Aisaya 51:9 - Yennu Gbouŋ Mɔɔr

⁹ Yennu, fiit ki sommit. Jiin a yiikoo na ki tinnit, ki tun a yiikoo toonn nan faa din tun yaayoo ni biaŋinba na. Fine din gbat Ijipt nba tuu naan mɔkir ni bonkob-paaruk na burii burii.

Aisaya 51:9 ပူးပေါင်းရင်းမြစ်များ

JOB labaar 26:12

U paŋe ki u jii ki nyann mɔkgbeŋir, ki bia jii u bannue ki biir mɔkgbeŋir ni bonsusoouk nba ki bi yiu Rahab na.

JOB labaar 9:13

Yennu wutoor-i doo, li ki maakit, ki biir u datai nba sommit nyun ni bonsusoouk Rahab ki u ki saak u mɔb.

Yaŋ 21:13

Yennu, ti piak dontira, kimaan a panchiɔŋ paak. Ti saa yin yaŋ, ki dont a sann.

Yaŋ 44:1

Yennu, ti gbat nan ti tubawa, ti yeejamm betit faa din tun linba ki turib sianyoo nawa.

Yaŋ 44:2

A din ber nyinn binba ki jiantira na bi tiŋ ni, ki dat bi tuba, ŋaan kaan a niib leŋ, ki te ki bi mɔkit.

Yaŋ 44:23

Yennu, fiit, bee ki a gɔɔnti? Kakitir a mɔŋ, ki daa yêent kɔtaa-a.

Yaŋ 44:24

Bee ki a lek a numm nanti? A daa tammit ti fara nan ti daamii po.

Yaŋ 59:4

N ki tun ki biir siari, ŋaan ki bi tee siir a bin lekin. Fiit ki sommin. Gotir n ninbaatir.

Yaŋ 7:6

Yennu, fiit nan wutoor, setir a taajaa paak, ki took n datai bi wutoor ni, ki sommin, kimaan a tee wunba waa barmɔnii sɔnue.

Yaŋ 77:5

N dukii daa nba gar, ki bia tian bina nba gar sianyoowa.

Yaŋ 78:65

Li joontik, ki Yennu fiir ki tee nan u bo gɔɔnte na, ki tee nan nipaaruk nba tuu nyu daan ki ŋamm la paŋ na,

Yaŋ 87:4

“Yoo nba ki n tan saa sɔb digbana nba saak n mɔb na, n tan saa pukin Ijipt nan Babilonn. Mi-i taŋi sɔb Jerusalem teeb sana, n saa pukin Filistia nan Taya nan Itiopia teeb sana.”

Yaŋ 89:10

A din faa but bonsusoouk Rahab ki kpiiu; ki jii a panchiɔŋ ki nyann a datai.

Yaŋ 89:11

Sanpaak nan tingbouŋ na kur tee a yare. Fine nan durinya nan linba kur be li ni.

Yaŋ 93:1

Yennu-e tee kpanbar, u gbee nan yabinte nan paŋ, u senn tingbouŋ na fanue, ki li kan ban nyat.

Nyinu 6:6

Li paak, pakin Israel teeb maŋ nan n piakib a, ‘Mine tee Yabint Yennu, n saa nyinni daabisin nba ki i be Ijipt teeb nuu ni na. N saa jii n panchiɔŋ ki baar nan tubdatu bi paak ki tinni.

Aisaya 27:1

Li daar, Yennu saa jii u takoobu nba mɔk paŋ ki bia kpi kuun nae, ki dat waagbeŋir nba tee ŋmaruŋo, ki bi yiu Lefiatann na tubir, ki kpi ŋɔɔ bonkob-susoouk nba be mɔkgbeŋir ni na.

Aisaya 30:7

Sommir nba kur ki Ijipt saa fit tur kaa nyɔɔti. Li paak, ki n pur Ijipt sanjɔɔk a, ‘Waauk nba kaa lɔbii.’ ”

Aisaya 51:17

Jerusalem, fiit gɔɔn ni, kutir fiir. A nyuu tubdatu nyubitik nba ki Yennu wutoor doo ki u tura, a fan nyu nawa. A nyuur, ki li sike, ki te ki a tukintir.

Aisaya 51:5

N saa baar yiame ki tinnib, n nyannu yoo na pera. N mɔŋe sii dia digbana. Digbanbanfɔka guu n baarue, ki guu nan dindann a man tinnib.

