Aisaya 62:6 - Yennu Gbouŋ Mɔɔr

⁶ Jerusalem, n kaan guuteebe a joonjouk na paak. Yonnu nan nyiɔk kur bi ki tee saa ŋmini. Li tee bii tian Yennu u mɔsona na poe, ki daa te ki u tammiti.

Aisaya 62:6 ပူးပေါင်းရင်းမြစ်များ

Pinpiik 32:12

Tiat nan a senn mɔsonn nan a saa te ki bona kur n saan fanu ki turin, a ki a bia saa turin yaaboona bonchiann, ki sɔɔ kan fit ki kammi, ki bi kann yabint sii tee nan mɔkgbianu tanbiiuŋ nae.”

Pinpiik 32:26

Jɔɔ na din yet a, “Ŋaant ki man saan, kimaan sanyiɔk yentire na.” Ki Jakɔb jiin a, “Fi-i kii teen piisin n paak, n kan chaba ki fin saani.”

2 Barkperii 8:14

U din wei sennu nba ki u baa Defid din senn nae, ki ŋmakit mannteeb na, sɔɔ kur nan u daar toonn, nan Liifai teeb nba sii yiin yanii, ki bia sommit mannteeb ki bi tuun bi toona. U bia din ŋmakit Yenjiantu ŋasaakak na guura, ki biitib, ki bi guu tammɔi daar kur, nan Defid, wunba tee Yennu nirɔ na nba din wann biaŋinba na.

Yaŋ 122:7

Ŋaant ki gbananmaasu-ii be a doo ni, ki manu-ii be a naan ŋei ni.”

Yaŋ 74:18

Yennu, tiat nan a datai sarikitae, bi teen jatite ki biir a sann.

Yaŋ 74:2

Ii tian niib nba ki a bo gannib sianyoowa na po, ki bi tee binba ki a bo nyinnib daabisin ni, ki teemm a tiɔŋ niib na. Ii tian Sayɔnn kunkonn nba ki a bo kɔɔ li ni na po.

Yankpaŋii 3:3

Ki nyiɔk guuteeb tan lan, yoo nba ki bi lin gɔnt doo na na. Ki n boib a, “I la n yɔɔk-ii?”

Yankpaŋii 5:7

Ki nyiɔk guura na lin doo na ni ki tan lan, ki faan ki turin daŋ; ki guura nba be doo na joonn boor na liat n gbakit foouk.

Aisaya 43:26

“Ŋaant ki tin saan buut boor, baat nan i maan man. Pakin i maan, ki wann nan i mɔk mɔnii.

Aisaya 49:16

Jerusalem, n kan ban tamm a po; n sɔb a sann n niipant nie.

Aisaya 52:8

Binba guu doo maŋ na lakin hoot parmaasir hootiie. Bi fit laat nan bi tiɔŋ ninbina biaŋinba ki Yennu jent Sayɔnn.

Aisaya 56:10

U yet a, “Tɔɔndamm nba bo tee bin kpaan n niib na tee jɔɔniie. Bi ki mi siar; bi tee nan bɔmui nba ki gbekin nae, bi kpan dɔɔ damii damiit kɔɔe. Bi lon gɔɔn halii.

Aisaya 62:1

N saa pake ki maan Jerusalem par. N kii ŋmin see ki u tan tinn, ki u nyannu yeen nan nyiɔk muu na.

Jeremaya 14:21

Tiat a mɔsonn na po, ki daa yêenti. A daa baat nan fei Jerusalem nba ki a naangbouŋ be na paaki. A daa porii mɔlor nba ki a lor nant na.

Jeremaya 6:17

Ŋanne ki Yennu nyinn guuteeb a bii gbiin naatunn kpaanii. Ŋaan ki bi yet a, “Aaii, ti kan gbiinti.”

Fabinii 5:1

Yennu, ii tian linba teenit na po. Gotirit, ki la ti fei.

Fabinii 5:20

Bee teen ki a nyikit ki li wei nna? A saa ban tiar ti po jika-a?

Barŋanii nba ki LUK din sɔb nae na 18:39

Ki sɔnliita na tian u paak a wun ŋmin; ŋaan ki u bia ŋamii yi sanpaapo a “Defid yaaboonn, tinimin ninbaauk.”

Toona 10:31

ki yet a ‘Kɔnelius, Yennu gbat a miaruwa, ki bia tian a ninkpabauŋ toona po.

Toona 10:4

Kɔnelius nba la malaka maŋ na, ki jaŋmaanii soorɔ, ki u yet a, “N yomdaanɔ, bee?” Ki malaka maŋ jiin a, “Yennu gaar a miaru, ki bia sak a ninkpabauŋ toona nba ki a tuun ki teen niib nawa, ki tian a po.

1 Korint teeb 12:28

Ŋanne ki Yennu gann toomiinba u niib sinsuuk ni, ki bi tee saakab; ki wei gann sɔkiniinba; ki gann wannteeb; ki wei paan binba tuun bakitnauŋ toona; ki gann binba te ki baatib laat laafia, ki gann sommteeb; ki wei paan saakab nba ŋan ki gorii toona paak; ki wei paan binba piak maboorganii.

1 Tesalonika teeb 5:17

kii mei Yennu yoo kur,

Hiibru teeb 13:17

Ii saak i yudamm mɔi ki sikin i mɔŋ ki turib, kimaan bi baka be i benu ni, kimaan bi tan saa wann Yennu bi toona nba ki bi din tuun nawa. Ŋaant ki bin tan wannɔ nan parpeenn, ŋaan tan daa wantɔ nan parbiiri. Ŋann tan kii mɔk nyɔɔt ki turini.

Fiitu 6:10

ki yikin sanpaapo ki yeen a, “Ti Yomdaanɔ Yennu, fin nba tee popeendaanɔ ki bia tee barmɔnii daanɔ, li saa yukir nleewa ki a tan bu tingbouŋ na niib buut ki dat bi tuba, baa kpiit na paaki?”