Aisaya 62:8 - Yennu Gbouŋ Mɔɔr

⁸ Yennu senn mɔsonjaanne, ki saa jii u yiikoo ki gbeen u mɔsonn maŋ a: “I dii ji kii tee i datai jeeti, ki nigamm ji kan nyu i tilɔɔna daan.

Aisaya 62:8 ပူးပေါင်းရင်းမြစ်များ

Aisaya 1:7

Bi biir i digbann, ki joo i doi muuwa. I goriie ki boorganu niib yent i tiŋ, ki bont kur teen yann.

Aisaya 45:23

N mɔsonn tee barmɔniie, ki kan lebiti. N senn mɔsonne ki turib nan n kpan tee maa tee wunbae, a nisaarik kur saa baar ki gbaan n boor ki por senn nan u sii waan.

Aisaya 54:9

“Nowa yooewa ki n din senn mɔsonn nan n ji kan biir tingbouŋ na nan nyumi. Mɔtana n senn mɔsonn nan n ji kan ban donn wutoor a paak, n kan ban ŋmakita nan biak, koo ki dat a tubiri.

Aisaya 55:2

Bee ki i biir likirii linba ki gboot paaki? Bee ki i di i paauk ŋaan bia be komi? Gbiintir turin man, ki tun maa wanni linba; ki i saa di jeet nba man ki gar jeet kur ki lin maŋi.

Aisaya 59:16

Li bakitɔe nan waa la ki sɔɔ kaa ki saa somm binba ki bi dintib biak na. Li paak, u saa jii u tiɔŋ yiikooe ki nyinnib, ki te bin nyann.

Jeremaya 31:5

ki bia saa ŋamm bur daan tiinii Samaria kunkona paak, ki binba bur tiinii maŋ saa di li lɔɔna.

Jeremaya 5:17

Bi saa di i jeet kur, ki kpi i bonjai nan bonpoi kur, ki ŋman i pei nan nei kur. Bi saa biir i tilontii kur. Bi saa jii banjiake ki biir i doi nba paar ki i maa li paak na kur.”

Esekiel 20:5

Betirib nan sianyoowa dinn, ki min Yabint Yennu gann Israel teeb, a bii tee n yab. N din dɔkit bi yeejamm paak, Ijipt tiŋ ni, ki turib mɔsonn nan mine sii tee bi Yennu, ki bia sii tee bi yaaboona Yennu.

Liifai teeb 26:16

n saa dat i tubawa, ki baar nan bonbilankant i paak, yiaru nba saa te ki i koot nan gbanantouŋ, linba saa jɔɔni, ki bia biiri, ki yin tan kpo. Ki i saa bur i bonboorii, ŋaan li sii tee yanne, kimaan i datai saa nyanni ki di linba kur ki i bur.

Amos 9:14

N saa jii n niib ki jen namm bi tiŋ ni, ki bi saa fiin bi langbent ki kɔɔ li ni, ki saa bur daan tilontii, kii nyu li daan, ki ko kpaant ki di jeet nba ki bi bur na.

Sennu 28:30

“Ki a sii mɔk sarkpeŋ, ŋaan sɔɔe tan saa kɔɔnɔ; ki i saa maa ŋei, ŋaan kan kɔɔ li ni. Ki i saa bur tilontii ŋaan tan kan di li lɔɔna.

Sennu 28:31

I numm niŋe ki bi tan saa kɔt i bonkobit, ŋaan i kan ŋman bi nanti. Ki bi saa dat i bonii ki yaat namm, ŋaan ki i gorii, ki bi bia kan jen namm ki turi ni. Ki i datai saa gaar i pei, ŋaan sɔɔ kii be ki sommini.

Sennu 28:33

Tingaŋ niibe tan saa di i jeet kur nba ki i koo nan ninbinmɔnii na, i kan gaar siari see mukisuk nyɔɔ nyɔɔ.

Sennu 32:40

Barmɔnii nan maa tee Yennu nba tun be na, n donn n nuu sanpaapoe ki por