Aisaya 55:13 - Yennu Gbouŋ Mɔɔr

¹³ Tiŋanii tan saa pia siaminba ki jagotuk be mɔtana na, ki tulaarii tiinii n pia kunkonii sinsetboa. Linba na sii tee nyinn nba sii yɔɔ be-e, ki tee tiaru ki jiin linba ki min Yennu tun na po.”

Aisaya 55:13 ပူးပေါင်းရင်းမြစ်များ

Yaŋ 96:12

Tinii nan linba be leŋ kura, ii mɔk parpeenn man. Fɔɔr ni tiinii kur-ii kpamm man,

Aisaya 19:20

ki li sii tee nyina ki want nan Yabint Yennu be Ijipt. Yoo nba ki niib na di biak ki yiin Yennu ki loon sommir, u saa tun sɔɔ ki wun baar sommib.

Aisaya 32:13

ki kunkonii nan jagotuk ji pia n niib tiŋ ni. Ii mɔ ŋei nba kur ki niib din mɔk parpeenn li paak na, nan doo nba din gbee nan parpeenn na paak,

Aisaya 35:1

Kunkoouk saa kpamm, ki puuk saa yit kunkoouk na paak.

Aisaya 35:2

Kunkoouk na saa yin yaŋ ki hoot nan parpeenn; li saa faŋ nan Lebanonn kunkona nae, ki bia sii kpai nan Kamel nan Saronn sarwaat na. Sɔɔ kur saa la Yennu fant, ki la u yabint nan u yiikoo.

Aisaya 41:19

N saa te kpekii nan kpinkpant nan kpan tiinii nan tulaarii tiinii n pia kunkoouk paak. Tiinii saa pia kunkoouk paak, li foi nan naagbasukirii nan kɔɔnsaant.

Aisaya 43:21

N nan ŋamme ki bi tee n tiɔŋ niib, ki bi saa yin ki dontin.”

Aisaya 5:6

N saa te ki mɔɔte n pia leŋ. N kan ŋamm tiinii maŋ ki bia kan ko li muuku. N saa nyik ki jagotuk nan kunkoniie n pia ki loonir. N poŋ kan te ki saak n baa leŋ.”

Aisaya 54:10

Jɔɔt nan kunkona-i lekii but but, ŋaan n lomm nba be a ni na kan ban gbenn; n sii yɔɔ dia mɔsonn nba ki n senn nan n saa tura parmaasir nae.” Yennu nba loona nae pak linba na.

Aisaya 56:5

ŋann bi sii yɔɔ tian a sann, n jiantu ŋasaakak ni, nan n niib boor, ki lin yukir gar faa bo sii mɔk bonjai nan bonpoi. Ki a sann kan ban piini.”

Aisaya 60:13

“Ki bi saa baar nan daat nba tee foi nan naagbasukirii, nan kɔɔnsaant nba tee Lebanonn fɔɔr ni tiŋanii na, ki tan ŋamm maa fin Jerusalem, ki faŋ n jiantu ŋasaakak na, ki bia faŋ n doo maŋ.

Aisaya 60:17

“N saa tura salimmɔnae, ŋaan nyik kutmɔnt, ki tura salimpeena nan kutmɔnt, ŋaan nyik kut nan taabii, ki tura kut, ŋaan nyik tana. A diara ji kan mukisani. N saa te ki bin dia-a nan ŋamm nan parmaasire.

Aisaya 60:21

A niib kur sii tuun linba ŋan, ki saa yent tiŋ na yaayoo siiyoo. Mine namm ki kaamm a man fiit n yabint ki wann sɔɔ kur.

Aisaya 61:3

ki tur binba mɔ Sayɔnn na parpeenn nan kpinkpammuk, ki li kii tee parbiir kaa, a bin nyik parbiir, ŋaan kii yiin dontir yanii. Bi sii tee nan tiinii nba ki Yennu tiɔŋ burir nae, ki bi kur sii tuun linba took. Ki Yennu saa la dontir, waa tun linba paak.

