Aisaya 55:1 - Yennu Gbouŋ Mɔɔr

¹ Ki Yennu yet a, “Wunba kur nyunnyukuru mɔkɔ, wun baar, nyun be nna. Yimm nba kur kaa likirii, ii baar man ki daa jeet ki di. Baat man ki daa tilɔɔna daan nan naabiin. I kan pa siar li paak.

Aisaya 55:1 ပူးပေါင်းရင်းမြစ်များ

Yaŋ 143:6

N dont n nii sanpaapo ki meia, ki loona nan tinkooŋ nba loon nyun biaŋinba na.

Yaŋ 63:1

Yennu, fine tee n Yennu. N loon fine. Nan tinkooŋ nan tinsaatik nba tuu loon nyun na, nnae ki n gbanant nan n seek kur kpenn a paak.

Barjokit 8:4

“N barimie. N yi sɔɔ kur nba be tiŋ na paak.

Barjokit 9:1

Yanfoon maa u ŋaak ki teen toota ŋanlore.

Barjokit 9:5

“Baat man ki tan di n jeet na, ki bia nyu tilɔɔna daan nba ki n poŋ ŋmata na.

Yankpaŋii 1:2

Mɔɔtir n tankpinn, kimaan a lomm man ki gar daama.

Yankpaŋii 1:4

Jiin min, ki tin chiar yaat; ki a sii tee n kpanbar, ki jii kɔɔ nanin a diiuk ni, ki ti saa taan ki mɔk parpeenn, ki nyu gboo ki lon leeb. Li ki tee birisuk kaa nan sapaamm kur loona.

Yankpaŋii 5:1

N pooloŋir, n pooyookir, n kɔɔ n kpaab niwa. N pɔ n baarii nan bonnunubit nba tee mir nae; n di siat nan sagbente; n nyu tilɔɔna daame nan naabiin. N yɔɔsnba, ii di kii biaki nyu man nan yaa tan saa gboo.

Aisaya 1:19

Li-i tee ki i saa sak n mɔb, i saa di jeet nba saa pia tiŋ na paak.

Aisaya 44:3

N saa tur tiŋ nba ki nyunkon be na nyun, ki te kpenii puub tinkooŋ ni. N saa mɔɔn n Seek i waas paak, ki bia mɔɔn n piisin i yaaboona paak.

Aisaya 52:3

Ki Yabint Yennu yet u niib a, “Yaa din teen daaba, bi din ki pa likirii i paaki; li paak, siar kan pa kaawa ki bin ŋaai.

Fabinii 5:4

See ki ti pa nyun nba ki ti nyu na paak; see ki ti daa daat nba ki ti sii jokit muu.

Esekiel 47:1

Ki jɔɔ na jiin ki ŋmat nanin Yenjiantu Ŋasaakak na tammɔb boor. Ki nyun nyi tammɔb na ni, ki puub saa yondo po, Jiantu Ŋasaakak nba tor siaminba po na. Ki nyun na gɔnt ki siik ŋasaakak na diitu, ki gaar siik maruŋ binbintir na niidiitu po.

Esekiel 47:9

Ki kpenu na-i taŋi pubir saan siaminba kur, bonkob-booru kur nan janbooru kur sii be leŋ. Ki kpenu na saa te ki Mɔk-kpeenn na nyun ŋan. Ki li-i biaki pubir saan siaminba kur, li saa tur manfoor.

Hosea 14:4

Yennu yet a, “N saa te ki n niib n jen n boor. N sii loomm nan n par kur, ki n ji kan ban donn wutoor bi paaki.

Joel 3:18

Ki daa maŋ ni, kunkona saa gbee nan daan tiiniie, ki bonkobit sii be kunkonn kur paak, ki nyun sii be Juda kpenii kur ni bonchiann. Ki kpenu saa pubir nyi Yennu ŋasaakak boor, ki li nyun saa maan Kpekii Baauk na.

