Aisaya 55:11 - Yennu Gbouŋ Mɔɔr

¹¹ Nnae mun ki mɔmaan nba ki n saa pak na sii tee, ki linba ki n lor maa lin tun na kan gbar tumu. Ki li saa tun linba kur ki n tumir a lin tun.

Aisaya 55:11 ပူးပေါင်းရင်းမြစ်များ

Aisaya 40:8

Barmɔnii, mɔɔt tuu jɔɔke ki puuk n koor, ŋaan Yennu maan ŋarin yɔɔ be-e.”

Aisaya 45:23

N mɔsonn tee barmɔniie, ki kan lebiti. N senn mɔsonne ki turib nan n kpan tee maa tee wunbae, a nisaarik kur saa baar ki gbaan n boor ki por senn nan u sii waan.

Aisaya 46:10

Pinpiik ni, n din yet linba tan saa tumewa, ki wann linba tan saa teen, ki yet nan n lora kan ban gbar tumu; n saa tun linba kur ki n dukin nan man tuma.

Aisaya 53:10

Ki Yennu yet a, “Li din tee n loomme nan wun di biak. U kuun din tee maruŋo a lin baar nan nyikinchab biit paak; ki linba na paak ki u saa la yaaboona. U manfoor saa yukir, ki u niŋe ki n mɔlor saa gbee.

Aisaya 54:9

“Nowa yooewa ki n din senn mɔsonn nan n ji kan biir tingbouŋ na nan nyumi. Mɔtana n senn mɔsonn nan n ji kan ban donn wutoor a paak, n kan ban ŋmakita nan biak, koo ki dat a tubiri.

Aisaya 59:21

N lor mɔlore nani, ki turi n Seek nan n wannu, ki li sii tee i yar yoo kur; laa nyii mɔtana ki saa, li tee yin sak n mɔbe, ki bia tumii i waas nan i yaaboona ki bin sak n mɔb yoo kur.”

Jeremaya 1:11

Ki Yennu boin a, “Jeremaya, a la bia?” Ki n jiin a, “N la tiik nba ki bi yi liabtiik na yiinue.”

Jeremaya 1:12

Ki Yennu jiin a, “A mɔk mɔnii, n guue maa n la nan n maan na teen mɔnii.”

Jeremaya 1:13

Ŋanne ki Yennu ŋamm pak nanin a, “A la bia ki pukini?” Ki n jiin a, “N la bobir be gaŋ po, ki daan, ki yaa lin mɔɔn nna na.”

Jeremaya 23:20

Wouŋ maŋ kan nyik danu nan yoo nba ki u tan saa gbenn linba kur ki u lor wun tun na. Yoo baat, ki u niib tan saa bann linba na paak fanu.”

Jeremaya 25:13

N saa dat Babilonn teeb tuba nan biak nba ki n jeen digbana nan n saa jii dat bi tuba na. Biak maŋ poe ki n din pak tur Jeremaya. Ŋanne tee biak nba kur sɔb gbouŋ na ni.

Esekiel 24:14

Li yoo set saa baara. Ki li-i tee ki li tan baari, n kan tin Jerusalem teeb na ninbaauk, koo ki lebit n dudukiti. See ki bi la tubdatu, kimaan toonbiit nba ki bi tun na paak. Min Yabint Yennu-e pak na.

Amos 6:11

Yoo nba ki Yennu tan saa tur mɔb na, ŋajaana nan li ŋabis kur tan saa yeere burii burii.

Sekaria 1:6

Ŋaan linba kur ki n din pak ki turib, ki li nyii n sɔkiniinba boor na, din teemm nan maa din yet a li saa tun biaŋinba nawa. Li paak, bi ji din lebit bi binbeŋe, ki yet a linba ki Yabint Yennu teemm na, li tee nan bi sɔnii nan bi toona nba tee biaŋinba nae, li jaŋibe. U tun nan waa daan yaa u saa tun nae.”

Nikant 23:19

Yennu ki tee nan nirɔ na kaa, ki saa faar faaki, koo ki tee nan nisaarik bik na, ki saa lebit u dudukiti. Linba kur ki u senn mɔsonn, u tuu tume. U yeen, ki li tuun.

Matiu 24:35

Sanpaak nan tiŋ tan saa gara, ŋaan n maan ŋarin kan mi gari.

Jɔɔnn 6:63

Yennu Seyeeŋe teen niib manfoor; ŋaan gbanant na tee yanne. Mɔmaan nba ki n pak turi nae baat nan Yennu Seyeeŋ nba teen niib manfoor maŋ.

Rom Teeb 10:17

Li paak, nirɔ-i gbat barŋanii na, ŋanne saa te ki wun teen Masia yada; ki niib-i mɔɔntir Masia barŋanii na, li mun saa te ki wun gbat.

1 Korint teeb 1:18

Binba bot Yennu sɔnu ni na jii Masia kuun dapunpunn paak labaar na ki li tee yanne, ŋaan timm nba tinn na mi nan li tee Yennu paŋe.

Sennu 32:2

N wannu sii toot nan saak nba tuu toot nae, ki saa baa tiŋ na paak nan marin na. N mɔmaan saa baa nan nyun nba ki bi tuu maant bonbuburit nae, ki sii tee nan samimmiiuk nba tuu baa mɔɔt paak na.

1 Tesalonika teeb 2:13

Linba yaa paak bia te ki ti piak Yennu yoo kura na tee nnae: Taa din baar nan Yennu maan i boor na, i din gbat ki gaarir; i din ki gaarir nan nisaarik yar na kaa, ŋaan gaarir ki li tee Yennu yar. Ki li set tee ŋanne, kimaan yimm nba teenɔ yada na, maan maŋ tuun i para ni.

Hiibru teeb 6:7

Tɔn, tiŋ nba ki saak baa li paak ki li maakit ki tee jeet teen binba ŋammitir na, Yennu-e teen piisin tiŋ maŋ paak;

Jeems 1:18

U mɔŋ loommo ki u teent u waas, u maan nba tee barmɔnii na paak, a tii chee u bonninnant kura.

1 Piita 1:23

I la manfopaanna. Li manfoor ki nyii bonboorik nba kpenn ni kaa, ŋaan li nyii bonboorik nba ki kpenn na nie. Yennu maan nba mɔk manfoor ki sii be mɔkmɔk nan mɔkmɔk nae turi manfoor maŋ.

1 Samuel 3:19

Ki Yennu be nan Samuel ki u kpaatir, ki te linba kur Samuel yet, tan gbee.