Aisaya 59:9 - Yennu Gbouŋ Mɔɔr

⁹ Ki niib na yet a, “Mɔtana, ti bann linba teen ki Yennu ki tinnit ti datai nuu niwa. Ti daan yentue a tii somm leŋ, ŋaan ki li tee bunbɔnn kuukɔɔ;

Aisaya 59:9 ပူးပေါင်းရင်းမြစ်များ

JOB labaar 19:8

Yennu gɔɔr n sɔnuwa, ki n ji kan fit saan; u bɔr n sɔnu ki li be bunbɔnn ni.

JOB labaar 30:26

N daan parpeenn nan yentu poe, ŋaan ki parbiir nan bunbɔnn ji baatin.

Yaŋ 82:5

“Bi ki mi siari, bi bia ki bant siar paaki, ki tee ŋmabir damm, ki barmɔnii paku bot durinya na teeb boor.

Barjokit 4:19

Toonbiit damm na ŋarin sɔnu bɔne nan nyiɔk na. Bi tuu baae, ŋaan ki mi baa jar linba.

Aisaya 5:30

Li daar-i baar, bi saa gaar jat Israel paak nan kunkɔsaakar nan mɔkgbeŋir fuur nae. Gotir tingbouŋ na. Bunbɔnn nan parbiir be li kur po. Bunbɔnn nak yentu nawa.

Aisaya 59:11

Ti be yanputuk nan mukir nie, ki daan a Yennu n nyinnit mukir nan biak ni, ŋaan siar ki tuumi.

Aisaya 59:14

Barmɔnii yaat ti boore, ki linba took kan nakint. Ti yêt mamɔmme, ki bia ki teen niib bi mɔnii.

Aisaya 59:8

Ki yi-i baar sian, sɔɔ kur tuu weribe. Linba ki i tuun kur tee biite. I tɔk sɔnŋmarimae, ki wunba tɔk li sɔnu kur ki be u yamani.

Aisaya 8:21

Niib na saa lin yirib muuk ni, ki sii kaa dindann, ki kon sii mɔkib. Baa sii be kon nan wutoor ni na, bi saa mɔ Yennu nan bi kpanbar mɔtont. Bi saa gokit got sanpaapo,

Aisaya 8:22

koo ki nut bi ninbina tiŋ ni, ŋaan bi kan la siar, see daamii nan bunbɔnn kɔɔ, bunbɔncheenn nan jaŋmaanii nba ki bi kɔɔ na ni.

Jeremaya 13:16

Ii baakit i Yomdaanɔ Yennu yoo nba ki u daa ki baar nan bunbɔnn nba saa te yin gbiat kunkona ni na, ki sɔɔ ki u daa ki kpint yentu nba ki i daan na, ki teenir bunbɔnchiɔŋu.

Jeremaya 14:19

Yennu, a set yêt Juda-e fabi-i? A ki loon Sayɔnn niibe-e? Bee ki a turit daŋ nba yab ki ti kan la laafia? Ti loon parmaasire, ŋaan bonŋansiar ki tuuni, ki ti loon laafia, ŋaan ki woribuk baar.

Jeremaya 8:15

Ti daan parmaasire nan laafia, ŋaan ti ki lari; mukisuko baar.

Fabinii 3:2

U ber sikinin bunbɔncheenn nie,

Fabinii 4:14

Ki doo na tɔɔndamm lin yirib sɔnjot ni, nan bi tee jɔɔniie na, ki mantik gbar sɔn, ki sɔɔ kaa ki saa fit siibi.

Amos 8:9

Min Yabint Yennu-e yet a yoo baate ki n tan saa te yonnu n kpir baa yonsuuk ni, ki bia te lin bɔnn yonsupeeuŋ ni.

Maika 1:12

Marof teeb guu nan ninmɔnne ki loon fatu, kimaan Yennu te ki biiru nakin Jerusalem-a.

Habakuk 1:13

Nlee ki a sii fit be nan kpinkpannii damm nba tee toonbiit damm na? A ninbina na mantik teen kasii nan lii gorii toonbiita, ki a bia kii fit laat niib ki bi tuun toonbiiti. Bee teen ki a ŋmin soon nna, ŋaan ki bi biir niib nba mantik be popeensin binbeŋ ki garib na?

1 Tesalonika teeb 5:3

Yoo nba ki niib tan sii yeen a “Parmaasir nan laafia be” na, li yoo maŋe ki biiru tan saa baarib yiama, nan matyiaru nba tuu baar poo biaŋinba na, ŋaan bi tan kan fit nyi li biiru ni.