Aisaya 52:12 - Yennu Gbouŋ Mɔɔr

¹² Yoo nba na, li ki tee i saa nyi kpirik kaa, i kii koor a yin mir boti. I Yomdaanɔ Yennu-e saa gar i tɔɔnn, ki guuri li munn po.

Aisaya 52:12 ပူးပေါင်းရင်းမြစ်များ

1 Barkperii 14:15

Fi-i taŋi gbat fuur tiinii na niŋ, ki li naan niibe somm li ni yoo nba, fan ji lek, kimaan n sii be a tɔɔnn, ki te fan nyann Filistia kunkɔnkɔnna na.”

Nyinu 12:11

Li tee yin dir yian yiame, kimaan i saa teen sommir siirewa, ki i taasaat be i taa ni, ki i patii be i nii ni. Li tee yukitgar jaamme ki teen min Yennu baakir.

Nyinu 12:33

Ki Ijipt teeb na korin Israel teeb na a bin teen yian yian ki nyi, ki yeen a, “I-i kii nyii, ti kur saa kpowa.”

Nyinu 12:39

Bi din jii boroboro yonmaatuk nba ki datiŋ kaa leŋ, ki bi nyii nann Ijipt nae ki pur, kimaan Ijipt teeb na din nyinnib berike, ki bi din ki mɔk yaak nba saa teen bi jeet siir, koo ki teen boroboro nba mɔk datiŋi.

Nyinu 14:8

Yennu din teen kpanbar na tubkangbatir, ki u wei ber Israel teeb nba nyii nan parcheenn na.

Aisaya 26:7

Yennu, a tuu ŋamm sɔnu nba ki niŋamm tɔkii nae fanu, sɔnu nba ki bi tɔkii naae mur-mur.

Aisaya 28:16

Li paak, Yabint Yennu nba piak linbae na a: “N fɔkint fiakir nba wakii ki mɔk paŋe Sayɔnn ni. Li lɔtik nie ki n sent tann nba mɔk paŋ, ki mɔbona na sɔb li paak a, ‘Yada nba paar mun bia mɔk sukurue.’

Aisaya 42:16

“N saa tɔkin nan n jɔɔnii na, sɔnu nba ki bi ki ban tɔkine. N saa kpint bi bunbɔnn na ki teenir yentu, ki naa digbangbetima na ki turib. N mɔsonae na, ki n saa dia mɔsona maŋa.

Aisaya 45:2

“N mɔŋe saa ŋamm sɔnu ki tura, ki naa jɔɔt nan kunkona. N saa yeer bi kutgana na, ki biir bi kutlaana na.

Aisaya 49:10

nyunnyukuru koo kon kan soorib. Yonnu nan tinkorik wɔruk kan teenib siar, kimaan wunba mɔk lomm namme saa gar bi tɔɔnn. U saa saan namm nyuntona boa.

Aisaya 49:11

“N saa faa sɔnjar ki gaan kunkona paak, ki ŋamm sɔnu ki n niib n tɔkin.

Aisaya 51:14

Li kan wei ki bi saa ŋaa dansarkɔɔra na yann. Ki bi manfoor saa fɔkit, ki bi sii di linba kur ki bi loon.

Aisaya 57:18

“N la baa tun biaŋinbawa, ŋaan n saa turib laafiawa. N saa gar bi tɔɔnn ki sommib, ki maan binba mɔ na para.

Aisaya 58:8

“Ŋanne ki n lomm saa yent i paak nan sanyiɔk ni yondoor na, ki i fiat saa buur yian. N sii be nani yoo kur ki tinni; n benu i boor saa guuri lokir kur po.

Maika 2:13

Yennu saa loot sɔnu ki turib, ki jiib, ki nyinnib digbangana ni, ki bi saa faa loot doo na tammɔkɔɔkir ki nyi bi yamani, ki bi kpanbar nba tee Yennu na tiɔŋo saa ŋmakitib, ki nyi namm.

Nikant 10:25

Binba joont din tee Dann boorue, ki tuu nyi nan bi fariŋ ki saak koonn koonn, ki Ahieser wunba tee Amisadai bija na tee bi tɔɔndaanɔ,

Sennu 16:3

I daa dir nan boroboro nba ŋmat datiŋi. Ii di boroboro nba kaa datiŋ ki saa tuu daaŋanlore, nan yaa din tun biaŋinba ki nyii Ijipt nan kakisin na. Ii di boroboro na, ki li sann sii tee wahala boroboro, ki i manfoor kur ni ki i sii tian daar nba ki i nyii Ijipt, siaminba tee wahala boor na.

Sennu 20:4

kimaan i Yomdaanɔ Yennu saa saan nani, ki saa turi nyannu.’

Joosua 4:11

Niib na kur nba poot mɔkir yoo nba, ki mannteeb nba dia Yennu mɔlor lakir na gar niib maŋ tɔɔnn.

Joosua 6:9

Ki jasiab dia jatiat ki gar mannteeb nba peeb naatuna na tɔɔnn, ki jab nba biar na ji waa mɔlor lakir na poor po. Yoo nba na kur ki naatuna kpan duune.

Barbuura 4:14

Ki Deboora yet Barak a, “Ii saa, Yennu be a tɔɔnn. Dinna daar nba na, u te ki a kɔn nyann Siserawa.” Ki Barak jii u kunkɔnkɔnna tusaa piik ki sik namm Tabor kunkonn.