Aisaya 61:8 - Yennu Gbouŋ Mɔɔr

⁸ Ki Yennu yet a, “N loon ŋante, ŋaan n ki loon mukisuk, nan toonbiit. N saa pa n niib nan barmɔnii, ki lor mɔlor kangbennuk namm.

Aisaya 61:8 ပူးပေါင်းရင်းမြစ်များ

Pinpiik 17:7

“Ki mɔsonn nba ki n senn ki tur fin nan a yaaboona na, n saa diar mɔkmɔk nan mɔkmɔk. Mine sii tee fin nan a yaaboona Yennu.

2 Samuel 23:5

Nna bannue ki Yennu saa teen piisin n maaru paak, kimaan u lor mɔlor nba kaa gbennu nanima, ki li tee lor nba kan ban biir, ki tee mɔsonn nba kan ban lebit. Maa loon linba kure na, ŋanne sii tee nyannu, ki Yennu set saa te ki lin teen mɔnii.

Yaŋ 105:10

Yennu din lor mɔlore ki tur Jakɔb, ki li tee mɔlor nba sii yɔɔ be.

Yaŋ 11:7

Yennu tee kasiie ki loon toonŋana. Binba tuun toonŋana sii tun be Yennu tɔɔnne.

Yaŋ 32:8

Ki Yennu yet a, “N saa wanna faa sii be biaŋinba, ki sii kpaana ki goriia.

Yaŋ 33:5

Yennu loon kasii toona nan toonŋana, ki u lomm nba yɔɔ be na gbee tingbouŋ.

Yaŋ 37:28

kimaan Yennu loon linba ŋan, li paak, ki u ki nyikin niib nba tuun u loomm na yanni, ki guub yoo kur, ŋaan beer nɔɔnbiit damm maaru ki nyintib.

Yaŋ 45:7

A loon toonŋana, ŋaan ki loon toonbiit, li paak ki Yennu ganna, ki tura parpeenn, ki li gar kpanbarlia nba be.

Yaŋ 50:5

U yet a, “Taant niib nba ŋamm bi mɔŋ na ki turin, binba mann maruŋ ki senn mɔsonn nanin.”

Yaŋ 62:10

A daa tee yada a fatuk ni, a bia daa mɔk japaat nanyuk bona paaki. A mɔkint-i lekii pukin biaŋinba, ŋaan a daa maa li paaki.

Yaŋ 99:4

Kpanbar-saakar, a loon linba tee mamɔmme; a baar nan mamɔmme Israel teeb boor; a baar nan kasiie nan ŋant.

Barjokit 3:6

Ii tian Yennu po linba ki a tuun kur ni, ki u saa wanna sɔnu nba ŋan.

Barjokit 8:20

N somm popeensin sɔnu na nie, ki waa barmɔnii sɔnu na,

Aisaya 28:17

Mamɔnpakue tee fiakir na bikinu ŋmiiuk, ki ŋamm mun tee lɔtik ni nyundaauk.” Sajakper saa wuur faak nba ki i tuu maa li paak na, ki nyunmɔnn saa di linba guui na.

Aisaya 30:18

Ŋaan Yennu lek guue a wun tini ninbaauk. U teen siir a wun tini ninbaauk, kimaan u yɔɔ tuun linba tooke. Parpeenn be daansiab nba teen Yennu yada na paak.

Aisaya 5:16

Ŋaan Yabint Yennu want u paŋ ki tuun linba ŋan, ki bia want u kasii binbeŋ, ki bu u niib buut.

Aisaya 54:10

Jɔɔt nan kunkona-i lekii but but, ŋaan n lomm nba be a ni na kan ban gbenn; n sii yɔɔ dia mɔsonn nba ki n senn nan n saa tura parmaasir nae.” Yennu nba loona nae pak linba na.

Aisaya 55:3

“N niib, gbiintir turin man, ki baar n boor. Baat n boor, ki i saa la manfoor. N saa lor mɔlor kangbennuk nani, ki turi piisin nba ki n din senn mɔsonn ki tur Defid na.

Aisaya 56:1

Ki Yennu yet u niib a, “Ii tuun linba ŋan ki bia took, kimaan li kan wei, ki n saa tinni.

Aisaya 66:22

“N yiikoo nba saa te ki tingbounpaann nan sanpaapopaann yɔɔ be biaŋinba na, nnae ki i yaaboona nan i sann sii yɔɔ be.

Jeremaya 32:40

N saa lor mɔlor namm, ki li mɔlor sii yɔɔ be. N sii yɔɔ tuun ŋamm ki teemm ki saa te ki bi tiinin nan bi yan kur, ki lin te bi daa ŋmantir bi poor ki teenin.

Jeremaya 9:24

Li-i tee ki sɔɔ loon wun faa kpinkpant, wun faa nan u min, ki bia bant n maan paak, kimaan n lomm yɔɔ be-e, ki n tuun linba ŋan ki bia took. Ŋanne mei n par. Min Yennu-e pak na.”

Esekiel 16:60

Ŋaan min ŋarin tian mɔlor nba ki n lor nana, yoo nba ki a din tee sapaamɔ nawa, li paak, n saa tura mɔsonn nba kan ban biir.

Esekiel 34:25

N sii mɔk mɔlor namm, linba sii guu bi manfoa. N saa boon bonkob-susoot nba be tiŋ na paake, ki lin te n pei n fit kii be bi yamani, tiŋ na ni, kii gɔɔnt fɔɔr ni.

Malakai 1:13

I tuu yet a, ‘Ti mantik bak nan linba na nba kura,’ ki ji yisimin. I baat nan nanyuk-bonkobit, koo bonkobdianii, koo bonkob-baatit ki li tee piinii ki teenin. I dukii a n saa gaar i piinii maŋa-a?

Matiu 23:13

Yiisa bia yet a “Yimm sennu wannteeb nan Farisiinba nba tee kpinkpannii damm na, li sii bi turi, kimaan yimme loo Yennu naan tammɔb a niib daa kɔɔ. I mɔŋ mɔŋ ki kɔɔ, ŋaan dɔk binba loon bin kɔɔ tammɔb maŋ na. ((

2 Tesalonika teeb 3:5

Ti Yomdaanɔ maŋ n sommi ki yin bann Yennu nba loont biaŋinba, kii mɔk gbankur nba ki Masia teent na.