Aisaya 61:11 - Yennu Gbouŋ Mɔɔr

¹¹ Bonboorii nba tuu pia ki kpaat biaŋinba na, nnae ki Yabint Yennu saa tinn u niib, ki digbana kur niib saa pak dontɔ.

Aisaya 61:11 ပူးပေါင်းရင်းမြစ်များ

Pinpiik 1:11

Ki ŋɔɔ Yennu yet a, “Ŋaant ki tiŋ na n pɔt nan bonpipiat kur, linba mɔk bin, nan tiinii nba pia ki loon lɔɔna kur, nan tiik lɔɔnbooru kur, ki lɔɔnn kur nan u tiik-ii be tingbouŋ na paak.” Ki li din teen nna.

Yaŋ 72:16

ki jeet-ii be tiŋ na ni, ki kunkona n gbee nan bonbuburit, ki lon lɔɔna nan Lebanonn yar na, ki li doi n gbee nan niib, ki lii tee nan mɔɔt nba tuu pia tiŋ paak na;

Yaŋ 72:3

A te tiŋ na n tur niib na mɔkint, ki niib na-ii be leŋ kii tee popeendamm.

Yaŋ 85:11

Binbenŋaŋ saa nyi tingbouŋ na nie, ki popeensin n nyi yendɔuŋ ni.

Yankpaŋii 4:16

Niigaŋ po wouŋ, fiit. Niidiitu po wouŋ, damin n kpaab paak, ki te wamaasin n da nan nubiru nba man. Ŋaant ki n yɔɔk n saan u kpaab ni ki saa di tilɔɔna nba man.

Aisaya 4:2

Yoo baat ki Yennu saa te ki bonpipiat nan tiik nba kur be tiŋ na paak n kpaat ki faŋ. Israel teeb nba kur tinn na saa la parpeenn nan parbifaant, jeet nba pia tiŋ ni na paak.

Aisaya 45:23

N mɔsonn tee barmɔniie, ki kan lebiti. N senn mɔsonne ki turib nan n kpan tee maa tee wunbae, a nisaarik kur saa baar ki gbaan n boor ki por senn nan u sii waan.

Aisaya 45:24

“Bi saa yet a nyannu nan paŋ nyi n kɔɔ boore, ŋaan binba ki loon n maan na saa di fei.

Aisaya 45:8

N saa te ki nyannu n nyi sanpaapo ki baa nan saak nae, ki tingbouŋ saa teen siir ki gaarir, ki yent-n-mɔŋ nan barmɔnpaku sii be. Min Yennu-e saa te linba na n tun.”

Aisaya 46:13

N chari nan nyannu daar nae, ki nakint, li ki fɔk nan waama. N nyannu na kan wei nan baaru. N saa tinn Jerusalem-e, ki Israel teeb n la baakir leŋ.”

Aisaya 48:18

“Yi-i bonni sak n sennii, piisin bo sii puub ki teeni nan mɔkir nba ki fɔɔt nae, nyannu bo saa baari nan nyunpana nba tuu baar gbingbann nae.

Aisaya 58:11

Ki n saa gar i tɔɔnn yoo kur, ki gboonti nan bonŋana. N saa turi paŋ nan laafia. I sii tee nan kpaab nba ki nyun be leŋ bonchiann nae, ki tee nan nyuntonn nba ki fɔɔt na.

Aisaya 60:18

Sɔɔ ji kan gbat jat fuuri, ki biiru ji kan ban bukir a tiŋi. N saa guura ki kɔn a paak nan joonjouk nae, ki a saa dontin, kimaan maa tinna na paak.

Aisaya 60:21

A niib kur sii tuun linba ŋan, ki saa yent tiŋ na yaayoo siiyoo. Mine namm ki kaamm a man fiit n yabint ki wann sɔɔ kur.

Aisaya 62:1

N saa pake ki maan Jerusalem par. N kii ŋmin see ki u tan tinn, ki u nyannu yeen nan nyiɔk muu na.

Aisaya 62:2

Jerusalem, digbana saa la a popeensin, ki bi kpanbara kur saa la a yabint nba tee biaŋinba. Bi saa pura sanpaanne, sann nba ki Yennu tiɔŋ pura na.

Aisaya 62:7

Bi daa teenɔ yaak, see ki u tan fiin Jerusalem, ki teenir doo nba ki durinya kur saa pak dont.

Matiu 13:23

Ki bonboorii nba baa tinŋaŋ ni na tee nan wunba gbat Yennu maan na, ki bann li paak, ki li tan kpaat ki nan; ki siab nan kobik kobik, siab mun nan piinloob-loob, ki siab mun bia nan piintaa-taa nae.”

Matiu 13:3

Ki u yimm barjokit bonchiann ki yet a “Jasɔɔ din doo kpaab a wun saa bur tan.

Matiu 13:8

Ki leer mun baa tinŋaŋ ni, ki nan naanŋauŋ; ki siab nan kobik kobik, siab piinloob-loob, ki siab mun piintaa-taa.

1 Piita 2:9

Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.