Aisaya 61:3 - Yennu Gbouŋ Mɔɔr

³ ki tur binba mɔ Sayɔnn na parpeenn nan kpinkpammuk, ki li kii tee parbiir kaa, a bin nyik parbiir, ŋaan kii yiin dontir yanii. Bi sii tee nan tiinii nba ki Yennu tiɔŋ burir nae, ki bi kur sii tuun linba took. Ki Yennu saa la dontir, waa tun linba paak.

Aisaya 61:3 ပူးပေါင်းရင်းမြစ်များ

Estaa 8:15

Mordekai ji din nyii kpanbar ŋaak na ni, ki lia naan liant nba tee kpaakutu, ki mɔk chab-bɔnwuwur nan chabpeenn nan chabmɔnwuwur, ki yir salima naan fokirik nba ŋan, ki Susa doo na sɔnjot gbee nan parpeenn, ki bi hoot nan kpinkpammuk.

Estaa 9:22

Daa nba na niŋe ki Juu teeb din fat bi mɔŋ bi datai boor; ŋmaarik na nie din tee parbiir nan dindann kɔŋir sakir, ki ji tan kpant kpinkpammuk nan parpeenn sakir. Bi din betib a bin ji daa maŋ ki di jaamm, kii piin leeb jeet piinii, kii biaki teen talas damm piinii.

Yaŋ 104:15

ki ŋaa tilɔɔna daan, ki li teemm parpeenn, ki tee kpan, ki li teemm parcheenn, nan jeet, ki li teemm paŋ.

Yaŋ 149:4

Yennu par mei u niib paake, ki u teen sikin-n-mɔŋ damm na nyannu.

Yaŋ 23:5

ki sent n jeet, siaminba ki n datai laatin. A gaarin saauŋ, ki n nyubitik gbee ki mɔ.

Yaŋ 30:11

A lebit n parbiire ki li tee parpeenn sawaak, ki nyinn n parbiir, ŋaan turin parpeenn,

Yaŋ 30:12

ki n ji saa yin yaŋe ki pak a sann, n kii ŋmini. Yennu, fine tee n Yomdaanɔ, n saa tura niipoouko nan yoo nba kaa paak.

Yaŋ 45:7

A loon toonŋana, ŋaan ki loon toonbiit, li paak ki Yennu ganna, ki tura parpeenn, ki li gar kpanbarlia nba be.

Banntɔɔ 9:8

Ii tuu kii mɔk parpeenn nan parmaasir ningorsin yoo kur.

Aisaya 12:1

Yoo baat ki niib saa yin yaŋ a, “N dontira, Yennu. A wutoor bo doo n paake, ŋaan mɔtana a maan n para, ki a wutoor bia ji ki do.

Aisaya 26:2

Lootir doo na tammɔi ki ŋaan digbann nba ki mɔk biit na n kɔɔ, digbann nba niib tuun linba took.

Aisaya 44:23

Sanpaak, ii hoot nan kpinkpammuk. Tingbouŋ, ii hoot. Kunkona nan fɔɔr ni tiik kur n hoot nan kpinkpammuk. Yennu tinn u niib Israel teebe, ki li wann u yiikoo nba tee.

Aisaya 46:13

N chari nan nyannu daar nae, ki nakint, li ki fɔk nan waama. N nyannu na kan wei nan baaru. N saa tinn Jerusalem-e, ki Israel teeb n la baakir leŋ.”

Aisaya 52:1

Jerusalem, a ŋamm kii mɔk paŋ kii paar. Yennu kasii digbann, a lia baakir. Binba ki mi Yennu ki bia ki yeen na ji kan ban kɔɔ a ni.

Aisaya 61:10

Jerusalem kpamm linba ki Yennu tun na paake. U tee nan pooyookir nba tuu lia tiat ki teen siir nan chiann nae. Yennu-e turɔ tinnu nan nyannu.

Jeremaya 31:13

Ki sapaamm saa waa waak ki mɔk parpeenn, ki naasimm nan jakpera sii kpamm. N saa maan bi para, ki saa kpint bi mɔnii na ki teen kpinkpammuk, ki kpint bi parbiir ki teen parmaasir.

Esekiel 34:29

N saa turib tinkpiasir, ki te ki kon n gbenn tiŋ na paak. Ki digbanlia na niib ji kan ban pak ki biiribi.

Esekiel 47:7

Maa baar leŋ yoo nba, ki n la tiinii bonchiann be kpengbiant na kur po.

Sekaria 3:5

Ki n yet a bin jii yufintir nba yeen ki fin Joosua yur. Ki bi teen nna, ki bia jii tapaant ki lann Joosua, ki malaka na daa see leŋ.

Matiu 15:13

Ki u jiin a “Tiik nba kur ki n Baa Yennu nba be sanpaapo na ki bur, see ki bi tan ŋabire ki lu.

Matiu 5:16

Ii muni be nna; ŋaant ki i yentu n yent tur nisaarii, ki bii laat i toonŋana kii dont i Baa Yennu nba be sanpaapo na.

Barŋanii nba ki LUK din sɔb nae na 15:22

Ŋaan ki u baa yet u daaba na a, ‘Teent yiama ki jii taŋant, nan baŋ, nan taasaat, ki lannɔ, ki bia pirimɔ baŋ nan taasaat na,

Jɔɔnn 15:8

Li-i tee ki i loon lɔɔna bonchiann, ŋanne saa wann nan i set tee n poorpoweiteeb nan barmɔnii, ki n Baa Yennu saa la dontir.

Jɔɔnn 16:20

Barmɔniie ki n beeri na, i tan sii mɔ fabin, ŋaan tingbouŋ na ŋaateeb ŋarin tan sii mɔk parpeenne. I sii mɔk parbiir, ŋaan li poorpo ki i parbiir maŋ saa tunn ki teen parpeenn.

1 Korint teeb 3:9

Ti lakin tuun ki teen Yennu-e. I tee nan Yennu kpaab nae, ki bia tee nan Yennu diiuk na.

1 Korint teeb 6:20

u daaie; li paak, ii jii i gbanant kii tuun linba sii dont u sann.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yiisa Masia paŋ ni, ki Yennu sann n la dontir nan paku.

2 Tesalonika teeb 1:10

u tan saa tun nnae daar nba ki u saa baar ki gaar dontir nan paku u weira kur nba teenɔ yada na boor. I mun tan sii tee bi yemme, kimaan i poŋ teen barŋanii nba ki ti din beti na yadawa.

Hiibru teeb 1:9

Faa loon ŋant ŋaan ki ki loon biit na paak te ki min Yennu ganna ki tura parpeenn bonchiann ki gar maa tur a yɔɔsnba biaŋinba.”

1 Piita 2:9

Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.

1 Piita 4:14

Bi-i sukii-i Masia sann paak, parpeenn tee i yare, kimaan Yennu Seyeeŋ nba mɔk paŋ bonchiann na be i ni.