Aisaya 54:11 - Yennu Gbouŋ Mɔɔr

¹¹ Ki Yennu yet a, “Jerusalem, fin doo nba di biak ki kaa sommtɔɔ, ki sɔɔ kaa ki saa maan a par na, n saa ŋamm maa a fiakir nan tanbinyinyira nba ki li daauk paare.

Aisaya 54:11 ပူးပေါင်းရင်းမြစ်များ

1 Kpanbara 5:17

Kpanbar Solomonn din tur mɔb, ki bi kpeer tangbeŋa nba ŋan, ki li tee Yenjiantu ŋasaakak na fiakir yar.

1 Kpanbara 6:30

Nan sakii paaka din tee salimae.

1 Barkperii 29:2

N yabir bonchiann ki lon tiat nba saa maa Yennu ŋasaakak nawa, li salimmɔna, nan salimpeena, nan kutmɔnt, nan kutlaana, nan taabii, nan tanbinyinyira nba daauk paar, nan tanjabirkara, nan tanpeena, nan tanbooru kur, ki li yab bonchiann.

2 Barkperii 3:6

Kpanbar na din ŋamm Yenjiantu ŋasaakak na, ki li ŋan bonchiann nan burchintana, nan salima nba ki u nyii nann Parfaim tiŋ ni.

JOB labaar 28:16

Ki salima nba ŋan nan tanbinyinyira nba daauk paar, ŋaan li nyɔɔt kan fit yekin nan yanfoomi.

Yaŋ 34:19

Niŋanɔ mɔk daamii bonchiann, ŋaan Yennu-e nyintɔ daamii maŋ kur ni.

Nyinu 2:23

Li din dii nan bina ŋanŋaa naewa, ki Ijipt kpanbar kpo, ŋaan Israel teeb na din daa be bi daabisin ni, ki mɔ fabin loon sommir, ki bi mɔŋ na doo Yennu boor,

Nyinu 24:10

ki saa la Israel teeb Yennu na. U taa nba din see linba paak na din naan linba ki bi jii tanbinyinyira nba ki li daauk paar na ki sere, ki li nyirii nan mianu na, ki tee bonbɔnwuwur nan sanpagbouŋ na.

Nyinu 3:2

Ki Yennu malaka dɔkit u paak leŋ, ki tee nan muu na ki nyi tibik paak. Moses din la nan muu be tibik na paak, ŋaan ki tibik na bia ki di boontiri.

Nyinu 3:7

Ŋanne ki Yennu yet a, “N la Ijipt teeb nba dint n niib biak biaŋinba, Ijipt tiŋ niwa. N gbat ki bi mɔ ki loon sommir a bin nyi bi yomdamm nii ni. N mi bi fara kur dinu po.

Yankpaŋii 5:14

U nii na fan, ki u pir banii nba ki bi tabin tanbinyinyira li paak na. Ki u gbanant na tee nan loobnyana nba ŋarii biaŋinba na, ki nyirii nan tanbinyinyira na.

Aisaya 14:32

Ti saa pak toomii nba nyii Filistia yent ni ki baar ti boor na bee? Ti saa pakib nan Yennu-e senn Sayɔnn, a u niib nba di fara na n la fatu leŋ.

Aisaya 28:16

Li paak, Yabint Yennu nba piak linbae na a: “N fɔkint fiakir nba wakii ki mɔk paŋe Sayɔnn ni. Li lɔtik nie ki n sent tann nba mɔk paŋ, ki mɔbona na sɔb li paak a, ‘Yada nba paar mun bia mɔk sukurue.’

Aisaya 44:28

Ki n pak kpanbar Sairus a, ‘Fine saa dia n niib ki turin; ki a saa tun linba ki n loon. A saa tur mɔb ki bin ŋamm maa Jerusalem ki bir jiantu ŋasaakak na fiakir.’ ”

Aisaya 49:14

Ŋaan ki Jerusalem teeb yet a, “Yennu nyɔr nyikita. U tamm ti powa.”

Aisaya 51:21

Yimm Jerusalem teeb nba di wahala na, yimm nba tukintir nan i yib na,

Aisaya 51:23

N saa jiir ki tur binba dinti biak nae, binba te ki i dɔɔ sɔnjot ni, ki bi ŋmaat i paak nan i tee tante na.”

Aisaya 54:12

N saa jii tana nba mɔn, ki li daauk paar na, ki maa a ditɔɔtii, ki jii tana nba nyirii nan muu na, ki maa a tammɔi, ki jii tanbinyinyirlia nba ki li daauk paar na ki maa joonjouk nba saa linta.

Aisaya 54:6

Israel, a tee nan poopaaŋ nba ki u sɔrɔ tuu yaat ŋaan nyikɔ, ki u yamin yêt nae, ŋaan Yennu yia a fan jen u boor, ki yeen a:

Aisaya 60:15

“Bi ji kan yêta ki bia namani, a ji kan biar dɔɔ yanni. N saa teena digbanjaann, ki bia faŋa. Ki a sii tee siaminba ki kpinkpammuk yɔɔ be.

Jeremaya 30:17

N saa te ki yin la laafia, ki te ki i fiat na n buur, nan i datai na nba lek yeen a, ‘Sayɔnn tee digban-yanne, ki sɔɔ ki fiin u po’ na. Min Yennu-e pak na.”

Fabinii 1:21

“Gbiintir n kukura, sɔɔ ki be ki saa maan n pari. N datai na kpamme, kimaan faa te biiru baarin na paak. A tun linba ki a sat mɔb na, ki te n datai na n di biak nan maa dii biaŋinba na.

Esekiel 1:26

Linba naan sanpagbouŋ na paapo, ki siar be ki tee nan naankok na, ki bi ŋammir nan tanbinyinyira nba daauk paar, ki bi yir safir na, ki siar kar kok na paak ki naan nirɔ.

Esekiel 10:1

Ki n got la mɔpin-yerik nba be bona nba mɔk kpinkpant ŋanna na yur paak, ki siar be li paak ki tee nan naankok nba ki bi ŋammir nan tanbinyinyir nba ki li daauk paar, ki bi yir safir na.

Maika 7:11

Jerusalem teeb, yoo baate ki i tan saa ŋamm maa doo na joona. Yoo maŋ ni, i yent tan saa yarike.

Matiu 8:24

Ki wonpaaruk fikit ki da mɔkgbeŋir maŋ paak, ki nyunpana pir kɔɔ burgbetir na ni ki tan yaa lin gbee; ŋaan ki Yiisa dɔɔ gɔɔnt.

Jɔɔnn 16:33

N beti biak na baaru po a yin tan fit la parmaasire, kimaan yaa gaa n paak na. I tan saa di biak tingbouŋ na ni. Ŋaan yii mɔk parcheenn man, kimaan n nyann tingbouŋ nawa.”

Toona 14:22

ki ŋammit want Yiisaweira u maan, ki cheen bi para doi maŋ ni, ki beerib a, “Ii kpaŋii dia i yada maŋ nna man,” ki wantib a, “Nan tin tan kɔɔ Yennu naan ni na, see ki ti dii biak bonchiann.”

Efesus teeb 2:20

Fiakir yennkɔɔ nba ki sɔkiniinba nan toomiinba din fɔkin na paake ki bi mun tɔɔn, ki Yiisa Masia mɔŋ tee li tanjaann.

Sennu 31:17

Li-i tee ki li tun nna, n wutoor saa do bi paake, ki n nyikib ki bin boont. Bonbilankant booru booru saa baarib. Ki bi ji saa bann nan bonbibooru na kur baat bi paak kimaan min Yennu ji ki be nammi.