Aisaya 60:21 - Yennu Gbouŋ Mɔɔr

²¹ A niib kur sii tuun linba ŋan, ki saa yent tiŋ na yaayoo siiyoo. Mine namm ki kaamm a man fiit n yabint ki wann sɔɔ kur.

Aisaya 60:21 ပူးပေါင်းရင်းမြစ်များ

2 Samuel 7:10

N gann binbeboore ki tur n niib Israel teeb, ki kaamm leŋ, ki li sii tee siaminba ki bi kɔɔ, ki sɔɔ kii diimm jikii. Yoo nba ki bi din kɔɔ tiŋ na niŋ na, nibiit din tun lekimme, ŋaan mɔtana, linba na jii kan ban tumi. N sat mɔb nan n saa gɔɔr a datai ŋaan tura yaaboona.

Yaŋ 37:11

Binba sikin bi mɔŋe tan saa yent tiŋ na. Ki li mɔkint nan parmaasir sii tee bi yar.

Yaŋ 37:18

Yennu saa guur binba saak u maan, ki te tiŋ na-ii tee bi yar mɔkmɔk nan mɔkmɔk.

Yaŋ 37:22

Damm nba ki Yennu teen piisin bi paak na, ŋamme saa yent tiŋ na, ŋaan binba ki u sat mɔtont bi paak na, u saa ber nyinniba.

Yaŋ 37:29

Niŋamm nae saa yent tiŋ na, ki kar li ni mɔkmɔk nan mɔkmɔk.

Yaŋ 92:13

Bi tee nan tiinii nba ki bi burib Yennu ŋasaakak ni nae, ki bi kpaatir ki yit Yenjiantu ŋasaakak ni,

Aisaya 19:25

Yabint Yennu saa teen piisin bi paak, ki yet a, “N saa teen piisin yimm n niib Ijipt teeb paak, nan yimm Asiria teeb nba tee n naami na paak, nan yimm Israel teeb nba ki n gann na paak.”

Aisaya 24:16

Ti saa gbat yaŋ, ki bi yiin banfɔkir durinya kur po, ki dont Israel digbann nba ki mɔk biit na. Ŋaan n yeen a, “N ki mɔk dindann. N boontiri na. Mɔlanfik damm tukin ki fukitir, ki bi lorbiit na kpaatir yoo kur.

Aisaya 26:2

Lootir doo na tammɔi ki ŋaan digbann nba ki mɔk biit na n kɔɔ, digbann nba niib tuun linba took.

Aisaya 29:23

Yoo nba ki i la waas nba ki n saa turi na, i saa sak nan mine tee Israel teeb kasii Yennu. I saa baakin ki tinin.

Aisaya 43:21

N nan ŋamme ki bi tee n tiɔŋ niib, ki bi saa yin ki dontin.”

Aisaya 43:7

Bi tee n tiɔŋ niibe, ki n namm a bii baakitin.”

Aisaya 44:23

Sanpaak, ii hoot nan kpinkpammuk. Tingbouŋ, ii hoot. Kunkona nan fɔɔr ni tiik kur n hoot nan kpinkpammuk. Yennu tinn u niib Israel teebe, ki li wann u yiikoo nba tee.

Aisaya 45:11

Yennu nba tee Israel teeb kasii Yomdaanɔ, ki tee wunba ŋmakitir tɔɔnn po binbeŋ na yeen a, “A kaa yaak ki saa boin siar ki jiin n waas po, koo ki wannin linba ki n saa tumii.

Aisaya 45:24

“Bi saa yet a nyannu nan paŋ nyi n kɔɔ boore, ŋaan binba ki loon n maan na saa di fei.

Aisaya 45:25

Min Yennu saa tinn Israel teeb nan bi yaaboona kur, ki bin turin dontir.

Aisaya 45:8

N saa te ki nyannu n nyi sanpaapo ki baa nan saak nae, ki tingbouŋ saa teen siir ki gaarir, ki yent-n-mɔŋ nan barmɔnpaku sii be. Min Yennu-e saa te linba na n tun.”

Aisaya 49:3

U yetin a, “Israel, a tee n toontunnɔe; li saa nyi a nie ki niib n dontin.”

Aisaya 51:2

Ii dukin i yeeja Abraham po, ki bia dukin i yaa Sara po. Maa din yiin Abraham yoo nba na, u din ki mɔk biki, ŋaan ki n teen piisin u paak, ki turɔ waas. Ki n te ki u yaaboona yabit ki kaa kann.

Aisaya 52:1

Jerusalem, a ŋamm kii mɔk paŋ kii paar. Yennu kasii digbann, a lia baakir. Binba ki mi Yennu ki bia ki yeen na ji kan ban kɔɔ a ni.

Aisaya 54:17

Ŋaan jatiɔk kaa ki saa fit paana daŋi, ki a sii mɔk gatu ki tur binba kur piak biira na. N saa kɔn n toontunna paak ki turib nyannu.” Yennu-e pak na.

Aisaya 57:13

I-i taŋi fabin ki loon sommir yoo nba, yin te i tingbana maŋ n tinni. Sajaperinne tan saa jiib ki yaat namm, ŋaan damm nba teenin yada sii mɔk manfoor, tiŋ na ni, ki bia sii jiantirin, n jiantu ŋasaakak ni.”

Aisaya 61:11

Bonboorii nba tuu pia ki kpaat biaŋinba na, nnae ki Yabint Yennu saa tinn u niib, ki digbana kur niib saa pak dontɔ.

Aisaya 61:3

ki tur binba mɔ Sayɔnn na parpeenn nan kpinkpammuk, ki li kii tee parbiir kaa, a bin nyik parbiir, ŋaan kii yiin dontir yanii. Bi sii tee nan tiinii nba ki Yennu tiɔŋ burir nae, ki bi kur sii tuun linba took. Ki Yennu saa la dontir, waa tun linba paak.

