Aisaya 57:13 - Yennu Gbouŋ Mɔɔr

¹³ I-i taŋi fabin ki loon sommir yoo nba, yin te i tingbana maŋ n tinni. Sajaperinne tan saa jiib ki yaat namm, ŋaan damm nba teenin yada sii mɔk manfoor, tiŋ na ni, ki bia sii jiantirin, n jiantu ŋasaakak ni.”

Aisaya 57:13 ပူးပေါင်းရင်းမြစ်များ

2 Kpanbara 3:13

Ki Elaisa yet Israel kpanbar na a, “Bee paake ki n saa sommani? Ii saa ki pak nan yenbis sɔkiniinba nba ki a baa nan a naa din piak namm na.” Ki Joram jiin a, “Aaii, Yennu jii timm kpanbara bantaa na ki teent Moab teeb kpanbar nuu niwa.”

JOB labaar 21:18

Taar munŋaae ki u pebirib nan wonpaaruk nba tuu yat mɔpont, koo nan biaŋinba ki wonpaaruk tuu pebir tanbiinii ki yaat nann na?

Yaŋ 1:4

Ŋaan li ki tee nna kaa biit damm boori. Biit damm ŋarin tee nan fouŋ nae, ki wouŋ tuu da ki piar yaatir.

Yaŋ 118:8

Li ŋan fin teen Yennu yada, ki chee fii maa nisaarik paak.

Yaŋ 125:1

Damm nba teen Yennu yada, li damm tee nan Sayɔnn kunkonn nba kan ban damm, koo ki nyat nae.

Yaŋ 37:11

Binba sikin bi mɔŋe tan saa yent tiŋ na. Ki li mɔkint nan parmaasir sii tee bi yar.

Yaŋ 37:22

Damm nba ki Yennu teen piisin bi paak na, ŋamme saa yent tiŋ na, ŋaan binba ki u sat mɔtont bi paak na, u saa ber nyinniba.

Yaŋ 37:29

Niŋamm nae saa yent tiŋ na, ki kar li ni mɔkmɔk nan mɔkmɔk.

Yaŋ 37:3

Teent Yennu yada kii tuun linba ŋan, ki li saa te ki a be tiŋ na paak nan laafia.

Yaŋ 37:34

Guut Yennu yoo, kii dia u sennu, ki u saa donna ki a yent tiŋ na, ki a tan saa la nɔɔnbiit damm biiru yoo.

Yaŋ 37:9

Yennu saa boon toonbiit damm nawa, ŋaan binba mɔk dindann ki guu Yennu nae tan saa yent tiŋ na.

Yaŋ 58:9

Bi tuu tan bant na, ki sɔɔ ki bi chɔɔb nan mɔɔt nawa; Yennu saa pebirib ki yaat namm nan u wutoor, baa lek be bi manfoor ni gbaa.

Yaŋ 84:12

Yabint Yennu, parpeenn be damm nba teena yada paak.

Barjokit 28:25

Jawuuk baat nan daamiie, ŋaan fi-i teen Yennu yada, ŋanne mɔk nyɔɔt.

Aisaya 11:9

Siar sii kaa Yennu kasii kunkonn Sayɔnn paak ki tee daŋ, koo biiti. Tiŋ na tan saa gbee nan Yennu bannu, nan mɔkgbeŋir nba gbee nan nyun nae.

Aisaya 14:32

Ti saa pak toomii nba nyii Filistia yent ni ki baar ti boor na bee? Ti saa pakib nan Yennu-e senn Sayɔnn, a u niib nba di fara na n la fatu leŋ.

Aisaya 25:4

Talas damm nan tarii chiar ki baar a boor, ki be bi yamani daamii yoo. Fine turib gungurboor sajakper yoo, ki bia turib maasu, wɔruk yoo. Nɔɔnbiit damm tuu lek nan wonpaaruk nae,

Aisaya 40:24

Bi tee nan bont nba tuu pia ki daa ki baa jiina nae. Yennu-i te ki wouŋ da yoo nba, bi tuu koore, ki wei wouŋ nan mɔɔt na.

Aisaya 41:16

I saa faa donnib sanpaapo, ki wouŋ n pebirib ki yaat, ki wonpaaruk saa yatib. Ki i ji sii mɔk parpeenn, kimaan mine tee i Yennu; ki i saa dont min nba tee yimm Israel teeb kasii Yennu na sann.

Aisaya 45:20

Ki Yennu yet a, “Lakint man, yimm digbana teeb, yimm nba nyii digbana biiru ni na, baat buut man. Niib nba somm nan bi pata nba tee daat, ki mei pata nba kan fit tinnib na, niib maŋ ki mi siar nan waama.

