Aisaya 52:3 - Yennu Gbouŋ Mɔɔr

³ Ki Yabint Yennu yet u niib a, “Yaa din teen daaba, bi din ki pa likirii i paaki; li paak, siar kan pa kaawa ki bin ŋaai.

Aisaya 52:3 ပူးပေါင်းရင်းမြစ်များ

Yaŋ 44:12

Ki a kɔi a niib daabauŋ, ki li tee nan bi nyɔɔt ki yab na.

Yaŋ 44:13

Ki boorganu la faa teent biaŋinba, ki bi ji sarikitit ki bia laat.

Aisaya 1:27

Yennu nba tee kasii na paak, u saa tinn Jerusalem, nan wunba kur be leŋ ki nyik toonbiit tumu.

Aisaya 45:13

Mine fiin Sairus maa wun tun gbeen n loomm, ki lin ŋmant bona. N saa sont sɔnu nba kur ki u tɔkii, u saa ŋamm maa n digbann Jerusalem, ki nyinn n niib nba be dansarii ni na, ki ŋaab. Sɔɔ ki jiiu, koo ki kɔɔu nan likirii, a wun tun linba na.” Yabint daanɔ Yennu-e pak na.

Aisaya 50:1

Ki Yennu yet a, “I dukii a n ber nyinn n niib nan jɔɔ nba tuu yêt u poo ki ber nyinnɔ nae? Ki li-i tee nnaie, yêtu gbant be lia. I dukii nan n kɔie, ki bi soori nan jɔɔ nba tuu kɔi u waas ki bin teenib daaba na-a? Aaii. Bi din teeni yommii, kimaan i toonbiit paake. Bi din yaat nani, kimaan i marinbiit paak.

Aisaya 62:12

I sann sii tee “Yennu kasii niib,” nan “Niib nba ki Yennu tinnib.” Jerusalem sann sii tee “Doo nba ki Yennu loon,” nan “Doo nba ki Yennu ki yêtir.”

Aisaya 63:4

N dukin nan yoo baar nan man tinn n niiba, li bo tee yoo nba ki n saa dat bi datai tubae.

Jeremaya 15:13

Ki Yennu pakin a, “N saa tun datai ki bin jii n niib gor nan bi mɔkint, ki lin dat bi tuba, kimaan bi biit nba ki bi tun tiŋ na kur po na paak.

Esekiel 16:31

ki maa jiantboa sɔnii kur ni, ki mann pata, ki bia tuun bonchonchonn toona leŋ, ŋaan a ki tuun gaan likirii kaa, nan poochonchonleeb nba tee na.

Esekiel 34:27

Ki li tiinii saa lon lɔɔna, ki kpaant saa nan jeet, ki sɔɔ kur sii be u yamani, u tiɔŋ tiŋ ni. Li-i tee ki n cheer jaruk nba boob n niib, ki ŋaab yanni, ki te ki bi nyii damm nba teemm yommii na nuu ni, bi ji saa bann nan mine tee Yennu.

Liifai teeb 25:54

Li-i lekii tee ki u ki la u mɔŋ ŋmakita na ni, ŋaan bi saa ŋaa ŋɔɔ nan u waas nyikinchab binn nba baat na.

1 Piita 1:18

I mi nan Yennu nba nyinni binbenbiik nba ki i din gaar i baanba boor na, u ki jii bont nba saa biir nan likirii nba saa biir biaŋinba na kaa ki pa,