Aisaya 52:7 - Yennu Gbouŋ Mɔɔr

⁷ Li fan bonchiann nan ki a la toomii ki u nyii kunkona paak, ki baat nan labamann, ki li tee parmaasir barŋanii. U mɔɔntir nyannue ki piak Sayɔnn a, “A Yennu-e tee kpanbar.”

Aisaya 52:7 ပူးပေါင်းရင်းမြစ်များ

Yaŋ 59:13

A boontib nan a wutoor, ki boontib fas fas, ki sɔɔ kur n bann tingbouŋ na kur po nan fin Yennu-e dia Israel teeb, ki a paŋ bia yat be tingbouŋ na kur po.

Yaŋ 68:11

Yennu tur u sennu, ki poob bonchiann mɔɔnt maan maŋ a,

Yaŋ 93:1

Yennu-e tee kpanbar, u gbee nan yabinte nan paŋ, u senn tingbouŋ na fanue, ki li kan ban nyat.

Yaŋ 96:10

Pakin ki tur digbana kur a, “Yennu-e tee kpanbar. Tingbouŋ na see-e kenken ki kan ban nyat; u saa jii mamɔmme ki bu niib buut.”

Yaŋ 97:1

Yennu-e tee kpanbar. Tingbouŋ, ii mɔk parpeenn. Yimm tinii nba foo mɔkgbeŋa ni na, ii kpamm man.

Yaŋ 98:2

Yennu-e mɔɔnt waa nyann biaŋinba, ŋɔɔe fiit u tinnu yiikoo na ki wann niib.

Yaŋ 98:3

U dia u mɔsonn nba ki u din senn ki tur Israel teeb na, nan u mamɔmm nan u lonchiɔŋ nba ki u turib. Nisaarii nba be siar kur po la Yennu nyannu nawa.

Yaŋ 99:1

Yennu-e tee kpanbar; ŋaant nisaarii gbanant n jek. U kar bonninnant paak, ŋaant tingbouŋ na n damm.

Yankpaŋii 2:8

N gbat n yɔɔk kunkɔr. U baat ki tiin jɔɔt ni, ki tiin kunkona paak, ki baat n boor.

Aisaya 24:23

Ŋmaarik nan yonnu saa di fei, kimaan Yabint Yennu-e sii tee kpanbar. U sii kar Jerusalem doo ni, Sayɔnn kunkonn paak, ki dia doo maŋ, ki niib na tɔɔndamm saa la u yentsaakar na.”

Aisaya 33:22

Ŋarint maŋ bona kur tee yanne; li chinchena na kan fit tanti. Ti saa fat jab nba tee ti datai na mɔkint kure, ki li sii yab bonchiann, ki dianii gbaa saa gaar tora. Yennu tiɔŋo sii tee ti kpanbar; ŋɔɔe sii diat, ki guut.

Aisaya 40:9

Jerusalem teeb, ii do jɔfoouk paak ki saa mɔɔnt barŋanii na. Sayɔnn teeb, yiint nan kunkɔsaakar, ki mɔɔnt barŋanii na. Pakin, ki daa tiin jaŋmaanii. Betir Juda doi na, a bi Yennu baat.

Aisaya 41:27

Min Yennu-e tee sinsinn daanɔ nba yet Sayɔnn teeb maan maŋ. N tun toomii Jerusalem maa wun pak a, ‘A niib kpent. Bi kpent bi doo ni.’

Aisaya 42:11

Kunkoouk nan li doi n dont Yennu, ŋaant ki Kedar teeb n dontɔ. Ŋaant binba be Sela doo ni na-ii hoot nan parpeenn kunkona yura paak.

Maika 4:7

Bi tee wabiie ki fɔk nan bi doo, ŋaan n saa ŋamm binbenpaaŋe ki tur binba biar na, ki bi sii tee digbanjaann. Ki n sii diab yoo maŋ Sayɔnn kunkonn paak, nan yoo nba kaa gbennu.”

Nahum 1:15

Gotirii, toomiie nyii kunkona paak ki baat nan labamann na. U paa sɔnue, a wun mɔɔnt nyannu na po. Juda teeb, ii di jaamm kii kpamm man, ki tur Yennu linba ki i senn nan i saa turɔ na. Ki nibiit na ji kan ban lek i tiŋi. N biirib ki gbenna.

Nahum 2:1

Ninefe teeb, bi saa lekiwa. Yiikoo nba yaa lin buti na baara. Ii teen siir ki kɔn i mɔŋ paak, kii guu sɔnjouk na, ki teen siir nan tɔb.

Sekaria 9:9

Sayɔnn teeb, ii mɔk kpinkpammuk man. Jerusalem teeb, ii yikin man nan parmaasir. Gotir man, i kpanbar nae baat i boor na. U tee yiikoo daanɔe ki mɔk nyannu, ŋaan u tee wunba sikint u mɔŋe, ki jak boŋ nba set tee bonpaaŋ.

Matiu 25:34

Ki min Bat saa yet binba see n niidiitu po na a ‘Yimm nba ki n Baa Yennu teen piisin i paak na, ii saana man ki tan kɔɔ naan nba ki Yennu ŋamm ki guuni durinya piinu niwa na,

Matiu 28:18

Ŋanne ki u chat nakimm, ŋaan yet a “Yennu turin sanpaak nan tiŋ yent kurawa.

Barŋanii nba ki MAK din sɔb nae na 13:10

Bi tan saa mɔɔnt barŋanii na tur nibooru kurewa, ki yoo maŋ n baar.

Barŋanii nba ki MAK din sɔb nae na 16:15

Ki u bia yetib a “Ii saa kii mɔɔntir barŋanii na ki tur sɔɔ kur, tingbouŋ na kur po.

Barŋanii nba ki LUK din sɔb nae na 2:10

Ŋaan ki malaka na betib a, “Daa tiin jaŋmaanii man, kimaan n baar nan barŋaniie maa n wanni, linba saa tur niib kur parpeenn.

Barŋanii nba ki LUK din sɔb nae na 24:47

a bin saan ki mɔɔnt u sann ni, a niibi-i nyik bi biit, Yennu saa nyik chabib; a bin piin mɔɔnt barii maŋ ki tur Jerusalem teeb, ki bia mɔɔnt tur nibooru kur.”

Efesus teeb 6:15

ki teen siir kii mɔɔntir barŋanii nba teen niib parmaasir ki tee nan taasaat na.

Fiitu 11:15

Li yoo ki malaka nba pukin banlore na pebir u naatunn, ki kunkɔsaakara yeen Yendɔuŋ ni a “Tingbouŋ na naan kur kpant ti Yomdaanɔ Yennu nan u Niganntɔɔ Masia yara, ki u saa diab mɔkmɔk nan mɔkmɔk.”

Fiitu 14:6

Ki n bia la malakasɔɔ, ki u yuuk sanpaapo ki dia barŋanii nba be mɔkmɔk nan mɔkmɔk, ki mɔɔntir ki teen tingbouŋ na teeb: nibooru kur, nan maaru kur, nan mabooru kur, nan yent kur niib nba be tingbouŋ na ni;