Aisaya 49:8

Yennu yet u niib a, “Yoo-i baar nan man tinni, n saa sommi, ki saa gbat i mɔnii nba jiin sommir po na. N saa guuri ki nyinni, ki i paak, n saa lor mɔlor nan nibooru kur. N saa te ki yin ŋamm kar i tiŋ nba dɔɔ yann na ni.

Aisaya 56:7

“N saa baar nani Sayɔnn, n kasii kunkonn na boor, ki turi parpeenn, n miaru ŋaak na ni, ki ji gaar i maruŋ nba ki i mann n binbintir paak na. Bi sii yi n ŋaak na nibooru kur Yenmiaru ŋaake.”

Aisaya 60:21

A niib kur sii tuun linba ŋan, ki saa yent tiŋ na yaayoo siiyoo. Mine namm ki kaamm a man fiit n yabint ki wann sɔɔ kur.

Aisaya 65:11

“Ŋaan li kii tee nna kaa ki tur yimm nba yêtin, ki yêt n kasii kunkonn nba tee Sayɔnn, ŋaan jiantir Gaad nan Meni nba tee yumann nan yubɔnn pata na.

Aisaya 65:25

Kinkata nan pebis saa lakin di jeet, ki yanbɔra saa ŋman mɔɔt nan nei nba ŋman biaŋinba na, ki wai ji sii kaa lɔbii. Ki Sayɔnn nba tee n kasii kunkonn na, siar sii kaa li paak ki tee daŋ, koo bonbiiri.”

Aisaya 65:9

N saa teen piisin Israel teeb nba nyii Juda booru ni na paak, ki bi yaaboona saa yent n tiŋ nba tee kunkona na. N nigannkab nba jiantirin nae sii be leŋ.

Aisaya 66:20

Bi saa nyi nan i tiŋ ni nileeb na kur digbana ki jen namm, ki bi sii tee piinii ki turin. Bi saa jakinib taanii nan bontaanii nan laagumiinba nan taantorit nan jika torite, ki jen namm Jerusalem, n kasii kunkonn paak, ki li sii tee nan Israel teeb nba tuu teen jeet piinii, bona nba yeen na ni, ki baar nann jiantu ŋasaakak ni biaŋinba na.

Jeremaya 2:28

“Yennii nba ki i maa ki tur i mɔŋ na be lia? Li-i tee ki i be daamii ni, yin te bin nyinni, li-i tee ki bi saa fit. Juda teeb, i yennii yab nan yaa mɔk doi biaŋinba nae.

Jeremaya 22:20

Yimm Jerusalem teeb, saant Lebanonn tiŋ ni ki saa hoot. Ii saa Basann tiŋ ni ki saa bui. Ii be Moab kunkonfɔkit paak, ŋaan kii hoot, kimaan bi nyann i jab kura.

Jeremaya 22:22

Wouŋo saa pebir i tɔɔndamm ki yaat namm, ki bin soor i jab ki yaat namm, ki bii tee tɔb dansarkɔɔra. Ki i doo n di fei ki la yukpiasir, kimaan biit nba ki i tun na paak.

Jeremaya 30:14

I yɔɔsnba kur tamm i powa, bi ji ki fiin i po. N leki nan n tee dataak nae. I tubdatu na paar, kimaan i biit na yab bonchiann, i nɔɔntont na paak niiwa.

Esekiel 20:40

Ki tiŋ na ni, n kasii kunkonn nba fɔk na paake, ki yimm Israel teeb kur tan saa jiantin, ki li tan saa maŋin, ki n sii loon yin baar nan i marint nan i piinii nba ŋan, nan i kasii piinii.

Hosea 13:3

Li paak, niib na saa bote nan sanyiɔk ni wunn na, ki bia bot nan sanyiɔk ni marin na. Bi sii tee nan fouŋ nba ki wouŋ tuu pebir jarik ni nae, ki bia tee nan munyuuk nba tuu nyi mɔpin-yerik ni biaŋinba na.

Joel 3:17

“Tɔn, Israel teeb, i ji saa bann nan mine tee i Yomdaanɔ Yennu. N kɔɔ Sayɔnn-e, n kasii kunkonn na paak. Jerusalem sii tee kasii dooe; ki boorganu ji kan ban kɔn ki nyanniri.

Sekaria 7:13

Kimaan baa din ki gbiint yoo nba ki n pak na, n mun din ki jiin gatu yoo nba ki bi miarin.

Barbuura 10:14

Ii saa man ki saa fabin ki tur tingbana nba ki i gann na. Ii ŋaan ki bin sommi, i daamii ni.”