Aisaya 52:1

Jerusalem, a ŋamm kii mɔk paŋ kii paar. Yennu kasii digbann, a lia baakir. Binba ki mi Yennu ki bia ki yeen na ji kan ban kɔɔ a ni.

Aisaya 52:10

Yennu saa jii u kasii paŋ na ki tinn u niib, ki durinya niib kur saa lar.

Aisaya 53:1

Ki niib na jiin a, “Ŋmee din saa sak linba ki ti tan piak mɔtana na. Ŋmee din saa fit la Yennu yiikoo bont na ni?

Aisaya 62:8

Yennu senn mɔsonjaanne, ki saa jii u yiikoo ki gbeen u mɔsonn maŋ a: “I dii ji kii tee i datai jeeti, ki nigamm ji kan nyu i tilɔɔna daan.

Esekiel 29:3

Betirɔ nan maan nba nae ki Yabint Yennu yeen Ijipt kpanbar a: Fin bantɔuŋ bonsusoouk na, n tee a dataake. Ki a dɔɔ mɔkir ni, ki yeen a Nail mɔkir na tee a yare, a fine namir.

Maika 7:15

Yennu, tumin bakitnauŋ toona ki turit, nan faa din tun biaŋinba Ijipt, daa nba ni ki a din nyinnit na.

Habakuk 2:19

I boonta. I piak nan daauk a, “Fiit kar,” ki bia yeen nan tankɔrit a, “Fiit set.” Tingbann saa fit fiit siar ki turiwa-a? Li-i lekii pɔr salimpeena nan salimmɔna, ŋaan manfoor kaa li ni.

Habakuk 3:13

Ki a nyii, a fan tinn a niib, ki bia tinn a kpanbar ganntɔɔ na. Fine faa toonbiit damm tɔɔndaanɔ na ki birɔ tiŋ ni, ki bia boont u poorpoweiteeb na fas fas.

Sekaria 10:11

Yoo nba ki bi be bi daamii mɔkir ni na, min Yennu saa soor li nyunjiinu na, ki Nail nyun sunsuŋ na saa fɔɔr. Asiria teeb karinbaanii na saa maak, ki Ijipt teeb paŋ na saa gbenn.

Sekaria 2:13

Sɔɔ kur-ii ŋmin soon nna Yennu tɔɔnn, kimaan u saa nyi u kasii binbeboor na ki baar.

Barŋanii nba ki LUK din sɔb nae na 1:51

U tant u nuu ki tun paŋ toona, ki yat karinbaandamm ki biir bi lora,

Jɔɔnn 12:38

Baa din ki teenɔ yada na, ŋanne te ki Yennu sɔkinii maan na ji fit gbee a: “Ti Yomdaanɔ, ŋmee gaar ti maami? Ŋmee ki Yennu fiit u paŋ ki wannɔ?”

Toona 7:7

Ŋaan tiŋ maŋ niib nba ki bi sii tuun ki teemm na, n tan saa dat bi tuba. Li poorpo, a yaaboona maŋ saa nyi tiŋ maŋ ni, ki baar tiŋ na ni, ki jiantin.’

Sennu 4:34

Yensau ban bikin nan wun saan digbansiar ki saa nyinn boorsau ki teemm u yab, nan i Yomdaanɔ Yennu nba tun ki turi Ijipt nawa-a? I ninbina nie ki u jii u pangarisuk nan yiikoo ki baar nan yiarii nan tɔbii, ki tun yaarlituk nan bakitnauŋ toona, ki te ki jaŋmaanbona tun.

Fiitu 11:17

ki yeen a “Ti Yomdaanɔ Yennu, fin nba mɔk paŋ kur, ki din yɔɔ be, ki bia daa be na, ti teena niipoouk, kimaan a jii a pangbeŋir ki dii tingbouŋ na naan.

Fiitu 12:9

ki bi nyinn waakperbiiuk na; u poŋ tuu tee waauk nba be-ewa, ki u sann tee Sanbiirtɔɔ koo Sintaanii, ki tuu kpann tingbouŋ na teeb kur na. Ki bi nyinn ŋɔɔ nan u malakanba ki lub tingbouŋ na ni.

Barbuura 6:13

Ki Gideonn yet malaka na a, “Chanbaa, li-i tee ki Yennu be nant, bee teen ki linba na kur baat ti paaki? Yennu nba ki ti baanba tuu yaa wu tuun bakitnauŋ toona ki teemm na ji gaar lia? Yennu maŋ kaa nyii nant Ijipt ki tan baar nant nna na-a? Yennu nyikit mɔtanawa, ki jiit ki teen Midiann teeb nuu ni.”