Aisaya 57:2 - Yennu Gbouŋ Mɔɔr

² Binba tuun ŋant na mɔk parmaasir nan foon, bi kuun poor po.

Aisaya 57:2 ပူးပေါင်းရင်းမြစ်များ

Pinpiik 17:1

Abram nba din mɔk bina piinyia nan ŋanyia yoo nba, ki Yennu baar u boor ki tan yetɔ a, “Mine tee Yabint Yennu. Ii saak n mɔb, ki daa mɔk siara biiti.

2 Barkperii 16:14

Bi din piiu tanpiiuk kaauk nba ki u mɔŋ din lukir, ki li be Defid doo ni nae. Bi din jii bonnunubit nan kpanunubite ki ŋamm u gbanant ki piiu. Bi din joo mutunne, ki li tee u baakir.

JOB labaar 3:17

Kaat niŋewa ki nitont na tuu nyik bi toonbiit, ki jab nba tun bak na tuu tan la foon.

Yaŋ 37:37

Dukint niŋanɔ po, daanɔ nba be kasii binbeŋ; parmaasir daanɔ mɔk yaaboona.

Banntɔɔ 12:7

Ki ti gbanant tan saa ŋmat tanbiinii ni, tingbouŋ na paak, ki seek na saa ŋmat Yennu nba jiir ki turit na boor.

Aisaya 14:18

Tingbouŋ na kpanbara kur dɔɔ bi kajaana ni,

Aisaya 26:7

Yennu, a tuu ŋamm sɔnu nba ki niŋamm tɔkii nae fanu, sɔnu nba ki bi tɔkii naae mur-mur.

Jeremaya 6:16

Ki Yennu yet u niib a, “Setir sɔnpaata ni man kii gorii. Ii boi sɔnkperii po ki la sɔnchinchibir nba be sian. Tɔkint sɔnu maŋ man, ki i saa la parmaasir.” Ŋaan ki bi jiin a, “Aaii, ti kan tɔkini.”

Esekiel 32:25

Elam teeb dɔɔ ki pukin niib nba ki bi kpiib tɔb ni na po, ki bi kunkɔnkɔnna na kaat dɔɔ ki lintib. Bi kur tee binba ki waa Yennu-e, ki bi kpiib tɔbii ni. Bi din tuu be bi manfoa ni, ki jeent bi leebe, ŋaan mɔtana bi ji dɔɔ kpowa nan fei, ki pukin binba ki bi kpiib tɔb ni na po.

Daniel 12:13

“Fin Daniel, ii be fanu ki saa tuu yoo na joontu. Ki a saa kpo, ŋaan a tan saa fiir ki gaar a paauk, yoo na joontu ni.”

Matiu 25:21

Ki u yomdaanɔ na betɔ a ‘N faan, a tee daabiŋanɔe, ki bia tuun fanu; faa dia waaminna fanu biaŋinba na, li paak, n saa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Barŋanii nba ki LUK din sɔb nae na 1:6

Bi banlee maŋ binbeŋ din ŋan Yennu boor, ki bi sak u wannu nan sennu kur nyiknyik;

Barŋanii nba ki LUK din sɔb nae na 16:22

“Li poorpoe ki talasdaanɔ na tan kpo, ki Yennu malakanba jiiu ki saan nanɔ Abraham boor Yendɔuŋ ni. Ki mɔkitɔɔ na mun tan kpo, ki bi piiu;

Barŋanii nba ki LUK din sɔb nae na 2:29

“N Yomdaanɔ, min nba tee a daabir na, ŋaant ki n saan nan parmaasir nan faa poŋ din betin biaŋinba na,

Barŋanii nba ki LUK din sɔb nae na 7:50

Ki Yiisa bet poo na a, “Faa teenin yada na, a la tinnuwa. Li paak, ii saa nan parmaasir.”

2 Korint teeb 5:1

Tɔn, ti mi nan gbanant nba ki ti mɔk mɔtana na-i taŋi kpo, ti mɔk ŋaak nba ki Yennu saa turit sanpaapo, ki li ki tee nisaarik kaa maa ŋaak maŋi, ki li bia tan sii be nan yoo nba kaa gbennu.

2 Korint teeb 5:8

Ti mɔk parcheenn ki sunman tin nyi gbanant na nie ki kun ti Yomdaanɔ boor.

Filipi teeb 1:23

Li bona ŋanlee nae daarin: n mantik bo loon man nyik manfosiar nba nae, ki saan kii sakii be Masia boor, ŋanne bo sii ŋan ki gar.

Fiitu 14:13

Ki n bia gbat kunkɔr nyii Yendɔuŋ ni ki yeen a man sɔb maan na a “Laa nyii mɔtana ki saa, parpeenn be damm nba kpo ti Yomdaanɔ sɔnu ni na paak.” Ki Yennu Seyeeŋ na sak a “Mamɔmm, bi saa la foon bi toongbeŋa paak, kimaan bi toona nyɔɔt nae waab.”