Aisaya 62:4 - Yennu Gbouŋ Mɔɔr

⁴ Sɔɔ ji kan yiina, “Kaadɔuŋ,” koo ki yiin a tiŋ “Pooluukir.” A sanpaanne sii tee “Yennu par mei u paak.” Ki bi sii yi a tiŋ na, “Jakunŋant,” kimaan Yennu par mei a paak, ki u sii tee nan sɔrɔ na ki tur a tiŋ.

Aisaya 62:4 ပူးပေါင်းရင်းမြစ်များ

Yaŋ 149:4

Yennu par mei u niib paake, ki u teen sikin-n-mɔŋ damm na nyannu.

Yaŋ 16:3

Yennu niib nba teenɔ yada na, ŋamme be fanu. N parmaasir kur tee mii be bi boore.

Aisaya 49:14

Ŋaan ki Jerusalem teeb yet a, “Yennu nyɔr nyikita. U tamm ti powa.”

Aisaya 54:1

Jerusalem, a tee nan poo nba ki mar nae, ŋaan mɔtana a saa fit yin yaŋ kii hoot nan kpinkpammuk. Mɔtana a sii mɔk waas bonchiann ki gar poo nba ki u sɔrɔ ki ban nyikɔ.

Aisaya 60:15

“Bi ji kan yêta ki bia namani, a ji kan biar dɔɔ yanni. N saa teena digbanjaann, ki bia faŋa. Ki a sii tee siaminba ki kpinkpammuk yɔɔ be.

Aisaya 60:18

Sɔɔ ji kan gbat jat fuuri, ki biiru ji kan ban bukir a tiŋi. N saa guura ki kɔn a paak nan joonjouk nae, ki a saa dontin, kimaan maa tinna na paak.

Aisaya 61:10

Jerusalem kpamm linba ki Yennu tun na paake. U tee nan pooyookir nba tuu lia tiat ki teen siir nan chiann nae. Yennu-e turɔ tinnu nan nyannu.

Aisaya 62:12

I sann sii tee “Yennu kasii niib,” nan “Niib nba ki Yennu tinnib.” Jerusalem sann sii tee “Doo nba ki Yennu loon,” nan “Doo nba ki Yennu ki yêtir.”

Aisaya 62:2

Jerusalem, digbana saa la a popeensin, ki bi kpanbara kur saa la a yabint nba tee biaŋinba. Bi saa pura sanpaanne, sann nba ki Yennu tiɔŋ pura na.

Aisaya 62:5

Naasimɔ nba tuu ji sapaanmunn ki teenɔ u poo biaŋinba na, nnae ki a naamiidaanɔ saa kɔɔna. Naasimɔ par nba tuu mei u poo paak biaŋinba na, nnae ki Yennu par sii mei a paak.

Aisaya 65:19

N mɔŋ saa gbee nan parpeenne, kimaan Jerusalem nan li niib paak. Mɔŋ sii kaa leŋ, sɔɔ kii boi sommir po.

Jeremaya 3:14

“Yimm nba ki waa min Yennu na, jenin man, i tee n niibe. N saa nyinni yenɔ yenɔ doo kur ni, ki nyinni banlee-lee yeeja ŋaak kur ni, ki jen nani Sayɔnn kunkonn paak.

Jeremaya 32:41

Li sii manin nan mii tuun toonŋana kii teemm, ki n saa kaanib fanu, tiŋ na ni.

Jeremaya 33:9

Jerusalem sii tee kpinkpammuk nan baakir nan yugontir boore ki turin, ki durinya ŋaak na digbann kur yan saa put, bi-i gbat bonŋana nba ki n tun ki tur Jerusalem teeb, nan maa baar nan nyɔɔt nba ki tur doo maŋ na po.”

Esekiel 36:35

Ki sɔɔ kur saa pak a tiŋ nba din tuu tee langbent nae ji tan naan nan Edenn kpaab, ki doi nba siab din yeer, ki jii li mɔkint, ŋaan nyikir langbent na, bi ŋamm maar, ki li mɔk paŋ, ki niib kɔɔ leŋ.

Hosea 2:21

Ki daa maŋ ni, n saa gat n niib nba tee Israel teeb na miaru. N saa te saak n baa tiŋ na paak, ki tiŋ na saa nan jeet, ki daan tiinii nan kpan tiinii saa lon lɔɔna.

Sefania 3:17

I Yomdaanɔ Yennu be nani; u yiikooe teeni nyannu. U par sii peen i paak, ki u saa turi manfopaann, u lomm ni. U sii yiin yanii ki mɔk kpinkpammuk i paak.

Malakai 3:12

Ki digbana kur niib saa yiini parpeenn damm, kimaan i tiŋ na tan sii tee siaminba ŋan nan kɔɔnue.”

Jɔɔnn 3:29

Poosɔrɔe tee wunba yen pooyookir. Wunba tee poosɔrɔ na yɔɔk, ki be u boor ki gbiin na, ŋɔɔe mɔk parpeenn, yoo nba ki u gbat poosɔrɔ na kunkɔr. Nnae ki n mun set mɔk parpeenn bonchiann Masia paak.

2 Korint teeb 11:2

N looni bonchiann nan Yennu nba looni biaŋinba na. I tee nan sapaamɔ nba ki mi jɔɔ nae, ki n loon ki n jii-i ki tur Masia ki yii waa ŋɔɔ kuukɔɔ.

Sennu 30:9

Yennu saa te ki yin mɔkit toona nba kur ki i tuun ni. Ki i sii mɔk waas nan bonkobit bonchiann, ki i tiŋ saa nan jeet bonchiann. Ki u sii mɔk parpeenn nan wun te ki yin mɔkit, nan waa din mɔk parpeenn nan i yeejamm n mɔkit biaŋinba na.

Hiibru teeb 13:5

Ii nyinn i niɔŋ liklomm ni, ŋaan te ki i numm n gboo yaa mɔk linba; kimaan Yennu yet a, “N kan mi ki nyikani, n bia kan mi ki ŋaanani.”

1 Piita 2:10

Sianyoo i din ki tee Yennu niibi, ŋaan mɔtana i ji tee u niibe; sianyoo u din ki tini ninbaauku, ŋaan mɔtana u tini ninbaauka.

Fiitu 21:2

Ki n la Yennu doo nba tee Jerusalem paann na, ki li nyii Yennu boor Yendɔuŋ ni, ki siik, ki tee nan pooyookir nba tuu teen siir ki faŋit u mɔŋ ki tookit jɔɔ nba yaa wun kɔɔnɔ na.