Aisaya 59:3 - Yennu Gbouŋ Mɔɔr

³ I mɔk biit nan yaa fa fai ki mɔk kpikpiruk nan nikpinu na.

Aisaya 59:3 ပူးပေါင်းရင်းမြစ်များ

Aisaya 1:15

“Li-i tee ki i donn i nii ki mein, n kan fiint i po, i-i lekii miar biaŋinba, ŋaan n kan gbiint, kimaan i nii gbee nan sɔme.

Aisaya 1:21

Digbann nba tuu tee digbanŋann nae ji tuun toonbiit na. Sianyoo li din gbee nan niŋamme, ŋaan mɔtana nikpiirite ji be leŋ.

Aisaya 28:15

I faa kpinkpant a yimm nan kuun lor ki taan mɔba, ki yimm nan kpeentiŋ soor sooruwa. I mɔk dindann nan biak-i baar, ŋaan li saa lɔkit yimma, kimaan i tinnu dindann maa faak nan kpinkpannii paake.

Aisaya 3:8

Barmɔnii, Jerusalem be biiru ni. Juda tiŋ boontire. Linba kur ki bi piak ki bia tuun na tee biite ki tur Yennu. Bi sukii Yennu tiɔŋo yeenin ni.

Aisaya 30:9

Yoo kur bi mɔk mɔyêtuko, ki mɔk faak, ki bia ki saak bin gbiint Yennu wannu.

Aisaya 44:20

Nirɔ-i di tanpent, li sɔ. U jatdudukit na turimɔ, ki li paak niiwa ki sɔɔ ji kan fit sommɔ. U kan sak nan patir nba ki u dia u nuu ni na ki tee siar nan waama.

Aisaya 59:13

Ti ki sak a mɔbi, ki bia yêtawa, ki bia ki sak tin weia. Ti dint leeb biake, ki bia lek ti nunii siar po ŋaan nyika. Ti dudukit tee biite, ki ti mɔbona tee faak.

Aisaya 6:5

Ki n yet a, “N poŋ ji ki mɔk dindann. N boonta, kimaan maan nba kur nyii n mɔb ni tee biite, ki n be niib nba yaa maan kur tee biit na boor. Ŋaan ki n tiɔŋ ninbinne la kpanbar, wunba tee Yabint Yennu na.”

Aisaya 9:15

Nikpera nan nijaana nae tee yur, ki faak sɔkiniinba na mun tee joor.

Jeremaya 2:30

N dat i tuba, ŋaan li ki ŋamm siari. I ki sak man ŋmakiti. I tee nan yanbɔr waatik nae, ki kpii n sɔkiniinba kur.

Jeremaya 2:34

I tiat mɔnn nan talas damm nan nikaat sɔme, li ki tee fat-teeb sɔn kaa. “Ŋaan linba na kura,

Jeremaya 22:17

Ŋaan fin kpan laat a ninfɔkin lommo. A kpi nikaat, ki dia tonu ki dint a niib biak. Yennu-e pak na.

Jeremaya 7:8

“Gotirii, i teen yada faak mɔmaan nie.

Jeremaya 9:2

N sunman ki n bo mɔk binbeboore muuk ni, ki bo nyi n niib ni. Bi ki tee niŋamm kaa, bi ki waa Yennu,

Jeremaya 9:7

Linba na paak ki Yabint Yennu yet a, “N saa pur n niib nan kut nae ki bikimm. N niib tun biita, n ji saa tun namm lannpoe?

Esekiel 13:8

“Li paak, n yaa n dat sɔkiniinba maŋ tubae, baa dia kpinkpannii mɔmaan ki kpann n niib Israel teeb na paak.

Esekiel 22:2

“Nisaarik, a teen siir nan fan pak biir Jerusalem-aa? Doo maŋ gbee nan nikpiirite, li paak, a tiar niib maŋ bi toonbiit po,

Esekiel 35:6

Li paak, min Yabint Yennu yet nan maa set be na, kuume tee i joontu, ki i kan fit nyi li ni. I mɔk biit nan yaa kpi na, ki bi mun saa kpi-i.

Esekiel 7:23

“Tiŋ na kur be ŋmatir nie. Nikpiirit nan binba be jat ni gbee doo na niwa.

Esekiel 9:9

Ki Yennu jiin a, “Israel teeb nan Juda teeb biir, nan baa tun toonbilankant nawa. Bi tiŋ na gbee nan nikpiirae, ki Jerusalem gbeen nan toonbiit. Bi yeen a min Yennu nyik bi tiŋe ki ki laat baa tuun linba.

Hosea 4:2

Bi sent mɔsona ŋaan biir. Bi fa fai, ki kpi kuun, ki jaan, ki tuun bonchonchonsin. Ki toonbiit ŋammit pukii, ki bi kpi niib yoo kur.

Hosea 7:13

“Bi boonta, kimaan baa nyikin na paak. Biiru saa baarib, kimaan baa yêtin na paak. N bo loon man tinnibe, ŋaan ki bi fa faak ki teenin.

Hosea 7:3

Ki Yennu yet a, “Niib na kpann kpanbar nan u saakabe, nan bi lorbiit na.

Maika 3:4

Yoo baate, ki i tan saa yikin ki tur Yennu, ŋaan ki u kan turi gatu. U tan kan gbiint i miaru, kimaan i tun bonbiira.

Maika 6:12

I mɔkita na fiar nandamm nae, ki i kura tee fai damm.

Maika 7:2

Niŋanɔ ji ki biar tiŋ na paaki, sɔɔ ki be ki waa Yennu. Sɔɔ kur guue a wun la yaak ki kpi kuun. Ki sɔɔ kur pii baruk ki guunt u naa bik.

Matiu 27:4

ŋaan yet a “N tun biita, kimaan n kɔi wunba kaa biita.” Ŋanne ki bi jiin a “Ti baka mun ji be linba na ni-i? Li tee a maame.”

1 Timoti 4:2

Binba want li faak wannu na fa faake, ki bi dudukit ji ki mukisib li paaki.