Aisaya 55:3 - Yennu Gbouŋ Mɔɔr

³ “N niib, gbiintir turin man, ki baar n boor. Baat n boor, ki i saa la manfoor. N saa lor mɔlor kangbennuk nani, ki turi piisin nba ki n din senn mɔsonn ki tur Defid na.

Aisaya 55:3 ပူးပေါင်းရင်းမြစ်များ

Pinpiik 17:7

“Ki mɔsonn nba ki n senn ki tur fin nan a yaaboona na, n saa diar mɔkmɔk nan mɔkmɔk. Mine sii tee fin nan a yaaboona Yennu.

Pinpiik 49:10

Juda-e saa dia doo dammir, ki u maaru sii yɔɔ dia tingbouŋ. Ki digbana sii jiantirɔ, ki gbaa u tɔɔnn nan mɔsaku.

2 Samuel 23:5

Nna bannue ki Yennu saa teen piisin n maaru paak, kimaan u lor mɔlor nba kaa gbennu nanima, ki li tee lor nba kan ban biir, ki tee mɔsonn nba kan ban lebit. Maa loon linba kure na, ŋanne sii tee nyannu, ki Yennu set saa te ki lin teen mɔnii.

2 Samuel 7:29

N boia maa a teen piisin n maaru paak, ki lin te bii laat a sommir yoo kur. Yabint Yennu, fine sat mɔb na, ki a piisin sii be n maaru paak mɔkmɔk nan mɔkmɔk.”

2 Barkperii 6:42

N Yomdaanɔ Yennu, a daa yêen kpanbar nba ki a gannɔ na. Tiat lomm nba ki a bo mɔk nan a toontunnɔ Defid na.”

Yaŋ 119:112

N lor man dia a senniie ki saa tuu daar nba ki n saa kpo.

Yaŋ 119:175

Turimin manfoor ki man donta, ŋaant ki a sennii na n sommin.

Yaŋ 78:1

N niib, gbiintir n wannu maŋ, kii tee soon nna ki gbat maa yaa man beti linba.

Yaŋ 89:28

ki n sii tun dia n mɔsonn nanɔ, ki n mɔlor sii yɔɔ be nanɔ nan yoo nba kaa gbennu.

Yaŋ 89:29

N saa ŋamm senn u naan ki lii be mɔkmɔk nan mɔkmɔk, ki u yaaboonne sii tun tee kpanbar.

Nyinu 15:26

U din yetib a, “Li-i tee ki i saa sak n mɔb fanu kii tuun linba ŋan, ki bia dia n sennii na, n kan jii yiarii nba ki n din jii ki dat Ijipt teeb tuba na nan yenna ki dat i tuba. Mine tee Yennu, wunba teeni laafia.”

Barjokit 4:20

N bija, gbatir linba ki n yet na. Gbiintir n mɔmaan.

Barjokit 7:2

Tumin nan maa yet biaŋinba na, ki a sii mɔk manfoor. Ii dia n wannu na fanu nan faa guu a ninbina fanu biaŋinba na.

Aisaya 51:4

“Gbiintir turin man, n niib, gbiintir linba ki n piak. N teen digbana n tumiiu, n sennu na saa turib yentu.

Aisaya 54:10

Jɔɔt nan kunkona-i lekii but but, ŋaan n lomm nba be a ni na kan ban gbenn; n sii yɔɔ dia mɔsonn nba ki n senn nan n saa tura parmaasir nae.” Yennu nba loona nae pak linba na.

Aisaya 54:8

Yoo waaminnae ki n donn wutoor ki nyika, ŋaan n saa wanna n lomm yaayoo siiyoo.” Yennu nba tinta nae pak linba na.

Aisaya 61:8

Ki Yennu yet a, “N loon ŋante, ŋaan n ki loon mukisuk, nan toonbiit. N saa pa n niib nan barmɔnii, ki lor mɔlor kangbennuk namm.

Jeremaya 30:9

Ki bi sii jiantir min nba tee bi Yomdaanɔ Yennu na nan Defid yaaboonn nba ki n saa gann ki dinnɔ naan nae.

Jeremaya 32:40

N saa lor mɔlor namm, ki li mɔlor sii yɔɔ be. N sii yɔɔ tuun ŋamm ki teemm ki saa te ki bi tiinin nan bi yan kur, ki lin te bi daa ŋmantir bi poor ki teenin.

