Aisaya 54:6 - Yennu Gbouŋ Mɔɔr

⁶ Israel, a tee nan poopaaŋ nba ki u sɔrɔ tuu yaat ŋaan nyikɔ, ki u yamin yêt nae, ŋaan Yennu yia a fan jen u boor, ki yeen a:

Aisaya 54:6 ပူးပေါင်းရင်းမြစ်များ

Barjokit 5:18

Li paak, ii mɔk parpeenn nan parmaasir nan a ŋaapoo nba ki a kɔɔnɔ na.

Banntɔɔ 9:9

Faa loon a ŋaapoo na, ii mɔk parpeenn nanɔ yoo nba ki a daa be manfoor nba ni ki Yennu tura ki li tee binben-yana durinya na ni. Daar nba ki mɔk nyɔɔt kur, a maan a par li ni, kimaan parpeenn maŋe tee a paatii tingbouŋ na ni.

Aisaya 62:4

Sɔɔ ji kan yiina, “Kaadɔuŋ,” koo ki yiin a tiŋ “Pooluukir.” A sanpaanne sii tee “Yennu par mei u paak.” Ki bi sii yi a tiŋ na, “Jakunŋant,” kimaan Yennu par mei a paak, ki u sii tee nan sɔrɔ na ki tur a tiŋ.

Jeremaya 30:17

N saa te ki yin la laafia, ki te ki i fiat na n buur, nan i datai na nba lek yeen a, ‘Sayɔnn tee digban-yanne, ki sɔɔ ki fiin u po’ na. Min Yennu-e pak na.”

Hosea 2:19

Israel digbann, n saa teena n poo, ki sii tee barmɔndaanɔ nan burchimɔ. N saa wanna n lomm nba yɔɔ be nana, ki sii mɔk ninbatinu; ki a sii tee n yɔɔ nan yoo nba kaa paak.

Malakai 2:14

I boi a bee ki Yennu ji ki gaan i piinii maŋi. Li paak tee, u mi nan i sɔɔ ji ki dia mɔlor nba ki u daan lor nan u ŋaapoo, yoo nba ki u kɔɔnɔ ki daa tee naasimɔ na. Poo maŋe tuu tee a sommitɔɔ, ŋaan ki a tan yêt ki ki dia mɔlor na, nan faa daan lor Yennu tɔɔnn nan a saa dia a ŋaapoo maŋ fanu, ki kan nyi u poor biaŋinba na.

Matiu 11:28

“Yimm nba tun toona ki jii jik-kpiata ki bak na, baat n boor man, ki n turi foon.

2 Korint teeb 7:6

ŋaan Yennu nba maant binba mɔk parbiir para na daan te ki Taitus baar ti boor, ki tan maan ti parawa. U baaru ti boore daan te ki ti para maak.