Aisaya 61:7

I fei nan yukpiasir kur gbenna. I sii be i tiɔŋ tiŋ ni, ki i mɔkint saa pukin, ki i parpeenn sii be yoo kur.

Aisaya 62:4

Sɔɔ ji kan yiina, “Kaadɔuŋ,” koo ki yiin a tiŋ “Pooluukir.” A sanpaanne sii tee “Yennu par mei u paak.” Ki bi sii yi a tiŋ na, “Jakunŋant,” kimaan Yennu par mei a paak, ki u sii tee nan sɔrɔ na ki tur a tiŋ.

Aisaya 64:8

Ŋaan fin Yennu-e tee ti baa. Ti tee nan yɔk nae, ki a mun tee nan yɔkmaarɔ na. Fine nant,

Aisaya 65:9

N saa teen piisin Israel teeb nba nyii Juda booru ni na paak, ki bi yaaboona saa yent n tiŋ nba tee kunkona na. N nigannkab nba jiantirin nae sii be leŋ.

Jeremaya 24:6

N sii guub ki tan jen namm tiŋ na ni. N saa te ki bin doe; n kan te bin baa kaa. N saa buribe; n kan ŋabirib kaa.

Jeremaya 32:41

Li sii manin nan mii tuun toonŋana kii teemm, ki n saa kaanib fanu, tiŋ na ni.

Esekiel 11:17

“Li paak, yetirib linba ki min Yabint Yennu piak na. N saa taan ki nyinnib digbana nba ki n yatib na ni, ki jii ŋamm Israel teeb tiŋ na ki jiin turib.

Esekiel 34:29

N saa turib tinkpiasir, ki te ki kon n gbenn tiŋ na paak. Ki digbanlia na niib ji kan ban pak ki biiribi.

Esekiel 37:25

Ki bi saa kar tiŋ nba ki n tur n toontunnɔ Jakɔb, ki li tee tiŋ nba ki bi yeejamm din kar na ni. Ki bi saa kar leŋ nan yoo nba kaa paak. Nnae mun ki bi waas nan bi yaaboona kur saa kar. Ki bi kpanbar sii tee nan n toontunnɔ Defid na, ki diab nan yoo nba kaa gbennu.

Esekiel 47:7

Maa baar leŋ yoo nba, ki n la tiinii bonchiann be kpengbiant na kur po.

Amos 9:15

N saa kaan n niib tiŋ nba ki n turib na niŋe, ki sɔɔ ji kan ban fiimmi.” I Yomdaanɔ Yennu-e pak na.

Obadia 1:17

“Ŋaan Sayɔnn kunkonn paak, siab saa tin paak, ki li sii tee kasii boor. Ki Jakɔb ŋaateeb saa yent tiŋ nba tee bi yar nan barmɔnii.

Sefania 3:13

Israel teeb nba biar ki mɔk manfoa na ji kan tun biit ki tur sɔɔ, koo ki faar faak, koo ki kpann sɔɔ. Bi sii mɔkitire, ki be bi yamani, ki kii tiin sɔɔ.”

Matiu 15:13

Ki u jiin a “Tiik nba kur ki n Baa Yennu nba be sanpaapo na ki bur, see ki bi tan ŋabire ki lu.

Matiu 5:5

“Binba sikin bi mɔŋ, parpeenn tee bi yare, kimaan ŋamme tan sii yen tingbouŋ na.

Jɔɔnn 15:2

ki u tuu chɔɔ yiinu nba kur gaa n paak ŋaan ki loon lɔɔna nae. Ŋaan yiinu nba kur ŋarin loon lɔɔna, u tuu gbat gbate, ki lin ŋamm lon lɔɔna bonchiann.

Efesus teeb 1:12

Timm nba dɔŋ mɔk dindann Masia ni na, tii piak Yennu kii dontir u sann man.

Efesus teeb 1:6

Ŋaant ki tin pak Yennu kimaan u ninbatinu nba yab bonchiann biaŋinba, nan waa tint ninbaauk u Bilonkak paak na.

Efesus teeb 2:10

Yiisa Masia nie ki Yennu teent taa tee binba, ki turit toonŋana tumu binbeŋ, a tii tuun linba ki u din poŋ lor a ti tun na.

Efesus teeb 2:7

U din tun linba na a wun wann sɔɔ kura u ninbatinu nba yab biaŋinbae, ki tun burchint turit, Yiisa Masia paak.

2 Tesalonika teeb 1:10

u tan saa tun nnae daar nba ki u saa baar ki gaar dontir nan paku u weira kur nba teenɔ yada na boor. I mun tan sii tee bi yemme, kimaan i poŋ teen barŋanii nba ki ti din beti na yadawa.

2 Piita 3:13

Ŋaan ti guu yoo nba ki sanpaapo paann nan tingbounpaann tan sii be nan Yennu nba din senn mɔsonn nba nae, ki popeenn toona kuukɔɔ sii be leŋ.

Fiitu 21:27

Linba tee jakint, nan wunba tuun fei toonn, nan fai damm, kan kɔɔ doo maŋ ni, see binba sana sɔb Pegann na manfoor gbouŋ na ni kuukɔɔe saa kɔɔ doo maŋ ni.

Fiitu 21:7

Ki wunba nyann nyannu na, u saa gaar linba na n boor, ki n sii tee u Yennu, ki u mun tee n bik.

Fiitu 5:10

A bia te ki bi tee a naan ni niib nba tee mannteeb, a bin tun Yennu toona; ki bi sii yen tingbouŋ na teeb.”