Jeremaya 33:26

Maa tun bona na biaŋinba na, nnae ki n saa dia n mɔlor nan Jakɔb yaaboona nan n toontunnɔ Defid. N saa gann Defid yaaboona na yenɔe ki wuu dia Abraham nan Aisak nan Jakɔb yaaboona. N sii mɔk ninbatinu nan n niib, ki te bin mɔkit.”

Jeremaya 38:20

Ki n yet a, “Bi kan soora ki turibi. N barimae nan fan sak Yennu mɔb, ki a manfoor saa tinn, ki bont kur saa saan fanu ki tura.

Jeremaya 50:5

Bi saa boi Sayɔnn sɔnu po, ki tɔkin li po. Bi saa lor mɔlor kangbennuk nanin, ki kan ban biir mɔlor maŋ.

Esekiel 16:60

Ŋaan min ŋarin tian mɔlor nba ki n lor nana, yoo nba ki a din tee sapaamɔ nawa, li paak, n saa tura mɔsonn nba kan ban biir.

Esekiel 34:24

Min Yennu-e sii tee bi Yomdaanɔ, ki kpanbar nba sii tee nan n toontunnɔ Defid nae sii tee bi tɔɔndaanɔ. Min Yennu-e pak na.

Esekiel 34:25

N sii mɔk mɔlor namm, linba sii guu bi manfoa. N saa boon bonkob-susoot nba be tiŋ na paake, ki lin te n pei n fit kii be bi yamani, tiŋ na ni, kii gɔɔnt fɔɔr ni.

Esekiel 37:26

N saa lor namm mɔlor nba sii guu bi binbeŋ mɔkmɔk nan mɔkmɔk. N sii guub, ki pukimm nipɔtuk, ki te n Jiantu Ŋasaakak na-ii be bi tiŋ ni nan yoo nba kaa gbennu.

Liifai teeb 18:5

Wein man n sennu nan n kaar nba ki n teenii na. Li-i tee ki i sakir, i saa tinn i manfoawa. Mine tee Yennu.”

Amos 5:4

Yennu din yet Israel teeb maŋ a, “Baat man n boor, ki i saa la manfoor.

Amos 5:6

Saant Yennu boor, ki i saa la manfoor. Li-i tee ki i ki saan u boori, u saa sik yimm Israel teeb paak nan muu nae, ki bia di Betel teeb, ki sɔɔ sii kaa ki saa kpeeniri.

Matiu 11:28

“Yimm nba tun toona ki jii jik-kpiata ki bak na, baat n boor man, ki n turi foon.

Matiu 13:16

“Tɔn, yimm ŋarin, parpeenn tee i yare, kimaan i ninbina laat; ki i tuba bia gbia.

Matiu 17:5

Piita mɔb daa ki baa tiŋ kaawa, ki sanpagbounpeeuŋ sik bakin bi paak; ki bi gbat kunkɔsiar nyii sanpagbouŋ na ni, ki yet a “N Bilonkake na, wunba ki n numm gboou, gbiintir u mɔb man.”

Jɔɔnn 10:27

N pei saak n mɔb, ki n mib, ki bi waan,

Jɔɔnn 6:37

Ŋaan wunba kur ki n Baa Yennu jiiu ki turin, u saa baar n boor ki teenin yadawa. N kan mi yêt wunba baar n boori,

Jɔɔnn 7:37

Tɔn, jaamm maŋ gbennu daar din tee dajaanne. Li daar maŋe ki Yiisa fiir set ki pak sanpaapowa a, “Wunba ki nyunnyukuru gbatɔ, wun baar n boor ki tan nyu,

Jɔɔnn 8:47

Wunba nyii Yennu boor, ŋɔɔe gbia Yennu maan; ŋaan yaa ki nyii Yennu boor na, li paake ki i ki gbia Yennu maan maŋi.”

Toona 13:34

Ki bia jenna, Yennu din yet a u saa fiin Yiisa kuun ni, ki u ji daa mi kpenni, ŋaan yetɔ a: ‘Mɔsona nba ki n mɔŋ mɔŋ din senn Defid na, see ki n set tur fin nba tee u yaaboonn na.’

Rom Teeb 10:5

Moses din sɔb a, “Wunba tee popeendaanɔ nan sennu nba wann biaŋinba na, u saa la manfoor li paaka.”

Hiibru teeb 13:20

Yennu nba teent parmaasir nae din fiin ti Yomdaanɔ Yiisa kuun ni. Ŋɔɔ Yiisa-e tee ti guutɔjaann, kimaan u din kpo, ki u sɔn ŋamm Yennu mɔlor nba sii see mɔkmɔk nan mɔkmɔk na;