Aisaya 63:12

Yennu nba din jii u paŋ ki tun toonjaana ki li nyii Moses ni, ki u bɔkit mɔkgbeŋir nyun, ki tɔkin nan u niib li sunsuŋ ni, a wun la sangbeŋir nba sii yɔɔ be na, ji be lia?” Yennu-e din gar bi tɔɔnn, ki bi somm nan taanii na, ŋaan ki ki gbiat.

Aisaya 63:14

Baa tuu jii bonkobit ki saan namm tinkpiasir ni biaŋinba na, nnae ki Yennu tur u niib foon. U gar u niib tɔɔnne, ki u sann la baakir.

Aisaya 7:11

“Boin a Yomdaanɔ Yennu ki wun tura nyinn. Li saa fit nyi kpeentiŋ koo sanpaapo.”

Aisaya 7:19

Bi sii miribe jɔlɔnt ni, nan tanfiat nba be jɔɔt ni, ki bi tan saa piin kunkonii nan bonkobit kpinkpaar boor kur po.

Aisaya 7:24

Niib tan sii dia peenii nan tɔrbana ki gɔrin leŋe. Barmɔnii, tiŋ na kur tan saa gbee nan kunkonii nan jagotuko.

Jeremaya 13:11

Kurtajinn nba tuu jaŋ siak ni ki dia biaŋinba na, n bo loon Juda nan Israel niib kur-ii dian nnae chinchin. N tun nnae, a bii tee n niib ki baar nan baakir nan dontir ki turin, ŋaan ki bi yêt n mɔb.”

Jeremaya 33:9

Jerusalem sii tee kpinkpammuk nan baakir nan yugontir boore ki turin, ki durinya ŋaak na digbann kur yan saa put, bi-i gbat bonŋana nba ki n tun ki tur Jerusalem teeb, nan maa baar nan nyɔɔt nba ki tur doo maŋ na po.”

Jeremaya 50:5

Bi saa boi Sayɔnn sɔnu po, ki tɔkin li po. Bi saa lor mɔlor kangbennuk nanin, ki kan ban biir mɔlor maŋ.

Esekiel 28:24

Yennu yet a, “N kan te ki digbanlia nba kook lint Israel teeb, ki ŋmuutib nan kunkonii koo peenii na, n ji mukisibi, ki Israel teeb na saa bann nan mine tee Yabint Yennu.”

Maika 7:4

Ki binba tuu mantik tee niburchimm nan niŋamm bi ni na biir gar mɔmuŋa. Daar baara, ki Yennu saa dat niib tuba, nan waa pak ki tur guuteeb nba tee u sɔkiniinba ki bi wannib biaŋinba na. Mɔtana ki bi ji be ŋmatir ni.

Sekaria 1:8

Ki n la sɔɔ jak tammɔŋ. U din see bonnunubit tiinii nie, baauk ni, ki taanlei see u poor po, ki yemm tee taanmɔnii, ki leeb tee taanmɔnkpiara, ki leeb na tee taanpeenii, ki taamm kur mɔk li yur po jakirɔ.

Barŋanii nba ki LUK din sɔb nae na 2:14

“Dont Yennu sann sanpaapo man; parmaasir-ii be u nigannkab paak, tingbouŋ na ni.”

Jɔɔnn 15:8

Li-i tee ki i loon lɔɔna bonchiann, ŋanne saa wann nan i set tee n poorpoweiteeb nan barmɔnii, ki n Baa Yennu saa la dontir.

Rom Teeb 6:19

(Yimm nisaarii nba ki fit bant Yennu maan yian na paake ki n yaa n pak nisaarik yan ki wanni u labaar.) Yaa din jii i mɔŋ ki tuun toonbiit ki li nɔb na, mɔtana, jiin man i mɔŋ kii tuun yentinu toona kii tee popeendamm.

2 Korint teeb 5:17

Li paak, nirɔ nba be Masia ni, li yɔɔ ji tee nipaamɔɔe; u binbenkperik kur ji gara; gotir man, binbenpaaŋ ji baar li yɔɔ niwa.

1 Piita 4:11

Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nae; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu n la paku bonsiar kur ni, Yiisa Masia paak; ŋɔɔ Yennu-e yen paku nan paŋ kur mɔkmɔk nan mɔkmɔk. Mamɔmm.