Aisaya 53:3 - Yennu Gbouŋ Mɔɔr

³ Ti din yisimɔe ki yêtɔ, ki u gubin gaar biak nan tont, sɔɔ din ki loon wun gotɔ. Ki ti yêtɔ, ki li naan nan u ki tee siar na.

Aisaya 53:3 ပူးပေါင်းရင်းမြစ်များ

Yaŋ 69:29

N be nan gbanantont nan ninbaatire; Yennu, ŋaant ki a tinnu na-ii guun.

Yaŋ 88:4

N ji tee nan nileeb nba tuu yaa bin kpo nae, ki n paŋ kur gbenn.

Aisaya 49:7

Israel teeb kasii Yennu nba tee bi tinntɔɔ na, yeen wunba ki digbana yisimɔ bonchiann, ki bia namɔ, ŋaan ki u tee doo diara toontunnɔ na a, “Kpanbara saa la ki bi ŋaa-a, ki bi saa fiir ki tura jirima, ki tɔɔndamm mun bia saa lar, ki gbaan jianta.” Linba na saa tun, kimaan Yennu gann u toontunnɔwa, Israel teeb kasii Yennu na dia u mɔsona.

Aisaya 50:6

N jii n bɔɔnne ki chab binba boon na. N ki gɔɔrib, yoo nba ki bi sukiin, ki ŋabii n tiaŋ, ki sat mɔsant n numm po na.

Aisaya 52:14

Niib bonchiann nba din lau, bi gbanant din jeke; bi din biir u gbanant bonchiann ki u ji ki naan nirɔ.

Aisaya 53:10

Ki Yennu yet a, “Li din tee n loomme nan wun di biak. U kuun din tee maruŋo a lin baar nan nyikinchab biit paak; ki linba na paak ki u saa la yaaboona. U manfoor saa yukir, ki u niŋe ki n mɔlor saa gbee.

Aisaya 53:4

“Ŋaan u din gubin gaar biak nba bo sii tee ti yare, nan tont nba ki ti bo saa di. Li kura na, ŋaan ki ti bia dukii nan u biak na tee tubdatue ki nyii Yennu boor.

Maika 5:1

Jerusalem teeb, taant i kunkɔnkɔnna, kimaan bi yaa bin faai tɔbe. Bi yaa bin lek Israel tɔɔndaanɔe.

Sekaria 11:8

Ki n tan bak nan pekpaarii bantaa nba ki loon n maan na, ki ber bi kur ŋmaayeŋ ni,

Matiu 26:67

Li yoo na, ki bi ji siin mɔsant u paak, ki boou, ki siab pebitɔ tanpakii,

Matiu 27:63

“Chanbaa, ti tian nan faak daanɔ maŋ nba daan be na, u daan yet a li-i tee ki u tan kpo, a ŋaan daa ŋantaa daar u bia saa fiir kuun niwa.

Barŋanii nba ki MAK din sɔb nae na 10:33

a “Nnara, ti do Jerusalem-e, siaminba ki bi saa jii min nisaarik Bik ki kɔɔn mannteeb yudamm nan sennu wannteeb nii ni ki bin bu n buut a bin kpin, ki jiin tur binba ki tee Juu teeb na;

Barŋanii nba ki MAK din sɔb nae na 10:34

ki bi saa sarikin, ki siin mɔsant n paak, ki boon kpaasir, ki bia tan kpin, ŋaan li daa ŋantaa daar ki n saa fiir kuun ni.”

Barŋanii nba ki MAK din sɔb nae na 14:34

ki u yetib a “Parbibooru nba soorin na per lin kpima. Biat nna man kii nyɔi.”

Barŋanii nba ki MAK din sɔb nae na 15:19

ŋaan jii lanbann ki faa u yur paak, ki siin mɔsant u paak, ki gbaa bi duna paak u tɔɔnn.

Barŋanii nba ki MAK din sɔb nae na 9:12

Ki Yiisa betib a “Elaija set baate sinsinn a wun tan ŋamm bonsiar kur fanu. Ŋaan li bia sɔb nlee Yennu gbouŋ ni? Li sɔb a see min nisaarik Bik lek tan dii biak, ki niib bia tan saa sianin.

Barŋanii nba ki LUK din sɔb nae na 16:14

Yoo nba ki Farisiinba gbat linba na, ki bi ji daan Yiisa nyatuk, kimaan bi din tee liklonnae.

Barŋanii nba ki LUK din sɔb nae na 19:41

Waa din per Jerusalem na, ki u gotir ki mɔ doo na teeb paak,

Barŋanii nba ki LUK din sɔb nae na 9:22

ki bia yetib a “Li kpaa talas nan min nisaarik Bik n di biak bonchiann; ki ti tiŋ ni saakab nan Yennu mannteeb yudamm nan sennu wannteeb saa yêtin, ki bia kpima, ŋaan li daa ŋantaa daar, Yennu saa fiinin kuun ni.”

Jɔɔnn 11:35

Ki Yiisa bui.

Jɔɔnn 8:48

Ŋanne ki Juu teeb na yet Yiisa a, “Taa yet a, ‘Fin Samaria nirɔ na, narinbiiuk be a ni’ na, li ki tee nna kaa-a?”

Sennu 32:15

“Yennu niib kpaatir nan mɔkint, ŋaan mɔk mɔyêtuk; ki gbeŋit ki nɔr nan jeet, ki nyik Yennu, bi naamii daanɔ, ki yêt bi yabint tinntɔɔ.

Hiibru teeb 4:15

Ti manntɔyudaanɔ maŋ ki tee wunba kan fit tint ninbaauk ti butuŋ paak kaa, ŋaan u mɔŋ din la bikinu sɔnii booru kur ni, nan taa mun laat biaŋinba na, ŋaan u lek din ki tun biiti.

Hiibru teeb 5:7

Tɔn, Yiisa nba din be tingbouŋ na ni yoo nba na, u din mei Yennu ki barimɔ, ki bui nan ninnyuut, Yennu nba saa fit fatɔ kuun ni na boor. Waa din baakit Yennu na paak, ki Yennu gbat u miaru.