Aisaya 60:18 - Yennu Gbouŋ Mɔɔr

¹⁸ Sɔɔ ji kan gbat jat fuuri, ki biiru ji kan ban bukir a tiŋi. N saa guura ki kɔn a paak nan joonjouk nae, ki a saa dontin, kimaan maa tinna na paak.

Aisaya 60:18 ပူးပေါင်းရင်းမြစ်များ

2 Samuel 7:10

N gann binbeboore ki tur n niib Israel teeb, ki kaamm leŋ, ki li sii tee siaminba ki bi kɔɔ, ki sɔɔ kii diimm jikii. Yoo nba ki bi din kɔɔ tiŋ na niŋ na, nibiit din tun lekimme, ŋaan mɔtana, linba na jii kan ban tumi. N sat mɔb nan n saa gɔɔr a datai ŋaan tura yaaboona.

Yaŋ 147:14

Ŋɔɔe te ki a tiŋ be li yamani, ki jikit jeŋant ki gboonta.

Aisaya 11:9

Siar sii kaa Yennu kasii kunkonn Sayɔnn paak ki tee daŋ, koo biiti. Tiŋ na tan saa gbee nan Yennu bannu, nan mɔkgbeŋir nba gbee nan nyun nae.

Aisaya 2:4

U saa ŋamm barii nba be digbanjaana sinsuuk ni na. Bi saa jii bi takoobii ki kur sɔkit, ki jii bi kpana ki kur gɔtit. Digbana ji kan ban saan tɔbu, bi kan ban teen tɔb siiri.

Aisaya 26:1

Daar baate ki niib maŋ tan saa yin yaŋ na Juda tiŋ ni a: Ti doo mɔk paŋ. Yennu tiɔŋo guu li joona.

Aisaya 26:2

Lootir doo na tammɔi ki ŋaan digbann nba ki mɔk biit na n kɔɔ, digbann nba niib tuun linba took.

Aisaya 51:19

Biak munlee baarawa, tɔb biir a tiŋa, ki a niib tun kon. Sɔɔ kaa ki saa tina ninbaauk.

Aisaya 54:14

Mamɔmm nan binbenŋaŋ saa tura paŋ. A saa nyi biak nan jaŋmaanii ni.

Aisaya 56:5

ŋann bi sii yɔɔ tian a sann, n jiantu ŋasaakak ni, nan n niib boor, ki lin yukir gar faa bo sii mɔk bonjai nan bonpoi. Ki a sann kan ban piini.”

Aisaya 60:11

A tammɔi sii yaae yonnu ni nan nyiɔk, ki lin te digbana kpanbara n baar nan bi mɔkint ki tura.

Aisaya 60:17

“N saa tura salimmɔnae, ŋaan nyik kutmɔnt, ki tura salimpeena nan kutmɔnt, ŋaan nyik kut nan taabii, ki tura kut, ŋaan nyik tana. A diara ji kan mukisani. N saa te ki bin dia-a nan ŋamm nan parmaasire.

Aisaya 61:11

Bonboorii nba tuu pia ki kpaat biaŋinba na, nnae ki Yabint Yennu saa tinn u niib, ki digbana kur niib saa pak dontɔ.

Aisaya 62:10

Jerusalem teeb, nyimin doo na ni man, ki faa sɔnu ki tur i niib nba jent na. Faan sɔnjar ki gbab tana. Ii teen dɔk ki digbana na n bann

Aisaya 62:4

Sɔɔ ji kan yiina, “Kaadɔuŋ,” koo ki yiin a tiŋ “Pooluukir.” A sanpaanne sii tee “Yennu par mei u paak.” Ki bi sii yi a tiŋ na, “Jakunŋant,” kimaan Yennu par mei a paak, ki u sii tee nan sɔrɔ na ki tur a tiŋ.

Aisaya 62:7

Bi daa teenɔ yaak, see ki u tan fiin Jerusalem, ki teenir doo nba ki durinya kur saa pak dont.

Esekiel 42:20

Ki joonbɔka ŋanna na yennkɔɔ kur yarimu tee taakaabii kobii ŋanlee nan piinniin. Ki joona maŋ bɔkit siaminba tee kasii nan siaminba ki tee kasii.

Maika 4:3

U saa bu niib bonchiann buut, ki bia pat tingbouŋ na kur kunkɔna. Ki bi saa faa mab bi jukbanjai ki lin kpant kubɔnii, ki bia mab bi kpana ki lin kpant gɔtit. Ki digbana ji kan ban saan tɔbi, koo ki ji ban dukin nan bi saa faa tɔbi.

Sefania 3:19

Yoo baate, ki n tan saa dat binba dia-i diabiik na tuba. N saa nyinn wɔbii na kur bi wahala ni, ki kpen nan binba tee yommii ki be digbangann na. N saa ŋmant bi fei dinu na ki li ji sii tee jirima, ki durinya niib kur saa pakib.

Sekaria 2:5

Yennu senn mɔsonn nan u mɔŋe sii tee muu joonn, ki lint doo na, ki guurir, kii sii be leŋ nan u yentsaakar.”

Sekaria 2:9

“Yennu mɔŋe saa kɔn nani, ki niib nba tuu tee i daaba na saa nyanni, ki fat i mɔkint ki yaat nann.” Li-i teen nna yoo nba, sɔɔ kur saa bann nan Yabint Yennu-e tumin.

Sekaria 9:8

N saa guur n tiŋ na, ki datai kan gar leŋi. N ji kan sak ki niyoona-ii mukis n niibi. N la n niib nba dii biak biaŋinbawa.”