Aisaya 54:1 - Yennu Gbouŋ Mɔɔr

¹ Jerusalem, a tee nan poo nba ki mar nae, ŋaan mɔtana a saa fit yin yaŋ kii hoot nan kpinkpammuk. Mɔtana a sii mɔk waas bonchiann ki gar poo nba ki u sɔrɔ ki ban nyikɔ.

Aisaya 54:1 ပူးပေါင်းရင်းမြစ်များ

Pinpiik 21:6

“Yennu turin parpeenn nan laata. Wunba kur gbat li po saa taanin tin lawa,”

Yaŋ 113:9

U te ki pookanmatir mar waase, ki be u ŋaak ni ki mɔk parpeenn. Pakin Yennu man.

Yankpaŋii 8:8

Ti waarɔ be, ki tee sapaanbik, ki u biaa daa waar. Ti saa teenɔ nlee, li-i tee ki naasinbik baat ki daakɔ?

Aisaya 12:6

Ŋaant ki wunba be Sayɔnn kur-ii hoot kii yiin, kimaan ŋamm Israel teeb kasii Yennu mɔk yiikoo, ki be u niib boor.”

Aisaya 24:14

Binba tinn tan saa yin yaŋ nan parpeenn. Binba be yonbaa po na tan saa pak Yennu yabint nba tee,

Aisaya 44:23

Sanpaak, ii hoot nan kpinkpammuk. Tingbouŋ, ii hoot. Kunkona nan fɔɔr ni tiik kur n hoot nan kpinkpammuk. Yennu tinn u niib Israel teebe, ki li wann u yiikoo nba tee.

Aisaya 49:13

Sanpaak, ii yiin yaŋ. Tingbouŋ, ii hoot kii kpamm, ŋaant kunkona-ii yiin yanii. Yennu saa maan u niib para, u sii mɔk ninbatinu nan u niib nba di biak na.

Aisaya 49:19

“A tingbouŋ din boonte ki teen yann. Ŋaan mɔtana li saa waab nan binba jent na karuwa. Ki binba teen a doi langbent na saa nyi ki fɔkit nana.

Aisaya 49:20

A niib nba ki bi din marib yommisin ni digbangann ni na tan saa yet dasiar a, ‘Tiŋ na mantik waaba. Ti loon yiar nba yabe ki tin kar.’

Aisaya 62:4

Sɔɔ ji kan yiina, “Kaadɔuŋ,” koo ki yiin a tiŋ “Pooluukir.” A sanpaanne sii tee “Yennu par mei u paak.” Ki bi sii yi a tiŋ na, “Jakunŋant,” kimaan Yennu par mei a paak, ki u sii tee nan sɔrɔ na ki tur a tiŋ.

Aisaya 66:7

“N kasii doo tee nan poo nba tuu kpir mar bik, ŋaan ki ki mɔ matyiaru nae.

Sefania 3:14

Israel niib, ii yiin yanii man, kii yikin nan kpinkpammuk. Jerusalem teeb, ii mɔk kpinkpammuk man nan i para kura.

Sekaria 9:9

Sayɔnn teeb, ii mɔk kpinkpammuk man. Jerusalem teeb, ii yikin man nan parmaasir. Gotir man, i kpanbar nae baat i boor na. U tee yiikoo daanɔe ki mɔk nyannu, ŋaan u tee wunba sikint u mɔŋe, ki jak boŋ nba set tee bonpaaŋ.

Galasia teeb 4:27

kimaan li sɔb Yennu gbouŋ ni a: “Yimm pookanmata, ii mɔk parpeenn! Yimm nba ki mi matyiaru tonu na, ii yiin parpeenn yanii man! Kimaan poo nba be u kuukɔɔ tan sii mɔk waas bonchiann ki gar poo nba sɔrɔ daa ki mi gɔrin ki nyikɔ.”

1 Samuel 2:5

Niib nba bo laat ki di gboot na, ŋamme ji lin ki mei jeet, ki binba kon bo mɔkib na, ki bi di gboot. Ki poo nba bo tee kanmatir na mar waas banlore, ŋaan ki wunba bo mɔk waas bonchiann na biar yann.