Aisaya 60:1 - Yennu Gbouŋ Mɔɔr

¹ Jerusalem, fiit kii nyirii nan yonnu na; Yabint Yennu yentchiɔŋ na yentire a paak.

Aisaya 60:1 ပူးပေါင်းရင်းမြစ်များ

Yaŋ 102:16

Yoo nba ki Yennu saa ŋamm maa Sayɔnn na u saa fiit u yabint ki wann.

Yaŋ 87:3

Yennu doo, gbiintir bonŋana nba ki bi piak ki jiint a po na.

Aisaya 2:5

Tɔn, Jakɔb yaaboona, ŋaant ki tii somm yentu nba ki Yennu turit na ni.

Aisaya 24:23

Ŋmaarik nan yonnu saa di fei, kimaan Yabint Yennu-e sii tee kpanbar. U sii kar Jerusalem doo ni, Sayɔnn kunkonn paak, ki dia doo maŋ, ki niib na tɔɔndamm saa la u yentsaakar na.”

Aisaya 28:5

Daar baat, ki Yabint Yennu sii tee nan jirima puuk fokirik na, ki tur u niib nba tinn na.

Aisaya 35:2

Kunkoouk na saa yin yaŋ ki hoot nan parpeenn; li saa faŋ nan Lebanonn kunkona nae, ki bia sii kpai nan Kamel nan Saronn sarwaat na. Sɔɔ kur saa la Yennu fant, ki la u yabint nan u yiikoo.

Aisaya 4:5

Ki Sayɔnn kunkonn paak nan niib nba tikir leŋ na, Yennu saa te sanpagbouŋ-ii baak bi paak yonnu ni, ki tun munyuuk nan muyeruk nyiɔk. Yennu baakir saa dɔkin doo na kur ki guurir.

Aisaya 42:6

“Min Yennu-e yiina ki tura yiikoo maa fan te ki mamɔmm-i be tingbouŋ na paak. Li saa nyi a nie, ki n saa lor mɔlor nan nisaarii; li saa nyi a nie, ki n saa baar nan yentu, digbana kur paak.

Aisaya 58:8

“Ŋanne ki n lomm saa yent i paak nan sanyiɔk ni yondoor na, ki i fiat saa buur yian. N sii be nani yoo kur ki tinni; n benu i boor saa guuri lokir kur po.

Aisaya 62:1

N saa pake ki maan Jerusalem par. N kii ŋmin see ki u tan tinn, ki u nyannu yeen nan nyiɔk muu na.

Aisaya 62:2

Jerusalem, digbana saa la a popeensin, ki bi kpanbara kur saa la a yabint nba tee biaŋinba. Bi saa pura sanpaanne, sann nba ki Yennu tiɔŋ pura na.

Aisaya 66:11

I saa di u mɔkint na mant, nan bik nba tuu tuuk u naa biir ni biaŋinba nae.

Aisaya 9:2

Niib nba tuu somm bunbɔnn ni na ji la yentchiɔŋa. Bi tuu be bunbɔnn tiŋ na nie, ŋaan mɔtana yeeuŋ yent bi paaka.

Esekiel 43:4

Ki yentsaakar na yent ki gar yondo po tammɔb na po, ki saan kɔɔ Jiantu Ŋasaakak na ni.

Malakai 4:2

Ŋaan yimm nba sak n mɔb na ŋarin, n tinnu yiikoo na saa yent i paak nan yondoor yonkpana nae, ki turi laafia, ki yin la fat-n-mɔŋ, ki ji mɔk parpeenn nan baa tuu nyinn naabis naaloor ni ki bi mɔk parpeenn biaŋinba na.

Matiu 4:16

yimm nba be bunbɔnn ni na la yentjaann; binba kar kuun bunbɔnn yent ni na la ki yentu na yentir ki baatib.”

Matiu 5:16

Ii muni be nna; ŋaant ki i yentu n yent tur nisaarii, ki bii laat i toonŋana kii dont i Baa Yennu nba be sanpaapo na.

Barŋanii nba ki LUK din sɔb nae na 2:32

U sii tee yentu ki fiit a sɔnu ki wann binba ki tee Israel teeb na, ki bia baar nan dontir ki tur a niib Israel teeb.”

Jɔɔnn 1:9

Yiisa-e tee barmɔnii yentu nba din baar tingbouŋ na ni, ki yentir niib kur ni.

Jɔɔnn 12:46

N baar tingbouŋ na ni a mii tee yentue ki tur niib, ki daanɔ nba teenin yada, u kan biar bunbɔnn ni.

Jɔɔnn 3:19

Linba paak te ki Yennu bu bi buut ki biirib maŋ tee nnae: Yennu Bija na din baar tingbouŋ na ni a wun yent tingbouŋ na niib numpoe, ŋaan ki nisaarii loon bunbɔnn ki gar yentu, kimaan bi toona nba bi biaŋinba na paak.

Jɔɔnn 8:12

Ŋanne ki Yiisa bia pak nan niib Yenjiantu ŋasaakak ni a, “Mine tee tingbouŋ na niib yentu, ki daanɔ nba waan, ŋɔɔe sii mɔk yentu nba yentir u binbeŋ, ki u kii turin bunbɔnn ni.”

Efesus teeb 5:14

Kimaan linba kur ki bi fiit li gbina, li ji tuu dɔɔ yeenin nie. Li paake ki li din sɔb Yennu gbouŋ ni a: “Fin nba gɔɔnt, fan fiir gɔɔn ni, ki fiir kuun ni, ki Masia saa tura u yentu.”

Efesus teeb 5:8

I ji tee Yennu waase, ki be yentu ni; i ki be bunbɔnn ni kaa, nan yaa din tuu be na; li ŋan ki yii tee yentu na waas,

Filipi teeb 2:15

ki lin te ki i daa mɔk biit, ŋaan kii tee popeenn damm, kii tee Yennu waas nba ki mɔk daŋ, kimaan i be niyoona nan biitdamm sinsuuk nie na. Li kpaa talas ki yii nyirii bi sinsuuk ni, nan ŋmaajara nba nyirii sanpaapo biaŋinba na,

1 Piita 4:14

Bi-i sukii-i Masia sann paak, parpeenn tee i yare, kimaan Yennu Seyeeŋ nba mɔk paŋ bonchiann na be i ni.

Fiitu 21:11

ki nyirii nan Yennu baakchiɔŋ na, ki bia nyirii nan tanbinyinyir nba daauk paar ki bi yir jaspa na, ki yeen nan mianu na.

Fiitu 21:23

Ki doo maŋ ki loon ŋmaarik koo yonnu yentu, kimaan yabint Yennu baakchiɔŋ nae tee li yentu, ki Pegann na mun tee li fitir.

Fiitu 22:5

Nyiɔk ji tan sii kaa, bi tan kii loon fitir koo yonnu yentu, kimaan ti Yomdaanɔ Yennu sii tee bi yentu. Ki bi saa di naan kii be mɔkmɔk nan mɔkmɔk.