Sekaria 10:7

Israel teeb na sii mɔk paŋ nan kunkɔnkɔnna nae, ki mɔk parpeenn nan jab nba tuu nyu daan na. Bi yaaboona tan saa tiar nyannu nba na po, ki mɔk parpeenn, kimaan linba ki Yennu tun na paak.

Sekaria 2:6

Yennu yet u niib na a, “Mine yati lokir kur po, ŋaan mɔtana, yimm nba be Babilonn yommisin ni na, bɔrin nyi ki ŋmat Jerusalem man.

Sekaria 9:15

Yabint Yennu sii guu u niib, ki bi saa boont bi datai. Bi sii yikin nan dayibira nae tɔb ni, ki saa kpi bi datai, ki bi sɔn n pubir nan baa tuu kpaar maruŋ sɔn binbintir paak biaŋinba na.

Matiu 10:8

ki te ki baatib-ii laat laafia, kii fiint kpeemm, ki bia te ki gbaata-ii laat laafia, kii bia kii nyint narinbiit niib ni. I gaar yanne, ii muni teen man yann.

Matiu 13:44

“Yennu naan tee nan mɔkint nba din bɔr tiŋ ni sɔɔ kpaab ni nae; ki jasɔɔ tan baar ki la ki ŋamm gbiir tant piinir, ŋaan saan nan parpeenn ki saa kɔi waa mɔk linba kura, ki jen tan daa kpaab maŋ.

Matiu 26:29

N beerie, n ji kan mi nyu tilɔɔna nyun na, see daar nba ki min nan yimm tan saa lakin nyu li bonpaann, n Baa Yennu naan ni.”

Matiu 5:6

“Binba ninbina mɔn ki bi para lakib nan Yennu toona, parpeenn tee bi yare, kimaan Yennu saa gboomm bi para nba lakib linba paaka.

Toona 8:20

Ŋaan ki Piita betɔ a, “A saa kpo yiake nan a likirii maŋ, kimaan a mi a a saa jii likiriie ki gaar Yennu piinii.

Rom Teeb 3:24

Yennu ninbatinu paake ki u yet a bi tee niŋamm u tɔɔnn; li tee piiniie, kimaan Yiisa Masia pa bi paak ki nyinnib daabisin niwa.

1 Korint teeb 3:2

N mɔɔnti biime, li ki tee jekpakira kaa, kimaan i ki jaŋ nanni. Mɔtana gbaa i bia lek daa ki jaŋ nanni,

1 Piita 2:2

I poŋ la nan ti Yomdaanɔ ŋane, li paak, ii loon Yennu mɔmaan man nan sanpantik nba loon biin biaŋinba na; kimaan maan maŋe saa te ki yin kpaat tinnu sɔnu ni.

Fiitu 21:6

Ki u bia yetin a “Li poŋ tuma. N tee Alfa nan Omega-e; li paak tee piinu nan joontu. Binba ki nyunnyukuru mɔkib na, n saa pib manfoor nyun nba bunii ki nyi nyuntona ni na, ki bin nyu.

Fiitu 22:1

Li yoo ki malaka na wannin mɔkir nba mɔk manfoor nyun na, ki li nyi Yennu nan Pegann na naangbouŋ na ni, ki yeen nan mianu na,

Fiitu 22:17

Tɔn, ki Yennu Seyeeŋ nan Pegann na pooyookir na yet a “Baat.” Ki wunba gbatir n mun yet a “Baat.” Ki wunba kur ki nyunnyukuru soorɔ, wun baar; ki wunba loon nyun maŋ, wun gaar yann.

Fiitu 3:18

Li paak, n kpaaniie a ii daa salima nba tee salimmɔna n boor ki set la mɔkint, ki bia daa tapeenii ki dɔkin i fei na, ki bia daa kpan ki baŋ i ninbina kii laat.

RUF labaar 4:1

Boas din saan doo na tammɔb nie, baa kaar siaminba ki piak maan ki bia so sooru na, ki saa kar. Ki Elimelek nikpiimɔ nba ki Boas pak u po na tan baar gaar. Ki u yiinɔ a, “N yɔɔk, baat ki tan kar nna.” Ki u baar kar.