Aisaya 55:4 - Yennu Gbouŋ Mɔɔr

⁴ N teenɔ digbana tɔɔndaanɔe nan ŋmakit-tɔɔ, ki u paake ki n wannib n paŋ.

Aisaya 55:4 ပူးပေါင်းရင်းမြစ်များ

2 Samuel 22:44

Fine fat nyinnin niib nba lekin na nuu ni, ki ŋamm ŋmakitin, ki n dia n niib, ki niib nba ki n ki mib na kpant n jiamm.

Yaŋ 18:43

Ki a fatin ki n nyii mɔyêtdamm nuu ni, ki teenin digbana na diarɔɔ; niib nba ki n tuu ki mib na, ŋamme ji tee n jiamm.

Yaŋ 2:6

U yet a, “N kasii kunkonn Sayɔnn paake ki n dinn n kpanbar.”

Aisaya 16:5

ki Defid yaaboona na yenɔ tan sii tee kpanbar, ki saa dia niib na nan binbenŋaŋ nan lomm. U sii kakii ŋant tumu paak, ki saa te ki barmɔnii piak.)

Aisaya 43:10

“Israel teeb, yimme tee n siara damm; n gann yimme maa yii tee n toontunna, ki fit bannin, ki teenin yada, ki bia bann nan mine tee Yen-yemmir. Yennu ji kaa ki pukin n po; yensau din kaa kawa, ki yensau bia kan ban kii be.

Aisaya 43:12

Mine bunt linba saa tun, ki bia baar a man sommi. Yenganu ki ban tun linba na, yimme tee n siara damm.

Jeremaya 30:9

Ki bi sii jiantir min nba tee bi Yomdaanɔ Yennu na nan Defid yaaboonn nba ki n saa gann ki dinnɔ naan nae.

Esekiel 37:24

Ki bi kpanbar sii tee nan n toontunnɔ Defid na, ki u sii diab, ki bi kur saa taan mɔb, ki be kpanbar yenɔkɔɔ nuu ni, ki sii mɔk mɔsaku nan n sennii fanu.

Esekiel 37:25

Ki bi saa kar tiŋ nba ki n tur n toontunnɔ Jakɔb, ki li tee tiŋ nba ki bi yeejamm din kar na ni. Ki bi saa kar leŋ nan yoo nba kaa paak. Nnae mun ki bi waas nan bi yaaboona kur saa kar. Ki bi kpanbar sii tee nan n toontunnɔ Defid na, ki diab nan yoo nba kaa gbennu.

Daniel 9:25

A diit bann na paak: laa nyii yoo nba ki sennu senn a bin ŋamm maa Jerusalem na, ki saa tuu Yennu niganntɔɔ nba tee tɔɔndaanɔ na baaru, bina ŋanlore taar munlore-e saa gar. Bi saa ŋamm maa Jerusalem nan li sɔnii nan joonpaara, ki gɔɔr doo na. Ki doo na sii be bina piinloob nan ŋanlee taar munlore, ŋaan li sii tee daamii yooe.

Hosea 3:5

Ŋaan yoo baat ki Israel teeb tan saa tunn jen bi Yomdaanɔ Yennu nan kpanbar Defid yaaboonn na boor, ki bi sii jiantir Yennu, ki gaar u piinŋanii.

Matiu 2:6

‘Fin Betlehem nba be Juda yent ni na, a ki tee tinbik kaa Juda yiar ni, kimaan batsɔɔ tan saa nyi a nie, ki ŋɔɔe tan sii yen n niib Israel teeb.’ ”

Jɔɔnn 10:27

N pei saak n mɔb, ki n mib, ki bi waan,

Jɔɔnn 10:3

Wuu taŋi baat a wun kɔɔ, tammɔguurɔ na saa loote, ki wun kɔɔ; ki u yi u mɔŋ pei na sana, ki bi gbia u mɔb, ki u nyintib.

Jɔɔnn 12:26

Daanɔ nba loon wuu tuun n toonn, see ki u waan, ki maa tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan saa donnɔwa.”

Jɔɔnn 13:13

I yi-n Wanntɔɔe, nan i Yomdaanɔ. Li set ŋan nan yaa yi-n biaŋinba na, kimaan n set tee nnae.

Jɔɔnn 18:37

Ki Pailat boiɔ a, “A set tee kpanbare-e?” Ki Yiisa jiin a, “Nn, fine yet a n tee kpanbar. Bi din marin a n wann niib barmɔnii wannue. Li paake ki n baar tingbouŋ na ni; ki sɔɔ kur nba waa barmɔnii wannu maŋ gbia n maan.”

Jɔɔnn 3:16

Kimaan Yennu mantik loon tingbouŋ na bonchiann; li paak, ki u turit u Biyemmir, ki wunba teen u Bija maŋ yada, u tan kan kɔɔ muu ni, ŋaan u sii mɔk manfoor nba kaa gbennue,

Efesus teeb 5:24

Poob mun-ii saak bi sɔrib mɔi bont kura ni, nan Masiaweira nba saakɔ biaŋinba na.

2 Tesalonika teeb 1:8

ki dat binba ki sak u barŋanii ki bia ki mi Yennu na tuba;

1 Timoti 6:13

N kpaanae, Yennu nba teen bont kura manfoor na, nan Yiisa Masia nba din nyinn u mɔŋ siarŋann Ponsius Pailat numm ni na tɔɔnn, a fii dia Yennu sennu fanu, ki li daa mɔk biit mɔkmɔk nan daar nba ki ti Yomdaanɔ Yiisa Masia tan saa dɔkit na.

Hiibru teeb 2:10

Yennu nba nan bonsiar kur ki bia dia li kur na, ŋɔɔe jii u waas bonchiann ki kɔɔmm u naan na ni, ki li took u boor a wun te ki bi tinnu daanɔ Yiisa-ii setiki tee bi Tinntɔɔ nan barmɔnii, u biak dinu paak.

Hiibru teeb 5:9

ki tan gbenn biak dinu maŋ, ki te ki binba kur saak u mɔb na la tinnu nba kaa gbennu.

Fiitu 3:14

Ki wunba ki n lau na bia betin a n sɔb mɔmaan na ki tur u weira nba lakin be Laodisea doo ni na malaka a: “Labaar na nyii wunba sann tee Mɔnii na boore; ki u tee siara daanɔ nba tee barmɔnii daanɔ ki tee siara fanu; ki bia tee linba kur ki Yennu nan na yudaanɔ.