li paaki, ki bia gɔɔrin ki n daa biir doo maŋi, ŋaan n ki la sɔɔ.

Hosea 1:7

Ŋaan Juda teeb ŋarin, n sii mɔk lomm namm. Min, bi Yomdaanɔ Yennu, saa tinniba, ŋaan n kan tinnib tɔb ni kaa, koo ki jii jukbanjiak, koo tɔrbana nan peenii kaa, koo ki jii taanii nan taanjakira kaa, ki tinnibi.

Jɔɔnn 16:32

Yoo baat, ki poŋ baar gbenna, ki i kur tan saa yat kun, ŋaan ki n biar n kuukɔɔ. Ŋaan li set ki tee n tan sii be n kuukɔɔ kaa, kimaan min nan n Baa Yennu-e tan sii be.

1 Korint teeb 1:24

Juu teeb nba ki Yennu gannib na, nan binba ki tee Juu teeb ki Yennu bia gannib na ŋarin mi nan Masia kuun labaar na tee Yennu paŋ nan u yame.