Aisaya 63:1 - Yennu Gbouŋ Mɔɔr

¹ “Ŋmee nyii Bosra, doo nba be Edom tiŋ ni ki baat na? Ŋmee jia lia tamɔnt fanu ki somm nan paŋ nan yiikoo na?” “Li tee Yennu nba mɔk paŋ ki tinnit nae baat a wun mɔɔnt u nyannu po.”

Aisaya 63:1 ပူးပေါင်းရင်းမြစ်များ

Pinpiik 49:11

Ki u sii lorin u bonbik, daan tilontii nba ŋan ni, ki wu u tiat tilontii daan nba mɔn nan sɔn na ni.

Yaŋ 108:13

Yennu-i taa ti po, ti saa nyanna; ŋɔɔe saa nyann ti datai.

Yaŋ 137:7

Yennu, tiat Edom teeb nba din tun linba, daar nba ki ti datai nyann Jerusalem na. Tiat baa din yeen a, “Yeetir ki sikinir tiŋ ni.”

Yaŋ 65:6

Fine bir jɔjaana nan a paŋ, ki wann a yabint paŋ nba tee biaŋinba.

Yankpaŋii 3:6

Wunba nyii kunkoouk po ki tee nan munyutootir, ki puk tulaarii nan bonnunubit nba tee mir, ki tee tulaarii nba kur ki kpinkpenta kɔi na tee ŋmee?

Yankpaŋii 6:10

Ŋmee na, ki tan nyirii nan sanyiɔk na? U mantik fan, ki yeen, ki tee nan yonnu, koo ŋmaarik nba tuu nyɔkit biaŋinba na.

Yankpaŋii 8:5

Ŋma poe nyii kunkoouk po, ki lɔn u yɔɔk nii ki baat na? N fiina, tilontik na nyakire, siaminba ki bi din mara na.

Aisaya 11:14

Bi saa taan ki lek Filistia teeb nba be yonbaa po, ki fat niib nba kar yondo po na bona. Bi saa nyann Edom nan Moab teeb, ki Amonn teeb saa sak bi mɔb.

Aisaya 34:1

Digbana niib kur, baat man. Tikit man ki gbiint. Ŋaant durinya kur, nan wunba kur be li ni n baar nna, ki tan gbiint.

Aisaya 42:1

Yennu bia yet a, “N toontunnɔe na, ŋɔɔe ki n kɔɔnɔ paŋ. Ŋɔɔe ki n gannɔ, ki n par mei u paak. N jii n Seeke ki teen u ni, ki u saa baar nan buut nba took digbana kur paak.

Aisaya 42:3

U tan kan kɔnn lanbankɔɔnn ki tonti, ki bia tan kan kpeen fitir nba ki di fanu. U saa baar nan mamɔmm nba yɔɔ be-e sɔɔ kur paak.

Aisaya 45:19

N ki bɔr pak kaa, koo n ki bɔr n lora. N ki yet a Israel teeb n lomin yann boori. N tee Yennu-e ki piak barmɔnii, ki fiitir linba took ki want.”

Aisaya 45:23

N mɔsonn tee barmɔniie, ki kan lebiti. N senn mɔsonne ki turib nan n kpan tee maa tee wunbae, a nisaarik kur saa baar ki gbaan n boor ki por senn nan u sii waan.

Aisaya 9:5

Jab nba lek na taasaat, nan bi tiat nba ki sɔn tarin na kur, muue saa di.

Aisaya 9:7

U naan yiikoo sii kpaatire yoo kur; u naan sii yɔɔ be parmaasir nie, ki u saa gaar kpanbar Defid naan yent ki dia, ki u yiikoo sii gaa linba took nan barmɔnii paak, laa nyi mɔtana nan yoo nba waa mɔkmɔk nan mɔkmɔk. Yabint Yennu-e lor wun tun linba na.

Jeremaya 48:24

nan Keriof nan Bosra. Tubdatu baar Moab doi nba fɔk nan linba naak kur paaka.

Jeremaya 49:13

N mɔŋ por nan doo nba tee Bosra saa teen jaŋmaansooruk boor ki sii tee kunkoouk. Niib sii yisin leŋ, ki saa jii li sann ki poor mɔpora. Digbanbis nba kpia leŋ na sii yɔɔ tee langbente. Min Yennu-e pak na.”

Esekiel 25:12

Ki Yabint Yennu ŋamm yet a, “Edom teeb biir, kimaan baa jiin Juda teeb pann, ki bi pann jiinu maŋ paak te ki yanbɔngbeŋir be ŋamm Edom teeb paak.

Esekiel 35:1

Ki Yennu ŋamm pak nanin a,

Esekiel 38:17

Fine tee wunba ki n din tuu piak a po sianyoowa na. N din pak tur n sɔkiniinba nba tee n toontunna ki be Israel tiŋ ni na, a yoo baate, ki n saa te sɔɔ n baar ki tan lek Israel teeb. Min Yabint Yennu-e pak na.”

Obadia 1:1

Mɔmaan nba nae ki Yabint Yennu yet Obadia ki jiin Edom tingbouŋ po. Ti gbat mɔmaan ki li nyii Yennu boor, u tun tontii digbana ni ki yet a, “Teent siir man ki tin saan faa Edom teeb tɔb.”

Obadia 1:9

ki jaŋmaanii saa soor Temann kunkɔnkɔnna, ki bi saa kpi jab nba kur be Edom tiŋ ni.

Sefania 3:17

I Yomdaanɔ Yennu be nani; u yiikooe teeni nyannu. U par sii peen i paak, ki u saa turi manfopaann, u lomm ni. U sii yiin yanii ki mɔk kpinkpammuk i paak.

Malakai 1:2

Yennu yeen u niib a, “Yoo kur n loonie.” Ŋaan ki bi boi a, “A loont nlee?” Ki Yennu jiin a, “Esɔɔ nan Jakɔb din tee naanɔɔke, ŋaan ki n mantik loon Jakɔb nan u yaaboona,

Nikant 23:19

Yennu ki tee nan nirɔ na kaa, ki saa faar faaki, koo ki tee nan nisaarik bik na, ki saa lebit u dudukiti. Linba kur ki u senn mɔsonn, u tuu tume. U yeen, ki li tuun.

Matiu 21:10

Waa din tan kɔɔ Jerusalem yoo nba, ki doo maŋ niib kur fiir, ki boi leeb a “Ŋmee na?”

Hiibru teeb 7:25

Li paak, binba chat nakin Yennu, ŋɔɔ Yiisa sann ni na, u saa fit tinnib mɔtana nan yaayoo siiyoo, kimaan u be u manfoor ni yoo kur, ki mei Yennu ki teemm.

1 Piita 1:5

ki guu yimm nba ki Yennu paŋ dia-i, i yada paak, a yin la i tinnu nyɔɔt nba teen siir ki saa nyi paanu, dajoontii na.

Fiitu 19:13

Ki liatir nba ki u lia na gbar sɔn; ki sann nba ki bi yiu na tee “Yennu Mɔmaan.”