Aisaya 57:18 - Yennu Gbouŋ Mɔɔr

¹⁸ “N la baa tun biaŋinbawa, ŋaan n saa turib laafiawa. N saa gar bi tɔɔnn ki sommib, ki maan binba mɔ na para.

Aisaya 57:18 ပူးပေါင်းရင်းမြစ်များ

Yaŋ 23:2

U te ki n dɔɔ siaminba mɔk jeet, ki ŋmakitirin, ki n saa siaminba nyun be.

Yaŋ 51:12

A ŋamm turin a tinnu kpinkpammuk na, ki te ki mii loon a mɔsaku.

Yaŋ 94:19

Yoo nba ki n gbee nan dudukit ki li daamiin, a tuu chee n pare, ki turin parmaasir.

Banntɔɔ 9:4

Ŋaan wunba kur mɔk manfoor durinya na ni mɔk dindansiar; bɔk nba fo chee yanbɔr kpeenn.

Aisaya 1:18

Yennu ŋamm yet a, “Ŋaant ki tin ŋamm maan maŋ. I toonbiit bɔnniwa, ŋaan n saa wuuri ki yin penn nan ŋmaarik na. I biit nba lek te ki i bɔn bonchiann na, ŋaan n saa wuuri ki yin penn nan pegbonpeeŋ na.

Aisaya 12:1

Yoo baat ki niib saa yin yaŋ a, “N dontira, Yennu. A wutoor bo doo n paake, ŋaan mɔtana a maan n para, ki a wutoor bia ji ki do.

Aisaya 19:22

Yennu saa dat Ijipt teeb tuba, ŋaan li poor po, wun turib laafia. Bi saa ŋmat u boor, ki u saa gbat bi miaru ki turib laafia.

Aisaya 30:18

Ŋaan Yennu lek guue a wun tini ninbaauk. U teen siir a wun tini ninbaauk, kimaan u yɔɔ tuun linba tooke. Parpeenn be daansiab nba teen Yennu yada na paak.

Aisaya 30:26

Ŋmaarik sii yeen nan yonnu nae, ki yonnu yentu saa ŋamm pukin taar munlore, ki li yeeuŋ sii tee nan daa ŋanlore nba saa taan ki yent dayenn kɔɔ ni na. Linba na kur tan saa tun, yoo nba ki Yennu saa lor u niib fiat nba ki u turib na a lin buur nae.

Aisaya 49:10

nyunnyukuru koo kon kan soorib. Yonnu nan tinkorik wɔruk kan teenib siar, kimaan wunba mɔk lomm namme saa gar bi tɔɔnn. U saa saan namm nyuntona boa.

Aisaya 51:12

Ki Yennu yet a, “Mine kɔɔnta paŋ. Bee ki a tiin nisaarik nba saa kpo na, nisaarik nba ki yukii nan mɔɔt nba ki yukii na?

Aisaya 52:12

Yoo nba na, li ki tee i saa nyi kpirik kaa, i kii koor a yin mir boti. I Yomdaanɔ Yennu-e saa gar i tɔɔnn, ki guuri li munn po.

Aisaya 53:5

Ŋaan ti biit paake ki bi paanu daŋ, ki boou ti yanbɔmm paak. Ti la laafia u biak nba ki u dii na paake. Waa gaar tanpakii na paak, ki ti la laafia.

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Aisaya 58:11

Ki n saa gar i tɔɔnn yoo kur, ki gboonti nan bonŋana. N saa turi paŋ nan laafia. I sii tee nan kpaab nba ki nyun be leŋ bonchiann nae, ki tee nan nyuntonn nba ki fɔɔt na.

Jeremaya 13:17

Li-i tee ki i kan gbiint, n saa bɔr buiwa, kimaan i yuwannu paak. N saa bui bonchiann, ki n ninnyuut tan sii puube, kimaan baa yaat nan Yennu niib ki teemm yommii na paak.

Jeremaya 3:22

Jenin man, yimm nba ŋmant i poor ki tur Yennu na; u saa turi laafia ki yii tee niŋamm. Ki i yeen a, “Nn, ti jent Yennu boore, kimaan ŋɔɔe tee ti Yennu.

Jeremaya 30:17

N saa te ki yin la laafia, ki te ki i fiat na n buur, nan i datai na nba lek yeen a, ‘Sayɔnn tee digban-yanne, ki sɔɔ ki fiin u po’ na. Min Yennu-e pak na.”

Jeremaya 31:3

ki n nyii banfɔkira ki baar bi boor. Israel teeb, n yɔɔ loonie, ki tukin wanti n lomm nba kaa gbennu na.

Jeremaya 33:6

Ŋaan n saa teb doo na nan li niiba, ki turib laafia. N saa wannib parmaasir nan binbenŋaŋ.

Sekaria 1:13

Ki Yennu tur malaka na par-kpaŋir mɔbona.

Barŋanii nba ki LUK din sɔb nae na 15:20

Ŋanne ki u ji fiir ki ŋmat kun u baa boor. “Yoo nba ki u daa be banfɔkir ki kpent na, ki u baa lau; ki ninbaauk soorɔ bonchiann, ki u chiar ki baar puur wɔbɔ ki mɔɔt u tankpin.

Rom Teeb 5:20

Sennu na baar a lin ŋamm fiit wann toonbiit nba yab biaŋinbae; ki toonbiit nba yab na, Yennu ninbatinu mun yab ki gar nnawa.

Fiitu 7:17

ki Pegann nba be naangbouŋ tɔɔnn na sii guub, ki saan namm nyunbuur nba teen manfoor na boor, ki Yennu saa fiar bi ninnyuut kur.”