Aisaya 60:4 - Yennu Gbouŋ Mɔɔr

⁴ Gotir lint a mɔŋ ki la linba tuun, a niib lakinte a bin kpen. Bi saa jii a bonpoi na nan bi tee waase na. A bonjai saa nyi banfɔka ki kpen.

Aisaya 60:4 ပူးပေါင်းရင်းမြစ်များ

Aisaya 11:12

Yennu saa donn u nyinn fariŋ ki wann digbana nan u bia lakint Israel nan Juda niib nba yat nae, ki nyi namm durinya loka ŋanna kur po, ki jent namm.

Aisaya 14:2

Digbana bonchiann saa somm Israel teeb ki bin ŋmat bi tiŋ nba ki Yennu turib na ni, ki digbana maŋ sii tee yommii ki tuun teen Israel teeb. Binba din kɔn nyann Israel teeb na, ŋaan mɔtana Israel teeb saa kɔn nyannib, ki Israel teeb maŋ sii dia damm nba din dinnib biak na.

Aisaya 42:6

“Min Yennu-e yiina ki tura yiikoo maa fan te ki mamɔmm-i be tingbouŋ na paak. Li saa nyi a nie, ki n saa lor mɔlor nan nisaarii; li saa nyi a nie, ki n saa baar nan yentu, digbana kur paak.

Aisaya 43:6

N saa pak gaŋ po ki wun te bin kun, ki bia pak diitu po ki u daa gɔibi. Ŋaant ki n niib n nyi banfɔka, durinya na munn po, ki ŋmat kun.

Aisaya 49:12

N niib saa nyi banfɔka ki baar. Bi saa nyi gaŋ po nan yondo po nan Asuann nba be diitu po na.”

Aisaya 49:17

“Binba saa ŋamm maa-a na baate mɔtana, ki binba bo biira na saa yaat.

Aisaya 49:18

Gotir lint ki la linba tuun na. A niib na lakinte ki kpent. Barmɔnii nan maa tee Yennu nba fo na, a sii mɔk parbifaant a niib paak, nan pooyookir nba tuu mɔk parbifaant u salinbana paak nae.

Aisaya 66:20

Bi saa nyi nan i tiŋ ni nileeb na kur digbana ki jen namm, ki bi sii tee piinii ki turin. Bi saa jakinib taanii nan bontaanii nan laagumiinba nan taantorit nan jika torite, ki jen namm Jerusalem, n kasii kunkonn paak, ki li sii tee nan Israel teeb nba tuu teen jeet piinii, bona nba yeen na ni, ki baar nann jiantu ŋasaakak ni biaŋinba na.

Jeremaya 30:10

N niib, i daa tiin jaŋmaanii. Israel teeb, i yan daa puti. N saa nyinni digbanbanfɔkir na niwa, tiŋ nba ni ki i tee yommii na. I saa jen kpen, ki sii be i yamani. I sii be fanu, ki sɔɔ kan kɔɔni jaŋmaanii.

Amos 9:14

N saa jii n niib ki jen namm bi tiŋ ni, ki bi saa fiin bi langbent ki kɔɔ li ni, ki saa bur daan tilontii, kii nyu li daan, ki ko kpaant ki di jeet nba ki bi bur na.

Maika 7:12

Ki i niib tan saa nyi lokir kur po ki jen i boor. Bi tan saa nyi Asiria nba be yondo po, ki nyi Ijipt nba be niidiitu po, ki nyi Yufrates mɔkir yent po, ki bia nyi mɔkgbeŋa nan jɔfɔkit nba be banfɔka na po.

Hagai 2:7

N saa kɔn nyann digbana kur, ki jii bi mɔkint ki baar nann nna, ki jiantu ŋasaakak na saa gbee nan gor.

Matiu 8:11

N beerie, niib bonchiann tan saa nyi yondo po nan yonbaa po, ki ŋamm nan Abraham, nan Aisak, nan Jakɔb n lakin kar ki di jeet, Yennu naan ni;

Jɔɔnn 4:35

“I tuu yaa li tenn ŋmaarii ŋannae nan bin jaan dii. Ŋaan n beerie, gotir kpaant man, jeet na poŋ teen siir nan jaamuwa.

Toona 13:44

Ki foon daleer nba baar, li din biar waaminnae nan doo na ni sɔɔ kur n baar ki gbat Yennu maan.