Aisaya 54:9 - Yennu Gbouŋ Mɔɔr

⁹ “Nowa yooewa ki n din senn mɔsonn nan n ji kan biir tingbouŋ na nan nyumi. Mɔtana n senn mɔsonn nan n ji kan ban donn wutoor a paak, n kan ban ŋmakita nan biak, koo ki dat a tubiri.

Aisaya 54:9 ပူးပေါင်းရင်းမြစ်များ

Pinpiik 8:21

Maruŋ na nubiru din nubir kɔɔ Yennu, ki maŋɔ, ki u yet u mɔŋ a, “N lek mi nan laa nyii nisaarik bisin niwa, u dudukit tee biite, ŋaan n ji kan ban mɔ tingbouŋ na mɔtont, u biit paaki. N ji kan ban biir bonfoor kur nba be, nan maa tun mɔtana na.

JOB labaar 11:16

ki a tan saa tamm a daamii powa, ki li saa gar nan nyunmɔnn nba tuu gar, ki bin tamm li po na.

Yaŋ 104:9

Ki a kɔr kɔru nba ki li kan ban yakir, a lin guurir, ki li ji daa piint tingbouŋ na.

Aisaya 12:1

Yoo baat ki niib saa yin yaŋ a, “N dontira, Yennu. A wutoor bo doo n paake, ŋaan mɔtana a maan n para, ki a wutoor bia ji ki do.

Aisaya 49:18

Gotir lint ki la linba tuun na. A niib na lakinte ki kpent. Barmɔnii nan maa tee Yennu nba fo na, a sii mɔk parbifaant a niib paak, nan pooyookir nba tuu mɔk parbifaant u salinbana paak nae.

Aisaya 51:22

i Yomdaanɔ Yennu kɔn i paak ki yeen a, “N jikit nyubitik nba ki n bo be wutoor ni ki n turi nae, ki yaatir nann. I ji kan ban nyu daan nba te ki i tukintir na.

Aisaya 51:6

Gotir sanpaak, ki got tingbouŋ. Sanpaak saa bot nan munyuut nae; ki tingbouŋ n kpet nan kparchant na, ki li niib kur saa kpo nan kpajuut nba kpenn biaŋinba na. Ŋaan maa baat nan tinnu nba na sii yɔɔ be-e. N nyannu nae sii tee linba see.

Aisaya 51:8

Bi tan saa mir bote nan tintɔɔk nba tuu tɔɔ tiɔk biaŋinba na. Ŋaan tinnu nba ki n baat nann na sii yɔɔ be-e, ki n nyannu na be yoo kur.”

Aisaya 55:11

Nnae mun ki mɔmaan nba ki n saa pak na sii tee, ki linba ki n lor maa lin tun na kan gbar tumu. Ki li saa tun linba kur ki n tumir a lin tun.

Aisaya 62:8

Yennu senn mɔsonjaanne, ki saa jii u yiikoo ki gbeen u mɔsonn maŋ a: “I dii ji kii tee i datai jeeti, ki nigamm ji kan nyu i tilɔɔna daan.

Jeremaya 31:37

Li-i tee ki bi saa fit bikin sanpaak, ki ŋmaa tingbouŋ na, li yooe ki Yennu mun saa yêt u niib Israel teeb, kimaan linba ki bi tun na paak. Yennu-e pak na.

Esekiel 16:42

Ŋann kɔɔe saa te ki n wutoor saa maak. Ki n bia kii mɔk funfunn jikii.

Esekiel 39:20

Bi saa ŋman taanii, nan taanjakira, nan li kunkɔnkɔnna, nan jab nba kɔn kɔna na, baa saa fit biaŋinba, jeet dindiboor. Min Yabint Yennu-e pak na.”

Esekiel 39:29

N saa sikin n Seek, Israel teeb paak, ki kan ban nyikibi. Min Yabint Yennu-e pak na.”