Aisaya 59:17 - Yennu Gbouŋ Mɔɔr

¹⁷ U saa lia barmɔnii nan gbakinu nae, ki bia yir tinnu nan kut fokirik na. U sii gbee nan lonchiɔŋ nba ki u saa ŋamm bonae, ki dat niib tuba ki kɔn binba di fara na paak.

Aisaya 59:17 ပူးပေါင်းရင်းမြစ်များ

JOB labaar 29:14

Ki n be popeenn binbeŋ kur,

Yaŋ 69:9

Maa loon a ŋaak biaŋinba na, n par di muue, ki sukit nba bo sii tee a yar na, ki li baa n paak.

Yaŋ 94:1

N Yomdaanɔ, fine tee Yennu nba daar niib tuba, fiitir a wutoor ki wann.

Aisaya 11:5

U saa dia u niib nan mamɔmm nan binbenŋaŋ.

Aisaya 26:11

A datai ki mi nan a saa dat bi tuba. Yennu, kɔɔntib fei ki ŋaan bin di biak. Ŋaant bin di biak nba ki a teen li siir na. Wantib faa loon a niib biaŋinba.

Aisaya 37:32

Niib sii be Jerusalem nan Sayɔnn kunkonn paak ki tee binba tinn, kimaan Yabint Yennu-e lor a linba na n tun.

Aisaya 42:13

Yennu tuu nyi ki kɔn, nan u tee kunkɔnkɔnnɔ nae, u teen siire, ki u nunii mɔn tɔb paak. U tuu yikin kɔnn wuyikiniie, ki hoot tɔb hootii, ki tan nyann u datai.

Aisaya 51:9

Yennu, fiit ki sommit. Jiin a yiikoo na ki tinnit, ki tun a yiikoo toonn nan faa din tun yaayoo ni biaŋinba na. Fine din gbat Ijipt nba tuu naan mɔkir ni bonkob-paaruk na burii burii.

Aisaya 63:15

Yennu, faa be sanpaapo ki tee kasii ki mɔk baakir na, a gotit. A baka nba tuu be ti ni bonchiann na be lia? A paŋ na be lia? A lomm nan a ninkpabauŋ na be lia? A daa nyɔrin nyikinti.

Aisaya 63:2

“Bee ki u liant jia mɔn nan jɔɔ nba tuu ŋmaan mit daan tilɔɔna a wun teen daan na?”

Aisaya 63:3

Ki Yennu jiin a, “N ŋmaa digbana na nan daan tilɔɔna nae, ki sɔɔ ki nyii sommin. N ŋmaab nan wutoor, ki bi sɔn nyii tat n liant.

Aisaya 9:7

U naan yiikoo sii kpaatire yoo kur; u naan sii yɔɔ be parmaasir nie, ki u saa gaar kpanbar Defid naan yent ki dia, ki u yiikoo sii gaa linba took nan barmɔnii paak, laa nyi mɔtana nan yoo nba waa mɔkmɔk nan mɔkmɔk. Yabint Yennu-e lor wun tun linba na.

Esekiel 5:13

“I saa la n wutoor nba saa do i paak biaŋinba, nan laa tan saa maŋin. Li-i tee linba na kur tumi, i saa bann nan min Yennu-e bo pak nani, kimaan n wutoor doo i mɔyêtuk na paak bonchiann.

Sekaria 1:14

Ki malaka na betin a n mɔɔnt linba ki Yabint Yennu yet na a, “N mɔk lomm nba sumii ki jiin n kasii doo Jerusalem po, ki n baka be u ni.

Jɔɔnn 2:17

Li yoo na ki u poorpoweiteeb na ji tiar Yennu gbouŋ nba yet biaŋinba na a, “N numm mɔn n Baa jiantu ŋasaakak na paak bonchiann.”

2 Korint teeb 6:7

ki beerib Yennu mɔmaan nba tee barmɔnii na, ki mɔk ŋɔɔ Yennu paŋ; ki bia mɔk yentinu binbeŋ nba tee jatiat nba be ti niidiitu ni, nan ti niigaŋ ni na.

Efesus teeb 6:14

Ii set man, ki jii barmɔnii ki bobin i sai ni, kii mɔk yentinu nba tee nan naagbankɔŋir na,

Efesus teeb 6:17

ki dia i tinnu nba tee nan kut fokirik na, ki bia dia Yennu barii nba tee nan jukbanjiak nba ki u Seyeeŋ tuun nann na.

1 Tesalonika teeb 5:8

Ŋaan timm nba ki tee nyiɔk yab na, tii sub, ki jii yada nan lomm ki lia, ki lii tee nan naagbankɔŋir na, ki bia jii tinnu dindann ki yir, ki lii tee nan kut fokirik na.

2 Tesalonika teeb 1:8

ki dat binba ki sak u barŋanii ki bia ki mi Yennu na tuba;

Hiibru teeb 10:30

Kimaan ti mi nan Yennu-e yet a, “Mine saa pa pann ki jiin biit.” U bia yet a, “Min Yennu-e tan saa bu n niib buut.”

Fiitu 19:11

Li poorpo ki n la ki Yendɔuŋ loot, ki taanpeeŋ see leŋ, ki wunba jakɔ na sana tee Nimɔnɔ nan Barmɔndaanɔ; ki u bu buut nan li barmɔnii, ki bia tookit tɔbii nan barmɔnii.